خەلفەتینە ١٠ ۋێنیشاندەرۍ ئەمرەو زینانی کەرڎەیشا هەن
جە ناوچەو خەلفەتینە کە شارەوانیەکەش دەسش سەرەرەگیریان، ١٦ کەسۍ کە بە ئەشکەنجەدایۆ باڵبەسۍ کریێبېنۍ، ١٠ کەسېشا ئەمرەو زینانیکەرڎەیشا پەی بەرشیەن، شش کەسېچ بە شێوۍ مەرجدار ئازاڎ کریۍ.
جە ناوچەو خەلفەتی رحای، مڎرامانەنە جە دژو زەوتکەردەی ئیرادەو گەلی ١٦ کەسۍ کە یۆشا زاوڵەن، جە مابەینو ٥ و ٦و تشرینو دووەمینە باڵبەسێکریێنۍ و هێزی رەوانەو ۋەردەمو دادگای کریێبێنۍ.
داواکاری گرڎی بە بانگەشەو ئانەی "جە دژو پۆلیسی مردێنێوە" و "هامکاری رێکوستەیشا کەردەن" باڵبەسۍ کریێنۍ و رەوانەو ۋەردەمو دادوەریش کەردێبێنۍ.
دماو هۆرگێرتەی قسەکاشا ئا ١٦ کەسە ئەرەیاۋناشا، جە دژو نیایرەو قەیومی بەشداریشا جە ۋێنیشاندایەکانە کەردەن و دما باڵبەسکەردەیشا جە بنکەو پۆلیسینە ئەشکەنجە دریێنۍ.
دادوەر ئەمرەو زینانی کەردەیش پەی ١٠ کەساشا بەرکەرڎ، کە یۆشا جوانێوە تەمەن١٧ ساڵا، هەرپاسە شش کەسۍ تەرشا بە شەرتەو چەمڎاری دادی ئازاڎۍ کریۍ.
