یاگەگیرو سەرۆکایەتی فراکسیۆنو دەم پارتی سەزای تەمەلی واتش: "بەیدۍ پێوەرە چی زیهنیەتە فاشیستەیە ۋێما ڕزگار بکەرمۍ. ئێژا ئۆجالان ئەکتەری سەرەکیی چارەسەری پرسو کوردین. ئێمە ئاماڎێنمۍ ۋەرپرسیاری ۋێما جابەجێ بکەرمۍ".
ناڕەزایی دژو دەسسەرەرەگێرتەی شارەوانییەکا مێردینی و ئێلحی و خەلفەتی بەردەواما.
وانەنە چالاکیێوە ئەنجامدریا و درووشمەکۍ "بە ئەرەکۆشای سەرۍ گنمۍ" و "بژیۋۆ مڎرامانو گەلوو کوردی" و "جە ئەرەکۆشایۆ پەی سەرکۆتەی" بەرزکریاوە.
یاگەگیرو سەرۆکایەتی فراکسیۆنو دەم پارتی سەزای تەمەلی واتش: "داوا جە گرڎو گەلی و کرێکارا و ژەنا و ستەمۋنەکریایا مکەرو، بەیدۍ پێوەرە دژو ئی ڕژێمو قەیومیە مردمێوە. بەیدۍ پێوەرە ۋێما چی زیهنیەتە فاشیستیە ڕزگار بکەرمۍ. ڕاو ئینەیچ، دیموکراتیکبیەو تورکیای و چارەسەری ئاشتیانە و دیموکراسییانەو پرسو کوردین".
تەمەلی ئەرەیاۋناش ڕابەر ئاپۆ ئەکتەری سەرەکی چارەسەری پرسو کوردین، واتش: "پۆکەی جە گرڎ هەنگامێونە ئێمە ئاماڎێنمۍ ئەرک و ۋەرپرسیاری ۋێما جابەجێ بکەرمۍ. پەی دەسپنەکەردەی ئی پرۆسەیە، پەنەوازا گۆشەگیری هۆرگیریۆ".
چالاکییەکە بە چەپڵۍ و درووشمۍ دمایش ئاما.
