فەدا ئەرەیاۋناش جە کەسایەتی شێخ سەعیدی و سەید ڕەزاینە ڕا نمەڎەیمۍ بەهاکاو گەلوو کوردی و عەلەوییەکا بکریا ئامانج و ناڕەزایش بەربڕی و ئەرەیاۋناش؛ "شێخ سەعید و سەید ڕەزا ڕابەرۍ ئێمەنۍ، ڕا پا هروژما نمەڎەیمۍ."
فیدراسیۆنو دیموکراتیکی عەلەوییا (فەدا) سەبارەت بە هرووژمەکا دۆڵەتو فاشیستی و ڕەگەزپەرسو ئاکەپە-مەهەپەی پەی سەرو ئەرەمەرزیا کوردی و عەلەوییەکا بەیاننامێوە نوویسیاش وەڵاکەرڎۆ.
فەدا ئەرەیاۋنۆش؛ "دۆڵەتو فاشیستی و ڕەگەزپەرسو ئاکەپە/مەهەپەی جە گرڎ لێوە هرووژم مکەرا سەرو بەهاکاو گەلوو کوردی و عەلەوییەکا، جە لێوە دەس سەرو ئیراڎەو گەلوو کوردی و هێزەکاو دیموکراتیکیرە مگێرا و یاگێشانە قەیوم منیارە."
فەدا ۋەرا ۋەر بە بەئامانجگێرتەی سەید ڕەزای و شێخ سەعیدی ئەرەیاۋناش: "هامسەرۆکاو شارەوانی کە جە لایەنو گەلوو کوردیۆ هۆرچنیێبێنۍ، جە پۆستەکاشا دورۍ وزیێنێوە و قەیومۍ یاگێشانە نریێنێرە، هەرپاسە جە دامودەزگاکاو عەلەوی و جەمخانەینە جە ڕاو سەرۆکایەتیی کەلتووری و جەمخانەو عەلەویۆ قەیوم منریۆرە و هرووژمەکۍ پەی سەرو نوێنەراو گەلی گرڎ دەرەنجامو هەمان سیاسەتی و هەمان دژمنایەتییا."
جە ئەرەیاۋناکەینە ئاماژە پانەی کریان کە "هرووژمو چەتەکا بە نامۍ پارتو ئییی بانگەوازو کۆمکوژیا" و ئاماژە پانەی کریان کە گەلوو کوردی و عەلەوی نە بێ ڕێکوستێنۍ و نە بێ هەرەکەتێنۍ.
فەدا جە دمادمایی بەیاننامەکەینە ئەرەیاۋنانش؛ "شێخ سەعید و سەید ڕەزا رابەرۍ گەلەکەیمانۍ، ئێمە مڎرامانی مافدار و ڕەواو ئاڎیشا و ئا کۆمکوژییەی جە دژو ئاڎیشا ئەنجامدریان، جە یاڎ نەکەردەن، پۊکەی هرووژمەکا دژوو عەلەوییەکا قبوڵ نمەکەرمۍ و ۋەرا ۋەرشا مردمێوە."
