کۊنگرەو نەتەوەیی کورڎستانی (كه‌نه‌كه)، دماو قسەکاو سه‌بری ئۊكی، ئەنداموو دەسەو ڕاوەبەریی کەجەکەی، باره‌و ئا نامه‌هه‌ڕه‌شاوییاوە کە ئاڕاسەو ڕابه‌روو گەلوو کوردی، عه‌بدوڵڵا ئۊجالانی کریێنۍ، داوێوەش ئاڕاسەو ڕێکوزیای و ئەرەمەرزیایە میاننه‌ته‌وەییە‌كا كەرڎە.
کۊنسەو ڕاوەبەریی کۊنگرەو نەتەوەیی کورڎسانی (كه‌نه‌كه)، بارەو گۊشه‌گیریی سه‌روو ڕابه‌روو گه‌لوو كوردیوە، عه‌بدوڵا ئۊجالانی و ئه‌و نامه‌هه‌ڕه‌شاوییاوە ئاراسته‌ش کریا، ئەرەیاوناێوەش وەڵا کەرڎۊ.
ئەرەیاوناکەنە، كه‌نه‌كه نیگه‌رانییش باره‌و ئا نامه‌هه‌ڕه‌شاوییاوە ئاراستەو ڕابه‌روو گه‌لوو كوردی، عه‌بدوڵڵا ئۊجالانی کریێنۍ بەروستەن و ئەرەیاونانش: بە پلانێوە ئۊرگانیزۍ دەزگاکاو دەوڵەتی نامێوە فرۍ بێناموونیشانێش پەی کیانا و هەڕەشۍ کوشتەیش وەنە کەرا.
هەر جە ئەرەیاوناکەینە كه‌نه‌كه واتەنیچش، ئێمە پێسە کۊنگرەو نەتەوەیی کورڎسانی ئی بێدادییەو سەروو بەڕێز ئۊجالانی و هامڕایەکاش بەتنڎی شەرمەزار کەرمۍ.
بەشێوە تەروو ئەرەیاوناکەینە ئامان، ئی ڕەفتارەو دەوڵەتوو تورکیای وەراوەروو بەڕێز ئۊجالانیوە مەبۊ قبووڵ کریۊ، ئینە ڕاستەخۊ قەراروو کوشتەین.
ئاخیروو ئەرەیاونیاکەو کەنەکەینە داواش جە سه‌رجه‌م ڕێکوزیا و ئەرەمەرزیا بەینه‌ته‌وەییە‌كا كەرڎێنە، "مافە ڕەواکاو بەڕێز ئۊجالانی پارێزنا و فشار وزا سەروو دەوڵەتوو تورکیای کە دمایی بە زوڵم و نادادی سەریش بارا".
ده‌قوو ئەرەیاونیاکەو كه‌نه‌كەی پێسنەن:
ئیتر ئا گۊشەگیرییە تنڎکریاوەو سەروو بەڕێز عەبدوڵا ئۊجالانی، یاوان ئەمرەو دلێنەبەرڎەی!
ئانا ٢٨ مانگێن کە چەنی بەڕێز ئۊجالانی و یەرۍ هامڕایاش دورگەی ئامڕاڵینە، پەیوەندیی پڕچیان. دەوڵەتوو تورکیای فرە بەئاشکرا ڕا مەڎۊ کە کەسوکار و پارێزنەرەکێشا سەرشا بڎا. هەرپاسە مافوو نامەکیانای و قسەکەرڎەیشا بەتەلەفونیچ پەنە مەدریۊ. ئی ڕەفتار و هەڵوێستەو دەوڵەتوو تورکیای گرڎوو قانون و مافە حقووقییەکاو دنیێش پاشێلۍ کەرڎێنێ.
بەڕێز عەبدوڵا ئۊجالان ١٥ شوباتوو ساڵەو ١٩٩٩دورگەو ئامڕالی گیریان. بەڕێز ئۊجالان، پێسە ڕابەرێوە کوردی بۊنەو دۊزوو کوردی و کورڎستانی بە دەسوو دەوڵەتوو تورکیایۊ ڕاسییی سەدان مامەڵەی دژە ئینسانییانەی مۍ.
ڕانەداۍ بە دیڎاری چەنیش پەی وێش ئەشکەنجەداێوەن پەی دلێنەبەرڎەیش. بە پلانەی ئۊرگانیزە دەزگاکاو دەوڵەتی نامۍ بێنامونیشانێش پەی کیانا وا هەڕەشۍ کوشتەیش وەنە کەرا.
ئێمە پێسە کۊنگرەو نەتەوەیی کورڎستانی ئی بێدادییەو سەروو بەڕێز ئۊجالانی و ڕەفێقەکاش بەتنڎی شەرمەزار کەرمۍ.
گرڎوو دنیێنە، جە نائینسانانەتەرین ڕژێمنە مافوو چەمپەنەکەوتەی و دیڎاری پەی هەرڕەهینێوە مدریۊ. ڕژێموو ئاپارتهایداو ئەفریقاو پانیشتی ساڵاو حەفتاکاو سەدەی وەڵێنی پێسە دەوڵەتوو تورکیایش نەکەرڎەن!
ئی ڕەفتارەو دەوڵەتوو تورکیای وەراوەروو بەڕێز ئۊجالانی مەبۊ یاگۍ قەبوڵی بۊ، ئینە ڕاستەخۊ قەراروو کوشتەین!
زیندانیی سیاسی هەرشۊنێوەنە بۊ ئا ماف و حقوقەشا هەن. ئی مافە مەبۊ جە زیندانییا بسنیۊوە. وەلۍ دەوڵەتوو تورکیای هیچ چا ماف و یاسا ئینسانییانا مەشناسۊ و پاشێلێشا کەرۊ.
بەڕێز ئۊجالان گرڎوو ژیوای وێشەنە خزمەتوو گەلوو کورڎستانیش کەرڎەن، پەی مافە ڕەواکاو ئادیشا کۊشیان پەوکای بەڕێزشا باجی فرە گرانش دان و ئیسەیجە مدۊش. چێگەوە خەڵکوو کورڎستانی جە ئەوەڵۊ هاگاشا ئینا ئۊجالانی و بە هینوو ویشا مزاناش و پارێزناش.
ک ن ک داوا جە گرڎوو کوردی و کورڎستانییا کەرۊ، کە چی کۊشەرەیە زیادتەر و زووتەر بەیاوە دەنگ.
هەرپاسە داوا جە گرڎوو دنیۍ دیموکراتیکۍ و ئینسادۊسۍ، دەزگایەکاو دلۍ دەوڵەتیچ کەرۊ، کە مافە ڕەواکاو بەڕێز ئۊجالانی پارێزنا و فشار وزا بکەنە سەروو دەوڵەتوو تورکیای، کە ئا زوڵم و نادادییەو سەریش ورگێرۊ.
ک ن ک هەرپاسە چڕۊ دەوڵەتوو تورکیای، کە واز چا سیاسەتە نائینساناناشە بارۊ و زووتەرین وەختەنە ڕا پەی ئازاڎییەکاو بەڕێز ئۊجالانی کەرۊوە و مافە یاساییەکاش بەدی بارۊ.
کۊنسەو ڕاوەبەریی کۊنگرەو نەتەوەیی کورڎستانی
١٠ تەمووز ٢٠٢٣ بڕۊکسڵ
س.ز
