جە ئەرەیاۋناکەنە ئامان، سیستموو ئەشکەنجەو گۊشەگیری کە ٢٥ ساڵېن بەردەواما، هجومېوەن سەروو گرڎوو دەسکۊتەکا گەلوو کورڎی و ئینەیچ وزیان ڕووە، "تەنیا چارەسەر ئانەن کە ڕابەر ئاپۊی کەرمۍ بەبنەما و کۊشیای و خەبات و ۋېما پۍ ئازاڎیی جەستەیی ئاڎیی بە گوڕتەرۍ بیمۍ".

حەرجە درېژەو ئەرەیاۋناکەو کەجەدەکە-ئەینە باس چانەی کریان،"ئازاڎیی ڕابەر ئاپۊی ئازاڎیی گەلوو کورڎی، ژەنا و گەنجا، گەلا چەوەسیای و مرۊڤایەتین. سیستموو ئەشکەنجەی جە ئیمڕاڵی ئەشکەنجەو گۊشەگیریا سەروو گەلوو کورڎی، ژەنا، گەنجا، گەلا و تەماموو مرۊڤایەتی.

حەر جە ئەرەیاۋناکەنە ئاماژە بەبۍ دەنگی ئەنجوومەن و ئۊرووپای و کۊمیتەو ڕاگېرتەی جە ئەشکەنجەی (سی پی تی) کریان ۋەران ۋەر بە گۊشەگیری و ئەشکەنجەی جە ئیمڕاڵی و چا ڕوۊ تەئکید چانەی کریانۊ کە ئا بېدەنگیە ئا ئەرەمەرزیا کەرۊ بە هامبەش و تاوانەکا دۊڵەتوو ترکی جە ئیمڕاڵی و جە ئاخریچەنە داوا جە گەلوو کورڎی وتەرەفڎارا مرۊڤایەتی کریان پەی ئازاڎیی جەستەیی ڕابەر ئاپۊی بەشېۋېوە بەقوەت بەشڎاری چا چالاکیانە کەرا کە جە لایەنوو تەژەکە-ئەیۊ ڕېکوزیېنۍ و جە ٧-٨و تشرینی یۋەمینە ملا ڕاوە.