کۊنگرەو گلێرگە دیموکراتیکەکاو کوردستانی ئەورووپانە (کەجەدەکە-ئە) پەی ڕاپیمای ناوەندی، کە ١٧ شوباتینە لشاروو کۊڵنوو ئەڵمانیاینە دەس پەنە کەرۊ، پەیامێوەش وەڵا کەرڎۊ.  

پەیامەکەش ئینەن:

"کوردستانیۍ و دۊسێشا حەریاگێوەنە با، پەی ڕاپیمایی ناوەندی ١٧ شوباتوو کۊڵنی ئامادۍ با. هەڵمەتەو ئازادیی پەی رابەر ئاپۊی تا بۍ فراوانتەرە بۊ، ئی ڕاپیمایچە بەرڎەوامیداین بە وەرفراوانیی ئا هەڵمەتێ.

گردوو ئەنجومەن، کۊمیسۊن، دۊس و هامڕایاما، پەی ئازادیی ڕابەر ئاپۊی وێما ڕێکۍ وزمۍ و یاگی وێما ڕاپیمایەکەینە گێرمێ.  

داوا جە گرد کەسێوە کەرمۍ گۊشەگیری لابەرا و ئازادیی جەستەیی ڕابەر ئاپۊی مسۊگەر کەرا.

گردوو ئەنجوومەنەکاما دۊخی کتوپڕشا ئەرەیاونان و سەرنجەشا وزا سەروو ئی بابەتەیە و گردوو هەرمانەکاشا مردنا، هەرمانە و خەباتشا سەروو بەسداریی جە راپیمای ئازادیینە بیاونا بەرزتەرین ئاست.

ئازادی ڕابەر ئاپۊی پەیما نرخێوە بنەڕەتییەش هەنە، بەیدۍ با پی ئیرادەوە، جە راپیامی کؤڵنینە بەشدارۍ بیمێ، مەیدانەکانە مەنمێوە تا رابەر ئاپۊی ئازاد کەرمێ، مشۊم چی سەرڎەمە تازەنە بە زیادکەرڎەی هامڕایا و دۊساما  تەنگکەرڎەی دۊساما کەرمۍ بە خەبات. پی بۊنەوە داوا وەنەو گەلی وەڵاتپارێزنیما، ژەنی، زارۊڵە، گەنج و پیر و گردوو گەل و دۊساما کەرمێ، بە جەماوەرییوە بەشدارۍ ڕاپیمای ١٧ی شوباتوو کۊڵنی کەرا".