کەجەدەپە: مانگەو تەمووزینە تورکیانە پیۍ ٢٥ ژەنێشا کوشتێنۍ
کەجەدەپە ئەرەیاوناش، کە مانگەو تەمووزینە ٢٥ ژەنۍ بە دەسوو پیایا کوشیێنۍ و ٩ ژەنێچ بە گوماناوی مەرڎێنۍ.
پلاتفۊڕموو ئێمە کوشتەی ژەنا ئەرەگێرمۍ (کەجەدەپە) ڕاپۊرتەی تایبەت بە مانگەو تەمووزوو ٢٠٢٣ ئاشکرا کەرڎە. لە ڕاپۊرتەکێنە ئاماژە پانەیە کریان، کە چا مانگێنە ٢٥ ژەنۍ تورکیانە کوشیێنۍ و ٩ ژەنیچ بە گوماناوی مەرڎێنۍ.
فرەو ژەنا لاو هامسەرەوەڵینەکاشاوە کوشیێنۍ. جە سەدا ٤٨ ژەنا، کە چا مانگێنە کوشیێنۍ یانەکاو وێشانە کوشیێنۍ، هەرپاسە سەدا ٦٤ ژەنا بە چەک تاوانەکەشا وەراوەرۊ کریان.
س.ز
