هامسەرۊکایەتی ڕاوەبەری کەجەکەی ئەرەیاۋناش،"جە موسڵەنە بە مەڵامەتوو ئاێر کۊتەیۊ جە هۊڵېوە زەماۋنېنە زیاڎ جە ١٠٠ کەسا گیانشا جە دەسدا و دەیان کەسۍ تەرېچ زامڎارۍ بیۍ.ئا کارەساتە قورسە جە ناخۊ دڵتەنگېش کەردیمۍ. هومېڎەوارېنمۍ ئانۍ کە گیانشا جە دەسدان گنا ۋەروو بەزەیی و چنەویەرڎەو خوڎاوەندی و سەرەوەشی جە خانەواڎەو کەسوکاریشا کەرمۍ. هیواو ۋەشبیەیۊ یچ پۍ زامڎارەکا موازمۍ. ۋېما بە هامبەشوو خەم و ئېشەکا مەردموو موسڵی و عېراقی موازمۍ و سەرەوەشیشا ۋنە کەرمۍ".

جە ئەرەیاۋناکەو کەجەکەینە حەرپاسە ئامان:

جە سەرمەشقا جمیەروو یاۋنەری ئازاڎیی و دیموکراتیکی هەڤاڵ سەید ئەڤران گەشمەرڎە بی.گەلوو کورڎسانی و ڕېکوزیا دیموکراتیکەکۍ بەتایبەتی جمیەروو یاۋنەری ئازاڎیی و دیموکراتیکی هامڕا سەیدی ۋیرماراوە. هامڕا سەید شۊڕشگېڵنۍ گۊرەبۍ کە بە هەڵوېس و ژیۋای ۋېش نیشانەش دا ڕاو ئەنەیاوای جە ڕاسی ژیۋای و یۊگېرتەی ئینا چنی ئاڎیی. جە کەسایەتی ئاڎینە گەشمەرڎا دیموکراسی و ئاخېزی گرڎیشا بە شکۊو پنەزانایۊ ۋیرمارمېوە و وەعدوو سەرکۊتەی کە بە گەشمەرڎاما دان واوەی کەرمېوە.

دۊڵەتوو ترکی چنڎەیچ هجووم کەرۊ مەتاۋۊ مەردموو قەندیلی قارەمانی تەرسنۊنە

جە ئاکاموو هجومەکا دۊڵەتوو ترکی ئەرەگیری و قڕکەرینە ژمارېوە جە خەڵکەکەیما گیانشا جە دەسدان و زامڎارۍ بیېنۍ. یۊ چا مەنتیقایچە قەندیلا. جە دماین نمونەنە بە فڕۊکەی هجومکەر دەگاکۍ ئینزۍ و بۊکریسکانی کریۍ ئامانج. جە هجومەکەو سەروو دەگاو ئینزېنە ترۊمبېلېوە هاموڵاتیا بۊردومان کریا. جە ئاکاموو هجومەکەو سەروو دەگاو بۊکریسکانیچەنە دەگا نشینېوە گەشمەرڎۍ بیە، چن کەسېچ زامڎارۍ بیۍ. ئېمە سەرەوەشی جە کەسووکاروو گەشمەرڎەکۍ و مەردموو قەندیلی کەرمۍ، هیواو خاسبیەیۊیچ پۍ زامڎارەکا وازمۍ. دۊڵەتوو ترکی پا کۊکوشیشە سەلەمناشۊ کە تەنیا ئامانجش کوشتەی کورڎان. ئېمە ئا هجوومو کۊکوشیا دۊڵەتوو ترکی بە تنی شەرمەسار کەرمۍ و داوا جە گرڎ کەسۍ کەرمۍ کە خۊتانکەرڎەی جە مەردموو قەندیلی کەرا ، دژ بە هجوم و کۊکوشیەکا ترکی ئەرەگیری هەڵۋېسی بەقوەت نیشانە بڎا. دۊڵەتوو ترکی فرە توڕەن جە بیەو خەڵک و قەندیلی، حەرپۊکەی بەتایبەتی هجوم کەرۆ سەروو قەندیلی. ۋەروو ئانەی مەردموو قەندیلی دەسشا جە هەڵۋېسی ۋڵات پارېزی هۊرنەگېرتەن. پی هجوما گەرەکشا داواکاریەکا ئاڎیشا دلېنە بەرۊ. دۊڵەتوو ترکی فاشیستی چنڎەیچ هجوم کەرۊ مەتاۋۊ مەردموو قارەمان و قەندیلی سەرکوت کەرۊ".