هامسەرۆکایەتی دەسەی ڕاوەبەری کەجەکەی، بە ئەرەیاۋنېوە نویسیا، مبارەک بایش ئەو هێزەکاو گەریلای زاپ و مەتینانە کەرڎ، کە ١٩-٢٠ و تشرینوو دووەمی ئۆپەراسیۆنشا دژوو هێزەکاو دەوڵەتوو تورکی ئەرەگیری ئەنجامدا.
هامسەرۆکایەتی دەسەی ڕاوەبەری کەجەکەی، بە ئەرەیاۋنېوە نویسیا، مبارەک بایش ئەو هێزەکاو گەریلای زاپ و مەتینانە کەرڎو واتش: "بۊنەو ئی چالاکییە سەرکۊتاوە، جە سۊماو دڵیماوە مبارەک بایی جە فەرمانڎە و گەریلا بەشڎارەکا ئی چالاکییا و گرڎوو گەریلاکا ئازاڎیی کوردسانی کەرمۍ".
جە ئەرەیاۋناکەنە بە ناموونیشان و "پۍ فەرمانڎە و گەریلاکا هەپەگەی و یەژاستاری"، وچیان:
"فەرمانڎەیی قەرارگەو ناوەنڎی پارېزنای گەلی بە ڕای گرڎیش ئەرەیاۋنا، گەریلاکۍ جە ١٩ و ٢٠ و تشرینوو دووەموو ٢٠٢٣ جە هەرێموو گەشمەرڎە دەلیلوو ۋەرنیشتوو زاپی و مەتینای، چالاکی ۋەرفراوانشا دژوو سوپاو تورکی ئەرەگیری ئەنجامدان، چنڎین سەنگەرۍ وڕېنۍ و دەیان ئەرەگیرۍ سزادریېنۍ. فەرمانڎەیی قەرارگەو ناوەنڎی پارېزنای گەلیما، بە ئەرەیاۋناکەیش تەئکیدش کەرڎۊ، ئی چالاکیۍ گورزێوە جەرگبڕشا جە سوپاو قڕکەر و ئەرەگیری شانان. بەبۆنەو ئی چالاکییە سەرکۊتاوە، جە سۊماو دڵیۊ مبارەک بایی جە فەرمانڎە و جەنگەوانا بەشڎار چی چالاکییانە و تەماموو گەریلاکا ئازاڎیی کوردسانی کەرمۍ. سڵام و وەشەویسی و ڕێزوو ۋېما بەربڕمۍ. مباەرک بایی جە فەرمانڎەیی قەرارگەو ناوەنڎی پارېزناو گەلی کەرمۍ.
هەڤاڵا ئەندۆک و جوانە و عەگید کە دلۍ ئی چالاکییانە جە بەرەکا وەڵېوە جەنگشا کەرڎ و گورزەی گۊرېشا ئەو سوپاو ئەرەگیری تورکی شاناو گەشمەرڎۍ بیۍ. جە کەسایەتی ئی یەرە هەڤاڵە فیداکارەو کۊشیای ئازاڎیی کوردسانینە، بە رێز و سوپاسۊ گرڎوو گەشمەرڎا ئاخېزی و دیموکراسی یاڎ کەرمېوە، سەرەو ڕێزی پۍ یاڎیشا منامنمېرە و وەعدوو پەیوەسبیەی بە گەشمەرڎاوە واوەی کەرمېوە. بێگومان گەشمەرڎەکېما خوڵقنەروو ڕاسینەو گەلوو کوردی و قەزیەو ئازاڎیی کوردسانینۍ. پەنەوازەن گەلەکەما و دۆسەکېما فەخر بە هامڕایا ئەندۆکی و جوانۍ و عەگیدیوە کەرا و یاڎەوەرییەکاشا جە بەرزتەرین ئاستەنە پارېزنا. ئاڎۍ کەسایەتیۍ نەمرۍ ئاپۆییېنۍ کە بەبێ دوودڵی ۋېشا پەی ئازاڎیی فیدا کەرڎ و بیۍ بە هامڕۍ ئەرداڵی و ڕۆژهاتەکا.
گەریلا پی گورزە قورسۍ جارێوەتەر سەلەمناش کە جەنگەوان و پارێزنەرۍ بێ وێنەو کوردسانینۍ و ڕا بە ئەرەگیری مەڎا. جەنگوو گەریلای دژوو سوپاو ئەرەگیری، جەنگوو پارېزنای کوردسانیا. گەریلا بە ڕۆحێوە فیڎاکارانۊ کوردسانی جە ئەرەگیری و قڕکەرڎەی و خیانەتی پارېزنۊ. پەنەوازەن گەلی وڵاتپارێزوو کوردسانی بە پەشتیوانی و بەشداریکەرڎەی چی مدرامانەو گەریلای، کۊشیای فراوانتەر و بەقوەتتەر کەرا دژ بە ئەرەگیری و قڕکەرڎەی و خیانەتی.
گرنگ و ماناڎارا ئی چالاکیۍ بە بۆنەو ٤٥ ەمین ساڵیاڎوو ئەرەمەرزناو پارتەکەیماوە (پەکەکە)ی ئەنجام مڎریا. پینەیچ مبارەک بایی ٤٥ ەمین ساڵیاڎوو پارتەکەی جە گرڎوو فەرمانڎە و جەنگەوانا هەپەگەی و یەژاستاری کەرمۍ، بە تایبەتی هەڤاڵاما جە هەرێموو گەشمەرڎە دەلیلوو ۋەرنیشتوو زاپی و مېڎانوو مەتینای، جە ٤٦ ەمین ساڵیاڎەنە، هیواو سەرکۊتەی گۊرەی پۍ کۊشیای و مدرامانەکەیشا موازمۍ".
