هامسەرۊکایەتی دەستەی ڕاوەبەریی کەجەکەی، بە بۊنەو ٤٥ەمین ساڵیادوو ئەرەمەرزنای پەکەکەیۊ، ئەرەیاوناێوە نویسیاش وەڵا کەرڎۊ.

هامسەرۊکایەتیی دەسەو ڕاوەبەریی کەجەکەی، بە بۊنەو ٤٥ەمین ساڵیادوو ئەرەمەرزنای پەکەکەیۊ، ئەرەیاوناێوە نویسیاش وەڵا کەرڎۊ.

کەجەکە ماچۊ: " ئێمە ئینایمۍ ساڵەو ٤٥مینوو پەکەکەینە، کە  ٢٧و تشرینو دووەمو ١٩٧٨ بەڕسمی وێش ئەرەیاونا.  پەکەکە گەلوو کوردیش  زیندە کەرڎۊ و کە خەریک بۍ دلێنە بشۊ. جە تارێخوو ٤٥ ساڵەیشەنە خاس کەوتەن وەڵۍ و تا ئارۊیچ بەرڎەواما. ئێمە یادو ٤٥ ساڵەو ئەرەمەرزنای پارتەکەیما پەکەکە، کە گەلوو کوردیش واوەی خولقناوە، وەنەو ڕابەر ئاپۊی و گردوو گەشمەرداو شۊڕشی و دیموکراسی و گەلوو کوردستانی وەڵاتپارێزنی، گەلاو وەرکەوتوو دلێڕاسەی و دنیۍ،ژەنا و گەنجا، گردوو ئا هامڕایا زیندانەکانە مرامان کەرا، گردوو ئانیشا پەی ئازادی و دیموکراسی کۊشیای کۊشیا، مەبارەک کەرمۍ. مەبارەکبایی جە گەریلاکاو ئازادیی کوردستانی کەرمۍ، کە بە ورشانایوە سەنگەرەکا، وەڵێکەوتەی خولقنا.

بێگومان ئا وەڵیکەوتەیە کە پەکەکە بنیاتش نیان، بە کۊشیای گەورە و قوربانییەکاو سەروو ئی ڕۍ ئامان دی. ڕابەر ئاپۊ ئەرەیاوناش قەراروو ئەرەمەرزنای پەکەکەی پێسە جوابێوە پەی گەشمەرڎەکەرڎەی حەقی قەراری دریان. ئی واچەو  ڕابەر ئاپۊیە سەرچەمەو قەوەو پەکەکەیش ئاشکرا کەرد. پەکەکە پارتوو کۊشیای و گەشمەردان. گردوو ئا وەڵێکەوتەیا کە خولقنێش بە دڵسۊزی پەی یادوو گەشمەردا کریێنۍ. کۊشیای دەیان هەزار گەشمەردا، ئی وەڵێکەوتەیشە ئارڎەن.پەوکای گەشمەرڎەکێما ساعیبۍ وەڵێکەوتەیەو پەکەکەینۍ.پی بۊنەوە جارێوە تەر بە ڕێز و سوپاسێوە فراوانۊ گردوو گەشمەرادو شۊڕشی و دیموکراسی یاد کەرمێوە، وەعدوو دڵسۊزی و سەرکەوتەی ئەوەخوای کەرمێوە، بە ڕێز و سوپاسۊ سەرەیما وەرڎەموو یادووگەشمەردانە کۊمنمێرە".

پەکەکە دژوو زوڵمی و بێ‌مافی سەرەش وردا

جە ئەرەیاونایەکەو هامسەرۊکایەتیی کۊنسەو ڕاوەبەریی کەجەکەینە ئامان:

"بەرکەوتەی پەکەکەی تاریخوو گەلوو کوردستانیش فاڕا، بی بایسوو ئانەیە قۊناغێوە تارێخیی تازە  کوردستاننە و وەرکەوتوو دلێڕاسەینە گەشە کەرۊ. جە ئەوەڵوو سەدەو ویسەمینە هێزەکاو مۊدێرنیتەی سەرمایەداری سیستمێوەشا ڕاو دەوڵەت-نەتەوەکاوە وەرکەوتوو دلیڕاسەینە بنیات نیا. سەرچەمەکاو سەرزەمینی و چێرزەمینییەکاو وەرکەوتوو دلێڕاسەی بەتەمامی لاو هێزە سەرمایەدارەکاوە کۊڵۊنیاڵیزە کریۍ. گەلاو وەرکەوتوو دلێڕاسەی چێروو دەسەڵاتوو ڕژێم و دەوڵەتە نەتەوەپەرس و ئایین‌پەرس و پاوانواز و فشارکەر و دیکتاتۊرەکانە، ڕووبەڕووۍ گرد نۊعە چەوسنایوەی بیێنێوە. گەلۍ بەشۍ کریێنۍ سەروو دەوڵەت-نەتەوەکارە، کریێنۍ بە دوژمنۍ و دەسشا کەرڎەن بە جەنگ دژوو یۊترینی. فرەو گەلە دێرینەکاو وەرکەوتوو دلێڕاسەی چێروو دەسەڵاتوو سیستموو مۊدێرنیتەی سەرمایەداری و دەوڵەت-نەتەوە پاشڤەڕۊکانە، وەرڎەموو کۊکوشی و قڕکەرڎەینە جیا ئازیێنۍ. یۊ چا گەلا کە جیا ئازیان پەی قڕکەرڎەی و چەوسیایۊ، گەلوو کوردین. گەلوو کوردی جە وەڵاتەکەیش بڕیان، حسابپەی بییەیش نەکریان، وزیان دلۍ پڕۊسەو سڕیەیۊوە. وەڵۍ گرد چێوێوەنە پەکەکە دژوو ئی ناهەقی و ستەمەیە پێسە شۊڕشێوەسەرەش وردا. تەڤگەروو پەکەکەی بە فیکروو ئازادی و کۊشیای سەروو ئی بناغەیە، گەلوو کوردیش جە مەرڎەی  گێڵناوە و خولقناشۊ. ئینە پەی گەلوو کوردی هەر قسۍ نییەنە، ڕاسیین. گەلوو کوردی ڕاو پەکەکەیۊ هەقیقەتوو وێش ئشناساش و دوژمنیچش ئشناسا و زانای ئازادییش دەس وست، یاوانە کە جە ڕاو کۊشیایۊ ئازادیی وێش بنیاد بنیۊ. جە ڕاو یارای و ئی کۊشیایۊ، ئیرادەو وێشش وەڵۍ وست و تاواش سەرر بناغەو ئازادییوە واوەی وێش بنیات بنیۊوە.  

گەلاو جیهانی هێز چی تەڤگەریوە ورگێرا

چەنی ورشانایوە کۊڵۊنیاڵیزمی کوردستاننە و بەدیئامای شۊڕشوو ژیوایۊ، ستاتۊو ئیساتۍ وەرکەوتوو دلیڕاسەی گورزش وارڎەن و یاوان بنبەس. هێزەکاو مۊدێرنیتەی سەرمایەداری دیشا، کە ئا وەڵێئامایۍ پەکەکەی وەشۍ کەرڎۍ، بەرژەوەندییەکاشا وزۊ تەرسیوە. پەوکای چەنی ڕژێمە دەوڵەت-نەتەوەکا و هێزە پاشڤەڕۊکاو وەرکەوتوو دلێڕاسەی پیلانێوە میاننەتەوەییەشا دژوو ڕابەر ئاپۊی دەس پەنە کەرڎە و پینەیجە گەرەکشابۍ ڕاگێری جە پەکەکەی کەرا. بناغێوە پەی ئی نۊعە پیلانگێڵنییە میاننەتەوەییا هەن، کە ئارۊ پێسە گۊشەگیریێوە ڕەهای کریا. وەلۍ پەکەکە بە پەشتیبەستەی بە پارادایمە تازەکەو ڕابەر ئاپۊی، هجوومەکاش پووچەڵۍ کەرڎێوە و کۊشیای ئازادییش زیاتەر وست وەڵۍ. پێسە پەکەکە بییەن بە کاریگەرتەرین هێزی ئایدیۊلۊژی و سیاسی وەرکەوتوو دلیڕاسەینە. پەکەکە نەک حەر بییەن بە سەرچەمەو  هێزی پەی گەلوو کوردی، بەڵکوم بییەن بە پارادایمی دیموکراتیک و ئیکۊلۊژیک و ئازادیوازوو ژەنا و فیکری نەتەوەی دیموکراتیکوو ڕابەری بییەن بە سەرچەمەو هێزی پەی گەلاو وەرکەوتوو دلێڕاسەی و دنیۍ. ئارۊ بەئاسانی متاومێبواچمۍ پەکەکە نەک هەر کاریگەرتەرین هێزوو وەرکەوتوو دلێڕاسەین، گەورەتەرین هێزوو چارەسەریچا.

ڕاپیمای ئازادیینە شانە بەشانەو ژەنا مرڎمۍ

یۊ جە وەڵیکەوتەیە فرە گرنگەکاو پەکەکەی پەی گرڎوو ئینسانیەتی ، بێگومان کۊشیای پەی ئازادیی ژەنۍ و ئا ویرۊکە و پارادایمەیە کە پەی مەبەستەیە وەڵۍ وزیان. ڕابەر ئاپۊ بۊنەو باوڕۍ و وەشەسیایش پەی ژەنا، پەکەکەش پێسە  باوەڕ و  وەشەسیای پەی ژەنا، پەکەکەش پێسە تەڤگەروو ژەنۍ ئازادۍ ئەرەمەرزنا، کە ژەنی واوەی وێشا دلێشەنە ویناوە و ئازادییشا بدەس وزا. ڕابەر ئاپۊ پێسە هەنگامۍ دووەمۍ، پارادایموو ئازادیی ژەناش پەرە پەنە دا و سیستمێوە ژیوای ئازادیش  وست ڕووە کە ژەنی دلێشنا وێشا خولقنا و ئازادییشا مسۊگەر کەرا.  ئارۊ ئی هۊشیارییە بە دروشموو "ژەنی، ژیوای، ئازادی" گرڎوو دنیێنە وەڵا بییەنۊ و ژەنی پەنەش وێسا بەروزا. ئنە هەنگامێوە گەوڕێنە پەی دنێی و دەسوستەی ژیواێوە ئازادی. ئێمە پەنەما پاسنەن کە جە ڕوۍ چینەنە کە ڕۊو وەرگێریی تندوتیژیی دژووو ژەنان، دداننیایبە سەرچەمەو چەمکوو "ژەنی، ژیوای، ئازادی" مانادارتەرین و ڕاستتەرین هەڵوێست بۊ. بەئاسانی متاومۍ بواچمۍ ئەرەمەرزنای  پەکەکە و وەڵیکەوتەیکاش دژوو گرڎ نۊعە تندوتیژی و چەوسنایوە و کۊکوشیێوە دژوو ژەنا بیەن بە یۊ جە هەڵوێسە مانادارەکاو تارێخی. پی بۊنەوە پێسە تەڤگەرێوە کە ژیوای ئازادی بەسمێوە بە ئازادیی ژەناوە، گرڎ نۊعە تندوتیژی و چەوسیایۊیۍ کۊکوشیێوە دژوو ژەنا شەرمەزار کەرمۍ و ئەرەیاونمێش ڕاپیمای ئازادیینە  شانە بە شانەو ژەنا مرڎمۍ.

پەکەکە باخوو ئینسانیەتینە ڕێخێش کوێنێرە  

پەکەکە یاگۍ وێش و ئەنەیاوایش دلۍ دڵوو هەلوو کورڎینە کەرڎێنۊ، بە کاریگەرییش سەروو خەڵکوو وەرکەوتوو دلیڕاسەی و دنیۍ و بە پاڵپەشتێوە گەورەو ژەنا و هێزی گەورەی پەی چارەسەرکەرڎەی کێشەکاو جڤاکی دلۍ باخوو گلێرگەی و ئینسانیەتینە ڕێخێش کوێنێرە. ئانۍ هجوم کەرا سەروو پەکەکەی و ئجۊشا پەکەکە لاواز بۊ یان مەمەنۊ، دوژمنۍ فاشیستۍ و قڕکەرێنۍ کە مەتاوا چی ڕاسییە بیاوانە. پەکەکە تەڤگەرێوە دەروونی و هێزێوە جڤاکیی گەورەن. هەرگیز بە هجوومەکا لاواز مەبۊ و دلێنە مەشۊ. بەپێچەوانەوە گرڎ ڕوۍ جە ڕاو فراوانکەرڎەی کۊشیایوە زیاتەر گنۊ وەڵۍ. ئارۊ بەدماوە پەکەکە وەڵێکەوتەیۍ تازۍ خولقنۊ. "پارتوو ڕۊمانێوە دماییناماین، گۊرانییەنە، شیعرەنە و جوانیین". پی باوڕ و هومێدۊ هومێدوو سەرکەوتەی پەی گرڎوو ئا کەسا موازمۍ کە جە ساڵەو ٤٦وو کۊشیاینە بە فیکروو پەکەکەی مدرامان کەرا و باوڕشا بە پەکەکەی هەن و  وەششا مسیۊ ".