وێرەگاو ئارۆی سەعات ٤:٣٠ سەنتەروو چالاکیی گەنجاو کەلارینە، کە ٢٢ ساڵێن بە بەردەوامی نیشانگای هونەری مکەرۆوە،ئێساڵیچ بە بەشداریی ٢٥ هونەرمەندا کریاوە،کە دلێشەنە ٥٠ تابلۆیێ نمایشی کریێ، تابلۆکێ پۆرترەیتێ و ڕیالیستیێ و چند شیوازێوە تەرێ بێنێ.

"تابلۆکەم گوزارشت جە ژیوای هەرمانکەرا مکەرۆ"

سەبارەت بە  نیشانگاکەی ئەسرا عەدنانە پەی ئاژانسوو هەواڵوو فورات (ANF) قسێش کەردێ و واتش؛" تەلەبێ سەنتەروو چالاکیی گەنجانا، خولیاو زارۆڵەییما، یورێ ساڵێ چێوەڵتەر سەنتەروو گەنجانە دەسم کەرد بە فێربییەی شێوەکاری، بە هامکاریی مامۆسا سەردار نۆڕی، وەلێ ئیساتێنە بە ئەکادیمی فێرەو ڕسمکێشتەی بیێنا، هامنێنە مەیمێ ئێگە پەی وێنەکێشتەی و فێربییەی."

 درێژەو قسەکاشنە واتش: " گرد ساڵێوە مانگەو نۆینە سەنتەروو گەنجانە نمایش مکەرمێ، ساڵاو وەلێ یەرێ چوار تابلۆێم کێشتێنێ، وەلێ ئێساڵ تەنیا بە یەک دننە بەشدارە بیێنا، کە هینوو ڤینسێنت ڤانکوخی هۆڵەندییا، نامێ تابلۆکەی سێفوەرەکێ-ن، گوزارشت جە ژیوای بڕێو هەرمانکەرا مکەرۆ، وەروو فەقیریی گردڕوێو سێفێ موەرا."

"تابلۆکەم دەربارەو شاژەنێوی بابلیێن"

دمایی سارا قاسمە دەربارەو دەرباری فێربییەی و تابلۆکەیش واتش: "ماوەو شش ساڵان چێگە بە دووی تابلۆیێ بەشدارە بوو،تابلۆکەم باسوو شاژەنێوی بابلیێ مکەرۆ،حەزم کەرد بە شێوەی تایبەت پەی وێم هەرمانە بکەروو.

فرە گرنگەن گەنجێ پەرە بە تواناکاشا بدانە،جە حەر بوارێوی ژیوایەنە، شێوەکاری یا موزیک یا هەر چیوێ بۆ، گرنگ بەروستەی تواناکاشانە،ئی ناوەندە فرە گرنگەن و یاگێوی گونجیێنە پەی تەلەبا پەرە بە تواناکاو وێشا بدا."