کۊمیتەو هۊشیاریی کۊشیای لە دژوو تیرۊری بەلجیکانە (کۊمیتەو تی) ئاماژەش پانەیە کەرد، پەکەکە هەڕەشۍ نییەنە پەی سەروو بەلجیکای و ئەرەیاوناش، "لیستوو تیرۊروو یۊبییەی ئەورووپای یاسایی نییا، بەڵکوم سیاسیین".
ڕاپۊرتەو ساڵەو ٢٠٢٣ جە ١٧٢ لاپەڕا پێک مۍ.جە بەشوو تایبەت بە کوردینە سەرنجە پەی سەروو دوایەکاو هامشێوەو دوایەکاو دەوڵەتوو تورکی کێشیێنە.
جە ڕاپۊرتەکێنە ئامان کە، "فرەو ئا کورڎا، کە ڕووەشا کەرڎێنە بەلجیکا پێسە پەنابەری سیاسی ئامێنۍ. بەشێوەسا لایەنگێرۍ پەکەکەی و پارتەە یۊبییەی دیموکراتیک (پەیەدە)ینێ".
ڕاپۊرتەکێنە ئاماژە پانەیە کریان، کە دەزگاو هەواڵگێریی بەلجیکای (جی ئێس ئێس ئی) ئانۍ کە پاسە فکرۍ کەراوە، کە لایەنگیرۍ پەکەکەینۍ پێسە 'گومانچەنەکریای' تۊمارشا کەرا و ئانەیچە وزیان ڕووە، کە تورکیا کاریگەرییش سەروو بەسەر کاربەدەساو بەلجیکایۊ هەن.
پێسە بەڵگەکاو دەوڵەتوو تورکی جووڵیاوە
کۊمیتەو تی ئەرەئاوناش، "دلۍ یاداشتەکانە بڕإێوە کەموکوڵیێما دیێنێ"، چا ڕووەوە ئاماژە بە چند نموونێوە کەرۊ، چانیشا"بانگەشە کریۊ، کە پەکەکە پەرە بە ئایدۊلۊژیاێوە دژە تورکی مدۊ،وەلۍ ئێمە جە ماناو ئا بانگەشەیە پەرسمۍ. مزانیۊ کە تورکیا مەیلێوە دیکتاتۊرییش هەن و مافی کەسی و مافوو گرووپی و پێکئامایەکا پاشێل کەرۊ.
پەکەکە هەڕەشۍ نییەنە پەی سەروو ئاسایشوو بەلجیکای
جە ڕاپۊرتەکێنە ئامان، جە یاداشتەکاو هەواڵگێرینە بە بۍ ئانەیە سەرچەمەکە دەسنیشان کریۊ و بنەمێکێش ئەرەیاونیۊ، بانگەشۍ تەرەێچشا بارەو پەکەکەیۊ چەنەنۍ، جە وەختێوەنە هەواڵگێری بانگەشەو ئانەیە کەرۊ کە پەکەکە بەلجیکانە کەمپوو ئایدۊلۊژیکی ساز کەرۊ، ڕاپۊرتەکۍ پێسە درێژەش دان پەنە: "ئینجا سەرنجکێشا کە وچیۊ پەکەکە کاراکتەرێوە 'سەرهەورڎەر و ئەرەپڕا' و 'شۊڕشگێڵ'نش هەن، کە 'بەشداریی جەنگی چەکداری جە وەرکەوتوو دلێڕاسەینە کەرۊ' ئانەیچشا پێسە مشکیلەی نامۍ بەرڎەن. بەڕاسیچ جمیەریوە سەرەورڎەر و شۊڕشگێڵنا، وەلۍ پەی ئانەیە ئینسان بتاوۊ واچۊ هەڕەشێنە سەروو ئاسایشوو بەلجیکای هیچ بەڵگێوە وەرەچەم و ڕۊشن نییا".
پەکەکە بەلجیکانە تندوتیژی مەکەرۊ، کورڎەکۍ کریا ئامانجوو تندوتیژی
کۊمیتەو تی ئەرەیاوناش، "هەرچندە چا یاداشتانە ئامان کە 'پەکەکە ئەگەرش هەن تندوتیژی بنیۊوە یا لاو کەمیوە سیستمی گردینی تێک بدۊ'، مشۊم بزانیۊ کە جە تندوتیژی و ئا هەرمانە ێڵنایانە تا ئیساتۍ بەلجیکیانە قۊمیێنۍ، بە گردی ئینە کورڎەکۍ بیێنۍ کە کریێنۍ ئامانج".
لیستوو تیرۊری یاسایی نییا، بەڵکوم سیاسین
جە ڕاپۊرتەکێنە باس جە 'لیستوو تیرۊر'یچ کریان و پێسە ئەرەیاونیان: " چا یاداشت و نویسیایانە ئاسایشوو دەوڵەتی ڕێکوزیایە کوردییەکۍ کە پەکەکەیچشا چەنەن، پێسە ڕێکوزیای تیرۊرستی نامۍ بریا. هەرچندە وەرپەرساو بەلجیکای پاسەیچ مامەڵە کەرا، بەشێوە فرە وەروو ئانەینە، کە جە لیستوو تیرۊرینە نریێنێرە،وەلۍ ئینە بابەتێوە سیاسین، نەک یاسایی. ئادۍ بە پاو بەرژەوەندیی سیاسی دیاریۍ کریا و کریۊ فرە گرووپۍ جیاوازۍ چا لیستانە با. جە ساڵەو ٢٠٠٢ سەروو داواو دەوڵەتوو تورکی پەکەکە وزیا ئا لیستۊ و ئا تۊمارە فرەوجارا بە پاو قەراروو دادگاکا ڕەت کریانۊ.
دادگاو پلە یووەموو یۊبییەی ئەورووپایچ جە ١٥ تشرینوو دووەموو ٢٠١٨ گردوو ئا قەرارا کە مشۊم پەکەکە جە لیستەکەنە بۊ و گردوو قەرارەکاو دماو ئانەیچش ورۍ شانێوە. دەزگا هەواڵگریی و ئاساییشییەکۍ مشۊم ئیتر جمیەرەکاو کوردی پێسە تیرۊریستی نامۍ نەنیا.
کۊمیتەو تی قەراروو دادگای، کە ئەرەیاونابێش، پەکەکە ڕێکوزیاێوە تیرۊریستی نییا، ویر ئارڎۊ و سەرنجەش کێشتە پەی ئانەیە کە مشۊم لیستوو تیرۊری بە پاو چەنەوینایەکاو دەزگا هەواڵگێرییەکاو بەلجیکای دیاری نەکریا".
س.ز
