کۆمیتەو زینڎانیا پەکەکەی-پاژکی سەبارەڎ بە شاکر تورانی کە جە زینڎانەنە جەلایەن و دەوڵەتوو تورکیوە گەشمەرڎە کریا، ئەرەیاۋنېوەش ۋەڵاکەرڎۊ.

کۆمیتەو زینڎانیا پەکەکەی-پاژکی ئەرەیاۋناش: "ۋیرمەندی فەرەنسی، بالتارد؛ زینڎانەکا پېسە "ئەرەمەرزیېوە تەوقدەری کە ئینسانەکا ئاراسە کەرۊ" پێناسە کەرۊ. دەسەڵاڎدارۍ ئی ئەرەمەرزیایا پۍ ئا شۆڕشگێڵن و نیشتمانپەروەرا کە پۍ ۋېشا بە مەترسیڎار منیاشارە، پېسە یاگۍ ماڕای و مرڎنای ئیرادەیشا بەکارمارۊ. هێزە هەژموونگەراکۍ بە سیاسەتوو "تەوقدای و ئارڎەی سەروو ڕۍ" کە پۍ شۆڕشگێڵنا و نیشتمانپەروەرا بە مەتەرسی ۋینا، گەرەکشانە پاسەکەرا ئیراڎەشا بڎا دەسۊ و کەراش بە پەرچین و سیستمەکەیشا. پی سیاسەتا ئامانجشا ئانەن خەڵکی جە کۆمەڵایەتیبیەی جە بەهاکا ئینسانیەتی دوورۍ گناوە و خیانەت جە مرۆڤایەتی ۋېشا کەرا”.

جە ئەرەیاۋناکەنە ئامان، "جە ساڵەو ٢٠١٥یۊ فاشیزموو ئاکەپە-مەهەپەی، چېروو نامۍ پلانەو هۊرشېۋنایۊینە، ۋەردەوام ئینا حۊڵوو ئانەینە کە ئیراڎەو هامڕاکاما بەدەسبارمۍ پۍ ئانەی جە زینڎانەکانە ۋېشا بڎا دەسۊ " و ئانەیچ وزیان ڕووە : " دژوو فاشیزمی ئاکەپە-مەهەپەی گرڎوو هامڕاکاما کەم ۋېنە مدرامان کەرا. دوژمن بە گرڎوو حۊڵەکاشۊ مەتاۋۊ چۆک بە ئیراڎەو حیچ کام جە هامڕاکاما بڎۊرە. پۊکاتی چارەو تەندروستی هەڤاڵا نەوەشیما مەکەرۊ، جیاشا مازۊ تا گیان جە دەس مڎا و گەشمەرڎۍ با. حەر پۊکەی هامڕاما شاکر توران عمر ٧٠ ساڵ کە تووشوو سەرەتانی بیەبۍ، وزیا دلۍ چېر زەمینی و جیاشا ئاست تا گەشمەرڎەبی. سەرەڕاو ئا گرڎوو کردارە نامرۆڤانا، هامڕاما تا دما نەفەس مدرامانش کەرڎ دژ بە سیاسەتەکا دوژمنی، بە ۋاتەی"سەرەم بەرزا، هەنگامېوەم پۍ دمای نەنیېنە" بە شکۆمەنڎانە مدرامانش کەرڎ. حیچ سیاسەتێوە دوژمنی مەتاۋۊ ئیراڎەو جەنگاوەرا پەکەکەی و پاژکی و نیشتمانپەروەرەکاما دلېنەبەرۊ. چونکی ئیراڎە گەورەترین هێزوو ورەن کە ئینسانی کەرۊ بە ئینسان. حەر وەروو ئی مەڵامەتینە، ڕابەرایەتیما ماچۊ، 'ئیراڎە هێزوو جەنگ کەرڎەو ئینسانین، ویستوو جەنگ کەرڎەین، خۊتان قەرار بیەی جە جەنگ و گرنگیدای بە ئامانجی، هێزوو کۆلنەڎاین تا دمایی'. کریۊ ئی ئیراڎەیە جە هەڤاڵا نەوەشیمانە ۋینمۍ کە سەرەڕاو گرڎوو فشارەکا جە زینڎانەکانە تا دمایی مدرامان و ۋېڕاگری کەرا.

هامڕای وڵاتپارێزما شاکر توران، سەرەڕاو نەوەشی سەرەتانی پی ئیراڎە شۆڕشگێڵانەیە، تا دمایی دژ بە فاشیزمی ئاکەپە-مەهەپەی، بە ڕۆحوو مدرامانی کەمالی و خەیری، کە گەشمەرڎۍ ڕۆچۍ مەرڎەی ١٤و تەمووزیمانۍ، وەرنگاروو دوژمنی بیۊ و مدرامانش کەرڎ و گەشمەرڎە بی. هامڕاما شاکر توران کە جە ٣٠ی ئابوو ٢٠٢٣ ېنە جە زینڎانی تیپوو ئێڵینە جە ئەرزینجان گەشمەرڎە بی، بەمەڵامەتوو نەوەشیۊ گەشمەرڎە نەبیەن. ئانەی کە بی بە مەڵامەتوو گەشمەرڎەبیەیش فاشیزمی ئاکەپە – مەهەپەی و ئەرەمەرزیا و پزیشکی داڎیا”.

پەنەوازەن گەل و هامڕېکېما حەتا دما نەفەس دژوو دوژمنی مرڎاوە

حەرپاسە کۆمیتەو زینڎانیا پەکەکە-پاژکی جە ئەرەیاۋناکەینە باسش چانەی کەرڎەن:

"دوژمن ڕووانە هەڤاڵەکاما جە زینڎانەکانە گەشمەرڎە کەرۊ". ئا هەڤاڵۍ ئێمە کە ساڵەکاشا بە خەبات و کۊشیای جە زینڎانەکانە بەسەر بەرا، سەرەڕاو ئەشکەنجەی و فشاروو دوژمنی، جە لایەنوو ڕژێمی فاشیستی ئاکەپە-مەهەپەیۊ تیرۆر کریا. ڕووانە جەنازەو گەشمەرڎا جە زینڎانەکانە مارابەرۊ. جەنازەو هەڤاڵا گەشمەرڎەکاما یان بە دزیوە ئەسپەرڎە بە خاکی کریا، یان نمازا گەلەکەما بە مەراسیمێوە شکۆدار ئەسپەرڎەشا کەرا. سەرەڕاو ئی گرڎوو کرڎەوە دوژمنانا، گەلەکەما و خانەواڎەکېشا مشۊم پېسە هامڕاکاما جە دلېنە تا دما هەناسە مدرامان کەرا و خەبات کەرا. بە پەی لوای شمە بێدەنگی ئێمە چن دەسەڵات بە دوژمنی بەخشۊ؟ دوژمن جە گرڎ لېوە هجوم کەرۊ سەرما. حەر وەرو ئی مەڵامەتیە ئەگەر ئێمە بە مدرامانی جەماوەری جوابوو هجومە هەمەلایەنەکا دوژمنیما دابیېوە، دوژمن ئانڎە جە زینڎانەنە زەختی جە هامڕاکاما نەکەرۍ. پەنەوازەن ئاماژە پانەی کریۊ کە فاشیزمی ئاکەپە-مەهەپەی جە هەڵوێسوو بێدەنگی ئێمەوە هێز بەدەس مارۊ.

حەرپېسە چنی جمیەرەکەما جە سەروبەنڎوو کودەتاکەو ١٩٨٠ینە جە زینڎانەکانە کۊشیای ئێمەش فراوانتەر کەرڎ، مشۊم چی پرۆسەنە بە هەمان شێوە جە گرد یاگېنە بە  هەڵوێستێوە هەمەلایەنە و کۆڵنەڎایۊ گنمۍ ئاماڎەیۊ. چونکی حکومەتی فاشیستی ئاکەپە-مەهەپەی جە کولتوروو مدرامانوو جمیەرەکەیما جە زینڎانەکانە تەرسۊ، ڕووە جە هامڕاکاما جە زینڎانەکانە کەرۊ و حۊڵوو مل پنەدای و دلېنەبەرڎەی ئێمە مڎۊ جە زینڎانەکانە. مشۊم جە ۋەران ۋەروو سیاسەتوو زینڎانەکا دوژمنینە جە گرڎ یاگېنە هەڵوێسی دیموکراتیک گېرمېنە وەر. پۍ سەروستەی ئانەی چەمەڕاو چېشی کەرمۍ؟ گۊرەتەرین ئەرکوو ئینسانی ئەخلاق و ویژدانا.

دما قسۍ هەڤاڵا گەشمەرڎەکاما گۊرەتەرین خەڵات و ژیۋاین پۍ ئێمە. ئێمە وەعدما دا کە بیمۍ بە خوڵقنەروو ئازاڎیی پۍ ئانەی گەلەکەما وېش ڕاوەبەرکەرۊ، وەرموو ئاواتە بەدیناماکاشا، بۊ بە  قەرز و ئەرک جە ئەستۆو ئێمەنە پېسە هامڕایاشا . هامڕېما شاکر توران، حەلیم کرتای و نەوزاد چەپکینی، کە پی هەستە ۋەرپرسیارییۊ گەشمەرڎۍ بیۍ، بە ڕېزوو پنەزانایۊ، وەشەویسی و رێزۊ یاڎشا کەرمېوە. سەرەوەشی جە گەلەکەیما و خانەواڎەی بەرێزیشا کەرمۍ”.

هـ . ش