ســـەرۆکـــایـــەتـــی زانـــکـــۆو ســـلـــێــــمــانـــی و پەلیانەو مـــەولـــەوی، ئەرەیاوناێوەنە وەڵاشا کەردۆ کە  ڕووەکاو ٢ - ٣ / ٥ / ٢٠٢٤ینە، یوەمین کۆنفرانسی زانستیی میاندەوڵەتیی مەولەویشناسی بەرا ڕاوە، داواشا وەنەو کۆڵیارا و ماۆسایاو زانکۆی و عاشقاو مەولەوی کەردە دلێ وەلاتی و بەروو وەڵاتیچۆ با، بە نویسەی ئەوەکۆڵیای، تایبەت بە مەولەوی و بەرهەمەکاش بەشداریی کۆنفراسەکەینە کەرا.

یاگێ واتەینە تەوەرە تایبەتکریایەکاو کۆنفراسەکەی تەوەرەکاو "زانستەکاو عەقیدەی و کەلامی" و " تەوەروو ئەدەب" و "تەوەروو تارێخوو دنیاو مەولەوی" و "تەوەروو زوانەوانی"نێ. هەرپاسە ئی کۆنفرانسە ئینا درێژەو ئا کۆنفرانسە زانستییە میاندەوڵەتییانە کە ساڵانە زانکۆو سلێمانی بوارە جیاجیایەکاو زانستینە پەی نیشانەدای و وەڵێوستەی کولتووری کوردی زانکۆکەنە کەرۆشا.

س.ز