چنی نزیک بیەیۊ جە یۋەم ساڵیاڎو گەشمەرڎەبیەی ژینا ئەمینیۍ، کە بی بە نیشانۍ سەرهۊرداو"ژەنی، ژیای، ئازاڎی" چالاکا ۋەرکەوتوو کورڎسانی و ئېرانی ئاماڎەکاری کەرا تا بە چالاکی جیاجیا یاڎو ئا سەرهۊردایە کەراوە.

چا چوارچېوەنە پلاتفۊڕمی دیموکراتی ئېرانی جە ٣٠ ئەیلولی و ١ و تشرینو یۋەمو ئېساڵی جە شارو کۊڵنی جە ئەڵمانیا کۊنفرانسېوە سازکەرۊ.

ڕۊو یۋەمو کۊنفرانسەکەی ٢ پلانۍ جە ۋېش گېرۊ و جە پانېڵەو یۋەمینە شرۊڤەو قۊرتۍ وئاستەنگیەکا ۋەردەمو سەرهۊرداو"ژەنی، ژیای، ئازاڎی"ی، کریۊ و جە پانېڵەو دوەمیچنە دەسکۊت و پەرسەکا ۋەردەمو سەرهۊرداکەی وزیانە وەرو باسی.

ڕۊو دووەم و کۊنفڕانسەکەینە، پانېڵەی یەرەمە ملۊڕاۋە و چنەشەنە جە بارەو ڕېکارو ئەڵتەرناتیڤەکا سەرهۊردای"ژەنی، ژیای، ئازاڎی" ی، گفتوگۊ کریۊ و دما بڕگەو کۊنفرانسەکەیچەنە مایک کریاوەو ئازاڎ بۊ، پارت، ڕېکوزیا، گروپ و بەشڎاربیۍ کۊنفرانسەکەی قسۍ و تېبینیەکا ۋېشا سەرو پەرسو مژارەکا پەیوەس بە کۊنفرانسەکەی وزا ڕووە.

ڕۊو ١٣ و ئەیلولو ٢٠٢٢ ژینا ئەمینیە کناچۍ کورڎەو شارو سەقزی جە ۋەرکەوتوو کورڎسانی کە پۍ سەردای تارانەنە بۍ، جە تەرەفو پۊلیسی ئەخلاقیۊ بەبەهانۍ ئانەی پیمەرەکۍ دەوڵەتیش پۍ مەسەلۍ حیجابی پەیڕەو نەکەرڎېنۍ، گیریۊ و بەمەڵامەتو ئەشکەنجە دایۊ گنۊ حاڵەتو کۊمایۊ جە نەوەشخانەنە و دماو ٣ ڕۋا گەشمەرڎۍ بۊ.

گەشمەرڎەبیەو ژینا ئەمینیۍ بی بە مەڵامەتو سەرهۊردایۍ کە جمیەرو "ژەنی، ژیای، ئازاڎی"ی، ئشناسیاو سەرانسەرو ۋەرکەوتوو کورڎسانی و ئېرانیش گېرتۊ و بی بە درېژ مەوداتەرین ۋېنیشاندای و ناڕەزایی جە ٤٥ ساڵی ۋیەرڎەو ئېرانینە.

هـ.ش