دیوانوو هامسەرۆکایەتی کۆنگرەو-گەلی جە ئەرەیاۋنېوەنە ئاماژەش پانەی کەرڎەن، کە دەوڵەتوو تورکی ئەرەگیری بە هجومەکا ئی دماییەیشە پۍ سەروو ۋەرنیشت و سەرنیشت و ۋەرکەوتوو سوریای ئامانجوو دلېنەبەرڎەو سیستموو ۋەرنیشتیش هەن.

حەرپاسە جە ئەرەیاۋناکەنە ئامان: "حکومەتوو فاشیستی ئاکەپە-مەهەپەی پۍ تێکدای ژیۋای کۆمەڵایەتی جە ۋەرنیشتەنە دووۍ ڕووېن دەسش بە هجومەکاش کەرڎەن". پی هجوما چېرخانەکا ژیۋای کۆمەڵایەتی ومەدەنی بە ئامانج گېرۊ و گەرەکشا گەلی جە تەرسینە کۆچبەر کەرۊ و ئامانجشا هۊرشېونایۊ سیستموو ۋەرنیشتیا.

 ئی هجومۍ دەوڵەتوو تورکی تاوانەو جەنگینە. پەنەوازەن هێزەکۍ هامپەیمانی میان نەتەوەیی دەموودەس هەڵوێسشا بۊ و دەسوەردای کەرا. ئەگەرنا بێدەنگی بەماناو هامکاری تاوانبارین.

 ئێمە داوا جە گەلی وڵاتپاریزی و دۆسەکاما کەرمۍ؛ جە دژوو فاشیزمی ئاکەپە-مەهەپەی و هامکارەکاشا، دەموودەس بە ڕۆحوو بەدەمۊ لوایۊ سەرهۊردا. ئیسە وەخت وەختوو شکسپنەئارڎەو فاشیزموو ئەردۆغانین”.