ئەنجوومەنوو کۆنگرەو ستاری بە بۆنەو ساڵڕۆو کۆکوشیی هەڵەبجەیۆ بەیاننامێوەش وەڵا کەردۆ و ئەرەیاوناش: وەعد مدەیمێ هەرمانەو سەروو شانەیما بیاونمێ یاگێ و وەرگێریی وەنەو دوژمنە ئینسانکوشەکا بکەرمێ.
ئەنجوومەنوو کۆنگرەو ستاری بە بۆنەو ٣٦مین ساڵڕۆو کۆکوشیی هەڵەبجەیۆ بەیاننامێوە نویسیاش وەڵا کەردۆ.
چی بەیاننامەنە باس جە گەشمەرداو کۆکوشیی هەڵەبجەی کریان و ماچۆ کۆکوشیی هەڵەبجەی، کۆکوشیی دژوو مافوو ئینسانین، پاشێلکەردەی شناسنامەو کەسانێوەن، کە ژمارەشا جە ٥٠ ملوێن کەسا زیاتەرا". دەسەڵات و حکومەتەکێ کە ئامانجی سەرەکییشا کوشتەی کوردی بییەن، نەک حەر پەی سۆچنای سروشتی، بەڵکوم پەی سۆچنای پێشاو زارۆڵا، پیرا و ئەدایا و ئاژەڵایچ بۆمبی ناپاڵمشا بەکارئارد. "تارێخ شایەتوو ئا ڕاسییەینە کە کورد دەسبەردارو شناسنامە، ماف، ئازادی و شۆڕشێوە گەلەکەیش چی کۆکوشییا مپارێزنۆ وەرنمەدۆ."
بەیاننامەکەنە سیاسەتەکاو ڕژێموو عێراقی و حکومەتوو ئەرەگیرکەروو تورکی شەرمەزارێ کریێنێ و باس چانەیە کریان، سیاسەتوو حکوومەتە ئەرەگیرکەرەکا دژوو کوردی بە هامکاریی بەرنامە میاندەوڵەتییەکا و پا پلانا، کە گەرەکشانە بیاویا یاگێ. پەی لاوازکەردەی ئیرادەو کوردی و تێکدای شوناسی و مەنەیۆ مکریۆ."
هەرپاسە باس جە بێدەنگیی هێزە میاندەوڵەتییەکایچ وەراوەروو کۆکوشیی گەلوو کوردی کریان و ئی بێدەنگییە پێسەو بەشداریێوە جە کۆکوشییەکا ورسەنگنیۆ.
