کۊنگرەو نەتەوەیی کورڎسانی(کەنەکە) جە ئەرەیاۋنېوەنە بۊنەو ساڵوەگېڵ و سەرهۊردای "ژەنی، ژیای، ئازاڎیی"وە ئەرەیاۋناش: داوا جە لایەنە دیموکراتیکەکا و گرڎوو کورڎسانیا کەرمۍ کە مەردموو ئېرانی و ۋەرکەوتی بەتەنیا جیانازا.

دەسەی ڕاوەبەری کەنەکەی جە ئەرەیاۋنېوەنە بۊنەو یۋەم ساڵوەگېڵ و سەرهۊردای "ژەنی، ژیای، ئازاڎیی" وە ئەرەیاۋنېوەش ۋەڵا کەرڎۊ، کە چنەشەنە ئامان:"ئېمە پېسە کەنەکەی داواکاری و ویستەکا گەلی پۍ ئازاڎیی بنیاڎنیای ۋڵاتېوە دیموکراتیکی، ڕەواو بە مافوو گەلیش مۋینمۍ، پاڵپەشتی جە ۋېنیشاندەرا و تەماموو چالاکا کەرمۍ. حەرپاسە هجوومەکا پۍ سەروو ۋېنیشاندەرا و جە قەنارەدای چالاکا شەرمەسار کەرمۍ".

جە بەشېوەتەروو ئەرەیاۋناکەینە ئامان:"ئیسە کە ئینایمۍ ساڵوەگېڵ و ئاخېزوو"ژەنی، ژیای، ئازاڎیی" و ١٦ و سېپتەمبەرینە.مەردموو ئېرانی جە دلېینەو بەروو ۋڵاتیۊ، ۋېشا پۍ ئا یادەیە ئاماڎە کەرا. پارتە کورڎسانیەکۍ ۋەرکەوتوو کورڎسانیچ بەیەک دەنگ هەمان بانگەواز کەرا. یەک دەنگی هېزەکا ۋەرکەوتوو کورڎسانی دڵ وەشما کەرۊ. ئېمە پېسە کەنەکەی داوا جە گرڎوو مەردموو ئېرانی کەرمۍ کە جە ساڵوەگېڵ و ئاخېزینە، بەشڎاری چالاکی و ۋېنیشانداکا کەرا و بەگرڎ شېۋېوە پەشتیوانی جە ئاخېزوو"ژەنی، ژیای، ئازاڎیی" کەرا. حەرپاسە داوا جە هېزە دیموکراتیکەکا جە ئاستی جەهانینە کەرمۍ کە مەردموو ئېرانی بەتەنیا جیا نازا و پاڵپەشتېشا با".