کەنەکە ئەرەیاونانش، ڕووەدایە وناوییەکەو کەرکووکی درێژکریاوەو پیلانۍ شۊڤێنییانۍ ئەرەگیراو کورڎسانینە، جەختیچش کەرڎەنۊ بە یەکڕیزی متاویۊ وەڵۍ پا "ئاشوبەیە بگیرییۊ، کە دەوڵەتوو تورکی و بەکرێگیریایەکاش گەرەکشانە خولقناش".
جە ئەرەیاوناێوەنە دەسەو ڕاوەبەریی کۊنگرەی نەتەوەیی کورڎسان (کەنەکە)ی، سەبارەت بە ڕووەدایەکاو ڕۊو ٢ۍ ئەیلوولوو کەرکووکی و گەشمەرڎەبییەی ژمارێوە وێنیشاندەرا ئەرەیاوناش: دۊخوو کەرکووکی لکەدریاو پیلانێوە چندین ساڵەینە و تورکیایچ دەوری خراپش چا ئاژاوەنیایۊیەنە دییەن و بەرڎەواما جە دەسوستەی دلۍ هەرمانوکارو ھەرێموو کورڎسانی و مەنتێقە کورڎسانییە ئەرەبڕیایەکانە وەرپەرسوو ئاساییکەرڎەیۊ ئا بارودۊخی و سنوورنیایرەی پەی دەسوستەی دلیۍ ئینا گەرڎەنوو حوکمەتی عێراقی و و سەرۊکایەتیی کۊمارینە.
ئانەیچشە واتەن: "جە پیلانەو شوومەو لۊزانیوە تا ڕووەدای ٢ۍ ئەیلوولی وناوی کەرکووکی سیاسەتوو بنپاوستەی مافەکاو گەلوو کورڎسانی پەیڕەو کریۊ، ئەرەگیراو کورڎسانی دژوو دەسکەوتەکاو کوردینۍ بەتایبەتی پانیشتوو کورڎسانینە".
تەماموو ئەرەیاوناکەو کۊنگرەی نەتەوەیی کورڎسانی بارەو ڕووەدایەکاو کەرکووکیوە:
گەلی کۊشەروو کورڎسانی
جارێوە تەر کەرکووک بی بە مەیدانوو گۊڕەپانی ملەملۍ نەوازیۍ، جە دەرئەنجاموو ناڕەزایی کوردی جە سیاسەتوو خراپڕاوەبەرڎەی شارەکەی ناڕەزایی و وێنیشانەدای مەدەنیی دروس بی، ئەنجامنە ھێزە ئەمنییەکاو شارەکەی بە فیشەکۍ و تندوتیژی ڕووبەڕووۍ دەنگی دلێروو خەڵکی بیێوە و چند ھاموەڵاتیێوە کوردی گەشمەرڎۍ و بریندارۍ بیۍ. وەرپەرسوو ئا کوردکوشییە، بە پلەو یوەمی یەکەم ئینا گەرڎەنوو پارێزگاروو کەرکووکیە. پێویسا ئانۍ دەسشا لوان ونەو هاموەڵاتاو کوردیوە سزای یاساییە دریا.
دۊخوو کەرکووکی لکەدریاو پیلانێوە چندین ساڵێن و تورکیایچ دەوری خراپ چا ئاژاوەنیایۊنە وینۊ و بەرڎەواما جە دەسوستەینەی دلۍ هەرمانوکاروو ھەرێموو کورڎسانی ومەنتێقە کورڎسانییە ئەرەبڕیایەکا و وەرپەرسوو ئاساییکەرڎەیۊ ئا بارودۊخی و سنوورنیایرەی پەی دەسوستەی دلیۍ ئینا گەرڎەنوو حوکمەتی عێراقی و و سەرۊکایەتیی کۊمارینە.
ڕوودایە نەوازیایەکاو کەرکووکی بەتایبەتی و مەنتێقە کورڎسانییە ئەرەبڕیایەکا بەرکەوتۍ چارەسەرنەکەرڎەی قۊرتەکانۍ سەروو بنەماو نەخشەڕاو دەستووری، کە وێش جە ماددەو ١٤٠ینە وینۊوە.پێویسا بە پاوە ماددەو ١٤٠وو دەستووری دایمیی عێراقی چارەسەروو قۊرتەکاو مەنتێقە کورڎسانییەکاو بەروو ھەرێمی کریۊ و حسابوو تایبەتمەندیی مەنتێقە تەعریبکریایەکا کریۊ،پەی ئی مەبەستەیە نەتەوە یۊگێرتەکۍ وەرپەرسۍ ئاشتی و سڵامەتیی خەڵکوو مەنتیقە ئەرەبڕیایەکاشا گنۊ سەروو شانەی و بەپاو وەرپەرسبییەی میاندەوڵەتی مشۊم دەورشا بۊ جە پارێزنای خەڵکوو ئا یاگانە.
مەبۊ ئا ڕاسییەیچە فەرامۊش کریۊ، کە نەبییەی ستراتیژی ھامبەشوو کورڎسانی و ملەملۍ حیزبییانۍ و بەرژەوەندیی تەسکوو حیزبە دەسەڵاتدەرەکا درزەی گەورێش وەشە کەرێنە، کە ئەرەگیراو کورڎسانی دەسۍ وزا دلۍ ملەملە سیاسییەکاو بەینوو ھێزەکاو کورڎسانی، دلۍ هێزەکاو کورڎانی لێوە و لایەنەکای تەریچ لیوە تەرۊ.
پەی یاوای بە گردوو ئامانجەکاو خەڵکوو کورڎسانی مشۊم حەولەکۍ هەسۍ کریاوە و تا یۊبییەی و یەکدەنگی ئاستوو باڵاینە وەش بۊ و مەرامی خراپوو ئەرەگیرا بار بشۊ. داوا کەرمۍ پەی سازدای کۊنفرانسێوە نیشتمانی و نەتەوەیی و وەشکەرڎەی کۊمیتێوە هامبەشی پەی نیایرەی ستراتیژ و پلانەو خەباتی و کۊشیای. کەرکووک شارێوە کورڎسانیین و پەنەوازا ستراتیژێوە مجیۊرە پەی مسۊگەرکەرڎەی پارێزنای ئاشتەوایی و تایبەتمەندی و ڕێزگێرتەی جە پێوەژیوای پێکئامایەکاو کەرکووکی و خەڵکوو کورڎسانی و بە گردوو نەتەوە و ئاین و ئاینزاکاوە.
جە پیلانەو شوومەو لۊزانیوە تا ڕووەدای ٢ۍ ئەیلوولی وناوی کەرکووکی سیاسەتوو بنپاوستەی مافەکاو گەلوو کورڎسانی پەیڕەو کریۊ، ئەرەگیراو کورڎسانی دژوو دەسکەوتەکاو کوردینۍ بەتایبەتی پانیشتوو کورڎسانینە .
مەبۊ ئانەیچە فەرامۊش کریۊ، کە نەبییەی یۊبییەی نەتەوەیی، کە ئامانجوو گرد ھێزێوە نیشتمانی و کورڎێوە ئازاڎیوازین فرسەت مدۊ و بۊ بایسوو ئاسانکاری پەی ئەرەگیراو کورڎسانی، ئی ڕووەدایە وناوییەو کەرکووکیچە درێژکریاوۍ ھەمان پیلانەو شۊڤێنیانۍ ئەرەگیراو کورڎسانینە و وریاییش پێویسا پەی ڕاگێرتەی چا ئاشووبەیە، کە دەوڵەتوو تورکیای و بەکرێگیریایەکاش گەرەکشانە خولقناش و کەرکووکی کەرا بە سۊتەمەنی پەی یاوای بە مەرامی فراونوازی و ئەرەگیرییشا.
نەمری پەی گەشمەرڎاو ڕۊو ٢ۍ ئەیلوولی وناوی و گردوو گەشمەرڎاو کورڎسانی".
س.ز
