کەرکوکنە، پەردە سەرو تاوانېوە پەدەکەی هۊر دریۊوە
ساهیرە غەرەب ئەنڎامەو ئەنجومەنوو نۋېنەرا عېراقی، ۋېنەو دۋۍ جەنازاش ۋەڵا کەرڎۊ کە پەدەکە کوشتېنېش و دلۍ مەنهۊڵ و بارەگېوە پارتەکەیشەنە جە کەرکوک شارتېنېشۊ.
ماوەو چن ڕۋېوەن ۋەرپەرسا پەدەکەی بە مەبەسوو بانگەشەو هۊرچنیەی و پڕوپاگەنڎەی پۍ هۊرچنیەکا ئەنجومەنوو نوېنەرا دەنگۊو ئانەی ۋەڵا کەراوە کە گېڵاوە پۍ کەرکوکی، پۍ ئا مەبەسیچە داوېوەشا ئاڕاسەو فەرمانڎەو ئۊپەراسیۊنەکا عېراقی کەرڎەن، کە بارەگاو پارتەکەیشا کە گنۊ سەروو ڕاو هۊلېری جە کۊڵانەو شۊراوی کەرکوکی پارېزنۊ.
بارەگاو ئەنجومەنوو سەرکردایەتی پەدەکەی یۊ جە بارەگاکا ئا پارتینە کە جە وەختوو ڕووەداکا ١٦ و ئۊکتۊبەر و ٢٠١٧ی بەبۍ تەقنای فیشەکېوە ڕادەسوو سوپاو عېراقیشا کەرڎ و چەکڎارەکۍ ئا پارتیە شارەکەشا چۊڵ کەرڎ، جە وەختو دەسگېرتەی سەرو ئا بارەگایرە سوپاو عېراقی جەنازەو ٢ کەساشا چا بارەگاکەنە دیۊ کە چەکڎارەکۍ پەدەکەی ۋەڵتەر کوشتېبېنێشا و جە بارەگاو ئا حیزبەینە دلۍ مەنهۊڵ و ئاوەڕۊینە شارتېبېنێشاوە.
جە ئیسەنە کە پەدەکە جارېوەتەر دەسش بە موزایەدەی کەرڎەن سەرو هاموڵاتیا کەرکوکی-رە، جە ۋەران ۋەرەنە ئەنڎامەو ئەنجومەنوو نوېبەرا عېراقی ساهیرە غەرب ئا ۋېنېشە ۋەڵۍ کەرڎېنۍ کە ئاماژە بە تاوانەو پەدەکەی مڎا، ۋەران ۋەر بە هامۋڵاتیا و ماچۊ: دماو ١٦ و ئۊکتۊبەرو ٢٠١٧ی پی جۊرە جەنازۍ دلۍ مەنهۊڵ و ئاوەڕۊ و ئا بارەگاینە ئیزیېنۍ، کە چی ئاسایش و پارتی فرە بۍ باکانە نۋیستەیېش ئاڕاسەو فەرمانڎەیی ئۊپەراسیۊنەکا کەرکوکی کەرڎەن و داواش کەرڎەن بارەگاکەیشا چۊڵ کەرۊ. ئا پەرلەمانتارە ئاگاڎیش جە دای دەسۊی بارەگاکەی بە پارتی مڎۊو ماچۊ:جەنگی دلېینە ڕووە مڎۊ.
هـ.ش
