کتېب و “رێزانی رزگاری” كه پېکئامان جە ژه‌مارېوە جە نۋیستەی و ده‌قو چەمپنەکۊتەکا گەشمەرڎە یووسف ره‌بانی ئشناسیا به رێزان جاویدی چنی یاۋنەریەکا و حەرپاسە ژمارېوە جە نۋیستەکا هه‌ڤاڵا و هامسه‌نگه‌را گەشمەرڎە ڕېزانی، ۋەڵا کریاوە.
ئی کتېبە جە لایه‌نو كومیته‌و خه‌باتو گەشمەرڎا پارتو ژیای ئازاڎیی كورڎسان (په‌ژاك)ی وه پۍ به‌رز راگېرتەو یاڎ و ۋیره‌وه‌ری گەشمەرڎە یووسف ره‌بانی ئشناسیا به رێزان جاویدی و حەرپاسە زیاتەر ئاشنابیەی ۋەنەرا چنی كه‌سایه‌تی و خه‌باتو ئی سەرمەشقە شۆڕشگێڵەو گه‌له‌كەیما، ئاماڎه و چاپ و ۋەڵا بیەنۊ.
دلېینەو کتېبەکەی كه به حه‌ر دۋە زۋانی كورڎی(سۆرانی) و فارسیا، جە دۋۍ به‌شا پێكمۍ. به‌شی یۋەم پېکمۍ جە چن نۋیستەیۍ و ده‌قو ژمارېوە جە چەمپنەکۊتەکا گەشمەرڎە رێزان جاویدی كه جە وەخت و بۆنه جیاجیاکانە جە یاۋنەریەکانە ۋەڵاۋۍ بیېنېوە، به‌شی دۋەمیچ بریتیا جە چن نۋیستەیۍ هه‌ڤاڵا و هامسه‌نگه‌را گەشمەرڎە رێزانی سەرو كه‌سایه‌تی و ژیۋای شۆڕشگێڵانه‌یش.
جە به‌شېوە جە ۋەرواتەو ئی کتېبەینە پېسە ئامان: "هه‌ڤاڵ ڕێزان جاوید خۊتان كه‌سایه‌تیېوە پاك و بێگه‌رد بۍ، ئه‌ویندار و خه‌موەرو راسه‌قینه‌و خه‌ڵكی و خاكی بۍ. بەعالی جە هزر و رامانو ڕابەر ئاپۆی یاۋانە و ساڵانێوە دوور و درێژ بەگرڎوو هێزو ۋېشۊ بۍ مرڎای پەی پراكتیزه کەرڎەی و په‌ره‌پنەدایش، حۊڵش دا و ره‌نجش كێشا. كه‌سایه‌تیېوە ئەنەیاۋا و پنەیاۋابۍ كه ۋه‌رده‌وام بۍ به سه‌رچەمەو هێزی و مه‌عنه‌وییاتی پۍ خه‌ڵك و هه‌ڤاڵاش. بێگومان جەدەسدای سەرمەشق و شۆڕشگێڵېوە پاسە خه‌سارێوە گۊره بۍ پۍ جمیەرو ئازاڎیوازی كورڎسانی به‌تایبه‌ت جە ۋەرکەوتوو كورڎسانی. جمیەری ئاپۆیی، جمیەرو گەشمەرڎان و بێگومان هامۋیر و هامسه‌نگه‌رۍ گەشمەرڎە رێزانی و خه‌ڵكو كۆڵنه‌ده‌رو كورڎسانینۍ، حه‌تا یاۋای به ئاوات و ئامانجه‌كا هه‌ڤاڵ رێزانی، درێژه به خه‌بات و ۋېڕاگری مڎا.
پۍ هۊرگېرتەو فایلو کتېبەکەی متاودۍ چېنە کلیک کەرڎۍ.
هـ . ش
