ڕۊنامەنویسە و نویسەرە ڕۊزا مەتینا کتێبەکەش بە نامۍ "چیرۊکەو ژەنە ئەدیبا" وەڵا کەرڎۊ. بەرهەموو "چیرۊکەو ژەنە ئەدیبا" کە بە هامکاریی ژەنا ئامادە کریان، ٣٥ چیرۊکۍ و ١٩٢ لاپەلێن. مەتینا سەبارەت پی کتێبە تازە چاپکرایە و دلێنەکەیش و گرنگیی کتێبەکەی پەی زوان و ئەدەبوو کوردی، پەی ئاژانسوو ANF قسێش کەرڎۍ.

ڕۊزا مەتینا بارەو دلێنەو کتێبەکەیۊ پێسەش وات: کتێبوو "چیرۊکەو ژەنە ئەدیبا" بڕۍ چیرۊکێش گێرتێنۍ وێش ئانێنی کە بە هەستی ژەنانەوە چنیێنۍ.  سەیەو چیرۊکێوە ئینسان جە تارێخ، کولتوور، هونەر، هەقیقەتوو گلێرگەیش هاگادار بۊوە و بارەو فرەو چێوای تەریوە زانیاری ورگێرۊ.

سەبارەت پانەیە کە چەنی بۍ، قەرارش سەروو نویستەیۊ چیرۊکەکا دان، رۊزا مەتینا واتش، هەرمانە و خەباتوو ژەنا جە بواروو ئەدەبینە شایەنوو نیشانەداینە. پیسە گردوو کایە و بوارەکای تەری، جە مەیدان و بواروو زوانی و ئەدەبیچەنە ڕەنگە و بەشداریی ژەنان پەی وەڵۍ ملۊ و ئانەیچە بۊ مایۍ گەشەسانای هۊشیاربییەیۊ گلێرگەی پەی وێبەساعیبزانای جە زوانی و ئەدەبوو کوردی جە ڕاو خەباتێوە هامبەشیی ژەنانەیۊ وە بە نامۍ کۊمەڵەو ئەدیباو کوردیوە، هەرمانۍ و خەباتی فرە کریان. ئی پڕۊژە یۊن چا خەباتا. پەی خزمەتی و وەڵیوەبەرڎەی زوانی و ئەدەبوو کوردی قەرارما دا ئی کتێبەیە چاپ و وەڵا کەرمێوە. کتێبەکەنە کۊشیای ژەنا دژوو قاڵبە ڕەگەزپەرسییەکایچ وزیان ڕووە. ئامانجێوە چاپکەرڎەی ئا کتێبەیچە کۊشیاین دژوو زوانی و هەڵوێستوو ڕەگەزپەرسی.

نویسەرە بارەو چیرۊکەکایچۊ ئانەش وست ڕووە، بەشێوە جە ژەنا چیرۊکەکاشانە باسشا جە ستەمی و چەوسنایۊ کەرڎەن،  کە وەراوەرر ژەناوە کریان و خەباتشا دژوو ئا ستەم و چەوسنایۊیە کەرڎەن.  

واتیچش، بڕۍ جە ژەنا ئا ڕاسییەشا ئارڎەنۊ زوان، کە فرەو جارا دلۍ کوردینە ڕووەش دێنە. عەشق، ستەم، هەقیقەتوو گلێرگەی، خەبات دژوو ڕەگەزپەرسی، خەباتوو ژەنۍ، ئا هومێدە کە دایمە مشۊم دڵەنە زیندە بازیۊوە، چی چیرۊکانە مۍ وەڵێوە. گرد چیرۊکێوەنە ژیواێوە هەنک کە پەی هەقیقەتوو وێش وەش بییەن. ئی چیرۊکۍ کاریگەری سەروو دەروون و ناخوو ئینسانی وەش کەرۊ. ئاخرۊ ماچوو دەسوو گردووو ئا ژەنا وەش بۊ کە پۊو ئی بەرهەمیوە مانیۍ و سپاسشا کەروو".

س.ز