جە مېیانو گلېرگەو کوردینە جە لایەنو تەڤگەرو جوانا شۆڕشگێڵنی، ئەنجوومەنو ژەنا و ئەنجوومەنو گەلو کوردیوە گلېرۊبیێوە ڕێکوزیا و چڼین کەسې بەشدارې بێنې. جە گلېرۊبیەکەینە پڕۆسەو "ئاشتی و گلېرگەی دیموکراتیک" بە ۋەرفراوانی هۊرسەنگنایش پەی کریا.

گلېرۊبیەکەی بە دەیەقێوە ڕێزگێرتەی جە گەشمەرڎا ئازادی کوردەسانی دەسشپنەکەرڎ. دماتەر سەرو ئەوەکۊشایەکا جە کوردەسانەنە گفتوگۆ کریا. هەرپاسە ڤیدۆو بانگەوازەکەو ڕابەر ئاپۆی نیشانەدریا و ڤیدۆو مەڕاسیمو چەک دلێنەبەردەی جەنگەوانا کوردی تەماشە کریا.

جە گلېرۆبیەکەینە سەرو پڕۆسەو ئەوەکۊشای تازەو تەڤگەرو ئازادی کوردی، دەورو ڕێکوستەی گەلی و گرنگی سەرفەربەری گلېرگەی بە وەرفراوانی هۊرسەنگنایش پەی کریا. بە تایبەتی جەخت جە گرنگی بەشداربیەو چالاکو ژەنا و جوانا کریاوە.

هامسەرۆکاو مېیانو گلېرگەو کوردی ئاماژەشا پانەی دا پاڵپەشتی بانگەوازەکەو ڕابەر ئاپۆی مکەرا و هەرپاسە باسشا چانەیچ کەرڎ کاتو ئەوەکۊشای پەی بنیاڎنیای گلېرگەو دیموکراتیکی دەسشپنەکەرڎەن.

بەشدارا بە دروشمەکا 'بژیۋۆ سەرۆک ئاپۆ'، 'ژەنی، ژیۋای، ئازادی' و 'بژیۋۆ گەریلا'ی پاڵپەشتی پڕۆسەکەیشا کەرد.

گلېرۆ بیەکەی بە میوزیک، هۊرپڕای دمایش ئاما.