کۊمیتەو ۋنەکۊڵیای گلېرگەی ژەنا ئازاڎیی ۋەرکەوتوو کورڎسانی (کەژار)، چی نامیلکەنە ئاماژە پانەی کەرۊ کە:'' ئاخېزوو ژەنۍ، ژیای، ئازاڎیی،  تاۋاش ئەنەیاوایۍ پاسە ۋەش کەرۊ کە گرڎوو مېڎانەکا ژیۋای سیاسیا. کەواتە، تاۋاش مەعناو ڕاسەقینەی سیاسەتی بەدی بارۊوە. گەلۍ ئېرانی جارېوەتەر سەلەمناشا کە سیاسەت بۍ گلېرگەی مەبۊ. ئەگەر سیاسەت پۍ گلېرگەی خوڵقنای عال، ڕاسو زەریف بۊ؛ ئانە گلېرگە ۋېش جەگرڎ لایۍ خاستەر مزانۊ چنی سیاسەت کەرۊ. جە ئاخېزوو ژەنۍ، ژیای، ئازاڎینە، گلېرگەو ئېرانی ئانەش بە پڕاکتیک کەرڎ و گرڎوو گەلا ئېرانی بە سەرمەشقی ژەناو گەنجا جارېوەتەر هورئېستېوە بە ئەنجامدای ئەرکی تاریخیشا.

 حەرپۊکەی بەپاو ڕېژەو فرەیی حۊڵەکا ژەنا پۍ بەشڎاریشا جە سیاسەتی و ڕاوەبەرڎەی گلېرگەینە، بە پەنەوازما زانا چی نامیلکەنە، حەرچن کوڵ، باس جە سیاسەتی ڕاسەقینەو گلېرگەکا کە جە دەورو ژەنۍ پېک مۍ کەرمۍ و حەرپاسە بتاۋمۍ بڕۍ جە تەجروبە و پەیلواکا ژەنا ئەرەکۊشی کە سەرمەشقی پۍ خەباتی سیاسی جە کورڎسانەنە کەرا هورگېرمۍ و پۍ گرڎوو ئەرەکۊشا ڕاو ئازاڎیی فاڕمېوە".

پۍ وەزنایرەی PDF چېنە کلیک کەرە.

هـ.ش