کەژار بە بۆنەو ١٠ یەمین ساڵەو جینۆسایدوو ٣ێ ئابوو ٢٠١٤ بەیاننامێوی نویسیاش وەڵا کەردۆ و واتش: "گەل و گلێرگەو شەنگالی، بە پەروەردەکەردەی و ڕێکوستەی وێشا بە پاو فەلسەفە و ئایدۆلۆژیی ڕابەر ئاپۆی، ئیتر تواناو پارێزنای وێشا هەن گردوو بوارەکانە."
کۆمەڵەو ژەنە ئازاداو وەرکەوتوو کوردستانی (کەژار)، بە بۆنەو ١٠یەمین ساڵیادوو جینۆسایدوو ٣ی ئابوو٢٠١٤یوە، کە چەتەکاو داعشی بە پەشتیوانیی دەوڵەتی داگیرکەروو تورکی و بە هامکاریی پەدەکەی دژوو گەلوو ئێزدی کریا، بەیاننامیوە نویسیاش وەڵا کەردۆ. کەژار بە ئاماژەدای بە وردەکارییەکاو جینۆسایدەکەی جەختش چانەیە کەردۆ کە گەلوو ئێزدی، نەک حەر ناهومێدێ نەبیێ بەڵکووم سەیەو مدرامانی تاریخیی گەریلاکاو یەژاستاری و هەپەگەینە و پەیڕەوکەردەی ویر و فەلسەفەو سەرۆک ئاپۆیوە، جە ڕووە و کۆمەڵایەتیو سیایسی و سەروازییوە، وێشا ڕێک وستەن."
دەقوو بەیاننامەکەو کەژاری بەناموونیشانوو" ژەنی ئێزدیێ چەمێشا ڕووە سەحەرێوی پەڕ جە هومێدی و خوەیوە کەردێوە " ئینەن:
"یادوو ١٠ ساڵەو هجوومی دڕندانەو داعشینە پەی سەروو شەنگالی و کۆکوشیی ئیزدییەکا، یادوو قربانییاو ئا ڕووەدایە پەڕ ئازارەیە، حەرپاسە گەشمەردێ، دڵشێر هەرەکۆڵ، عەگید جڤیان، مەمو مێردین، نۆژین ئەرەس، چەتۆ چاتاک، شیلان گۆییە و یادوو گردوو گەشمەرداو ئا کارەساتە پەڕ ئازارەیە گۆی و قارەمانێ تەرێ کە پەی پارێزنای گەلەکەیما شەنگالەنە کۆشیێ و گیانشا بەخت کەرد بەرز مرمانمێ."
٣ی ئابوو ٢٠١٤ تیرۆریستاو داعشی هجوومشا کەرد سەروو شەنگالی و هێزەکاو پارتی دیموکراتوو کوردسانوو عێراقیچ بە ڕێککەوتەیوی وەڵینە ئاگەشا جیا ئاست و واوەی سرووشت و ڕوخساری خیانەتکارانەو بنەیانەو بارزانیی پەی گرد لێوە ئاشکرا بی. ئینە ٧٤ەمین هجووم و کۆکوشی بێ دژوو کوردە ئێزدییا کریا . ٧٤مین بە ئامانجوو دلێنەبەردەی شناسنامەو کوردە ئێزدییا بێ، وەلێ ئی جارە جەنگوو داعشینە بە سەرمەشقایەتیی گەریلا ئازادەکاو کوردسانی مدرامان و کۆشیاێوی گەورە کریا، کە کاریگەرییش سەروو گردوو جیهانیوە نیارە. ئی مدرامانە تارێخییە بی بە ئیلهام پەی ئازادیوازا و دوژمناو گەلووکوردی و ئینسانی، چانیشا پیسەو ڕژێمی فاشیستی تورکی بە سەرۆکایەتیی ئەردۆغانی بە پاڵپەشتیکەردەی داعشی هەوڵێشا دێ کوردە ئێزدییا پەی هەمیشەی بسڕانێوە، وەلێ ڕووبەڕووی مدرامانی حەماسیی گەریلاکاو ئازادیی کوردسانی بیێوە و پلان و سیاسەتەکێشا سەرشا نەگێرت و وڕیێ.
گەلی ئێزیدی هەمان ئا گەلەنە، کە جە ٧٣ هجووم و کۆکوشییانە دلێنە نەشییەن و هومێدوو ژیوای و ئازادییشا جەدەس نەدان. بە باوەڕ و فەلسەفەو ئیمان و ئایدۆلۆجیی سەرک ئاپۆیوە وێگێری و مدرامانش وێستۆ و بە ڕێکوستەی و مدرامان جوابی وڕنەرانەش بە فاشیزموو ئەردۆغانی و خیانەتوو بارزانی و دڕندەکاش داوە. چی هجوومە دڕندانەنە ئامانجی سرەکییش ژەنی ئێزدیێ بێنێ و کە فرەتەرین زەرەر و ئەشکەنجەشا وەرکەوتەن تارێخەنە. فرێشا کۆکوشێ کریێنێ و گیریێنێ و کریێنێ کۆیلێ بازاڕەکانە ورەشیێنێ و سەرەڕاو ئانەیچە هەڵای ئێزدیێ بێهومێدێ نەبیێ و بەڵکوم سەیەو مدرامانی تارێخیی گەریلاو یەژاستاری و هەپەگەینە بە پەیڕەوکەردەی ویر و فەلسەفەو ڕابەر ئاپۆی وێشا جە ڕووەو سیاسی و کۆمەڵایەتی و سەروازیوە ڕێک وست و هێزەکاو یەبەشە و یەژەشەیشا بنیاتێ نیێ. ئی هێزێ سەرەڕاو پارێزنای گەلەکەیشا جە ڕزگارکەردەی ژەنە ئێزدییانە دەورێوی گرنگشا دی، ژەنی ئێزدیێ چەمێشا ڕووە سەحەرێوی پەڕ جە هومێدی و خوەیوە کەردێوە.
ماوەو ئی ١٠ ساڵەینە، سەرەڕاو گردوو هجوومە دڕندانەکاو ڕژێمی فاشیستیی تورکی گول و گلێرگەو شەنگالی بە پەروەردە و ڕێکوستەی وێشا بە پاو فەلسەفەو ڕانمایی ئایدۆلۆژیی ڕابەر ئاپۆی . ئیسە تواناو وێپارێزنایشا گردوو بوارەکانە هەنە. گەلوو شەنگالی و بە تایبەتی ژەنی ئێزیدیێ، پەنەوازا چا ڕاسییە بیاوانە ، کە دوژمنی تاڵانچی قەت دەس جە هەرمانە وەحشییانەکاش هور نمەگێرۆ و گرد جۆرە هەنگامیوە پەی دلێنەبەردەی گەلوو ئێزدی منیۆ، پەوکای پەنەوقزا گەلەکەما وێشا زیاتەر ڕێک بوزانە و گردوو بوراەکانە وێسا پەروەردە بکەرا و گرنگیی بە گردوو بوارەکا بدانە.
ئێمەی ژەنی تارێخیوی فرە کۆنما هەن و پەڕا جە ئەزموونی و کەلتوور، سیاسەت و شناسنامە و دەسکەوتێ فرێ، بە عيشق و ئازادی و ژیوای ئازاد متاومێنە گردوو دنیێ بە ئازادیی بڕازنمێوە، چێ ڕووەوە پەنەوازا ڕەنج و فیداکاریی فرە بدەیمێ و پەروەردە و وێڕێکوستەی وەڵیو گردوو هەرمانەکامانە بۆ."
