"مامۆستا ڤیان ئامارا، هێماو شۆڕشوو زوانینە"
یۆ جە هامڕایاو ڤیان ئامارێ، ئاراس حەسۆ، سەبارەت بە کەسایەتیی هامڕا ڤیانێ واتش: "ڤیانە بە فیداکارییەکاش دلێ دڵوو گرد کۆبانێییوەنە یاگێش گێرتێنە و تا ئاخر خاوەنداریی جە قەڵەمەکەو ڤیانێ مکەرمێ."
١١ ساڵێ ملوو گەشمەردەبییەی مامۆسا ڤیان ئامارێرە ویەردەن، مامۆسا ڤیان ئامارا ٢٦و تەمووزوو ٢٠١٣ دەگاو کەنداڵی کە بەشێوەنە جە کۆبانێ گەشمەردێ بییە. سەبارەت بە گەشمەردەبییەی مامۆسا ڤیانێ، یۆ جە هامڕایەکاش ئاراس حەسۆ قسێش پەی ئاژانسوو هەواڵوو فوراتی کەردێ.
ئاراس حەسۆ، هامڕاو مامۆسا ڤیان ئامارێ، باسوو ئانەیشە کەرد، کە مامۆسا ڤیانە یوە جە پایە سەرەکییەکاو شۆڕشوو زوانینە و واتش: "بە مانیای و وێگێریی ئادێوە زوانەکەما گەشەش کەرد و یاوا ئی ئاستە. مامۆسا ڤیانە ئەوەڵوو شۆڕشوو وەرنیشتوو کوردسانینە دەسش بە خەباتوو زوانی کەرد. بە داخۆ ئا وەختە مامۆسا کەمێ بێنێ و دۆخێوە سەخت ئارانە بێ، بەڵام مامۆسا ڤیانە بە وەرمی گەورەوە درێژەش بە کۆشیای دا بییە بە یوە جە ئەرەمەرزناو ئینستیتۆو زوانی کوردی.
ئاراس باسوو ئانەیچش کەرد، گەشمەردە ڤیانە بە وێگەرەکنەبییەی و وەشەسیایوە دڵوو گرد لاییوەنە یاگێش کەردێبیوە و سەیەو کۆشیای گەشمەردە ڤیانێنە ئێمە ئیساتێ مەکتەبەکێ کۆلێج و زانکۆیەکێ بە زوانەکاو وێما موانا. هامڕا ڤیانە ماوێوی کوڵەنە کۆشیای بێهامتاش کەرد و بییە بە یوە جە ئەرەمەرزناو شۆڕشوو زوانی و سەرمەشقەکا. گرد وەختێ بە ڕێزدارییوە یادش مکەرمێوە."
