دماو کوشیای پلەدارێوە کۊنسوڵخانەو تورکی بە نامۍ عوسمان کۊسە-یۊ، جە ١٧ تەمووزوو ٢٠١٩، هەریۊ جە مەزڵوم داغی و عەبدولڕەحمان ئەری تۊمەتبارۍ کرینۍ و دادگا حوکموو قەنارەدایش پەی بەرۍ کەرڎۍ.  چا ڕۊوە زینڎاننە ڕووبەڕووۍ چندین پاشێلکارییا باوە، پەوکای جە ١٨ ئایاریوە دژوو فشارەکا پەی یەکپۊشیی جلوبەرگی و مامەڵەی خراپی وەرانوەرشا، مانشا جە وارڎەی گێرت.  

ڕۊی جومعەی، مانگێرتەی ئەری و داغی زینڎانوو هەولێرینە چێروو دەساو پەدەکەینە یاوا ٥٨ ڕوۍ.

هامسەرۊکایەتیی دەسەو ڕاوەبەریی کەجەکەی، ڕۊو جومعەی وەڵینی، داواش جە گرد لێوە کەرڎە، هەڵوێس برمانا و ڕاکاری پێویس گێرانە وەر، پەی مەزڵوم داغی و عەبدولڕەحمان ئەری، کە نزیکەو دووۍ مانگان زینڎانوو هەولێرینە دژوو کارە نامرۊییەکا مانشا جە وارڎەی گێرتەن.  

دەسەو ڕاوەبەریی کەجەکە، بە ئەرەیاوناێوە نویسیا، ئاماژەش پانەیە کەرد، پلانێوە هەنە پەی کوشتەی مەزڵوم داغی و عەبدولڕەحمان ئەری دلۍ زینڎانینە، ئاشکراش کەرد سیخوڕێوە بە نامۍ یاسین عەلی خدری وەڵتەرۍ ڕاوەبەروو هەمان زینڎانی بییەن.

یاگۍ واتەینە، داغ و ئەر جە ٢٨  ئەیلوولوو ٢٠٢٢ مانگێرتەیشا دەس پەنە کەرد، دژوو مامەڵەی خراپ و ئەشکەنجەی، وەلۍ وەروو جابەجاکرڎەی داواکارییەکاشا ڕۊی ١٤میننە ماڕاشا.

چەنی ئانەیچە جە ١٣ شوباتوو ٢٠٢٢ دژوو پاشێلکارییەکا مانگێرتەیشا جە وارڎەی ئەرەیاونا، وەلۍ جە ڕۊو نۊیەمینە دماو نەمەنەی پاشێلکارییەکا مانگێرتەکەیشا ماڕا.

س.ز