بە هەزاران کەسۍ جە ئەرەنیشتا کانتۆنو فراتی، جە مېڎانوو گەشمەرڎە عەگیدو شارو کۆبانێنە، ١٢ەمین ساڵوەگەڕو شۆڕشوو ١٩و تەمووزو ۋەرنیشتیشا پیرۆزکەرد. ئەرەنیشتۍ بە جل و بەرگی نەتەوەیی ۋێشاوە و بە بەرزکەردەیۆ لافیتا ڕابەرو گەلوو کوردی عەبدوڵا ئۆجالانی بەشداری مەراسیمەکەیشا کەرد.

جە مبارەکباییەکانە هامسەرۆکا ئەنجومەنوو ڕاوەبەری کانتۆنوو فراتی مزگین خەلیلە  و فەرحان عیسا قسېشا کەردۍ و باسشا جە گرنگی شۆڕشوو ۋەرنیشتی کەرد و قەولوو بەردەوامیدای سەرو پارېزنای دەسکۊتەکا شۆڕشی دا، حەرپاسە ساڵوەگەڕو شۆڕشیشا جە گەشمەرڎا مبارەک کەرد.

دماتەر چڼین کەسایەتیۍ و نوێنەرا لایەنە سیاسەکا تەرو هەرێمەکەی قسېشا کەردۍ و مبارەکبایی شۆڕشیشا کەرد.

حەلەب

بە سەڎان ئەرەنیشتۍ  گەڕەکەکاو شێخ مەقسودی و ئەشرەفییەو حەلەبی ١٢ەمین ساڵوەگەڕو شۆڕشوو ١٩و تەمووزو ۋەرنیشتیشا مبارەککەرد. مبارەکباییەکە جە گەڕەکەو شیخ مەقسودی بە دروشمەو 'بە ڕۆحوو ١٩و تەمووزیوە ئازاڎیی جەستەیی ڕابەر ئاپۆی دەسەبەر بکەرمۍ و چارەسەرو پەرسەکا کوردی بکەرمۍ' ئەنجامدرا.

جە مبارەکباییەکەنە ئەڼامەو کۆردیناسیۆنوو کۆنگرە ستارو حەلەبی فەهیمە حەمۆ و هامسەرۆکوو ئەنجومەنوو گرڎیی شێخ مەقسودی و ئەشرەفیەی هێڤین سلێمان قسېشا کەردۍ.

فەهیمە حەمۆ جە قسەکاشانە ئاماژەش پانەی دا شۆڕشو ١٩و تەمووزی ۋێش سپاران بە پارادایمەکاو ڕابەرو گەلوو کوردی عەبدوڵا ئۆجالانی.

حەرپاسە واتیچش کاتوو ئانەی ئامان ویرۆکە کۆنەپەرسەکا دۆڵەت-نەتەوەی و سەرمایەداری دمایشا پنەبۍ و ئەزموونەکۍ شۆڕشو ١٩و تەمووزی بە بنەما بگېرمۍ کە ۋێش مسپارۆ بە پارېزنای مافەکا ژەنا.

حەرپاسە جە مەراسیمەکەنە هێڤین سلێمانە قسېش کەردۍ و باسش جە گرنگی شۆڕش و دەسکۊتەکا شۆڕشی کەرد، وە ساڵوەگەڕو شۆڕشیش جە گرڎوو گەشمەرڎا مبارەککەرد.

دماتەر جە لایەنو چڼین گروپا هونەری و فۆلکلۆرییوە چالاکیۍ پێشکەشکریۍ و مەراسیمەکە دمایش ئاما.

قامیشلۆ

**

بە هەمان شێوە شارو قامیشلۆینە  بە سازدای مەراسیمېوە گەورەی و بە بەشداریۍ فرەو هاموڵاتییا بە جل و بەرگی نەتەوەیی ۋێشاوە و بە بەرزکەردەیۆ لافیتەکا ڕابەرو گەلوو کوردی عەبدوڵا ئۆجالانی، ١٢ەمین ساڵوەگەڕو شۆڕشو ١٩و تەمووزوو ۋەرنیشتی مبارەک کریا.