هێزی شەوۍ کە دما چوارشەممەو ساڵەو (ۋەرەتاوی) بۍ، کە دلۍ گەلا ئێرانینە پێسە چوارشەممەی سوری مشناسیۆ و گرڎ ساڵێ بە کەردەیۆ ئێری و تەقنای گلۍ ئایرینۍ جە کۆڵانەکانە و ناوەنڎوو شارەکانە، پێشوازی جە ساڵەی تازۍ و نەورۆزی کەرا.

حەرپاسە چوارشەممەی سوری پێسە ڕۊو نیشاندای توڕەی ۋەرا ۋەر بە زاڵما منریۆرە.

حەر چا چوارچێوەنە هێزی تەرسەو ئانەینە کە مەراسیموو چوارشەممە سوری فاڕیۆ پۍ سەرهۊردای، هێزەکاو دەوڵەتوو ئێرانی جە گرڎ یاگێنە وەڵۍ کریێبێنۍ. سەرەڕاو ئینەیچە جە تەرەفوو گەلیوە بە سەرمەشقایەتی ژەنا و گەنجا مەراسیموو چوارشەممەی سوری ئەنجامدریا.

بۆنەو چوارشەممەی سوری و بۆنەو نەرۆزیوە، گەل جە چنڎین شارا ۋەرکەوتوو کودسانینە پێسە: کامیاران، سنە، کرماشان، مهاباد، نەقەدە، ئورمیە، سەقز، مەریوان و چنڎین شارۍ و مەنتیقا تەرینە، حەرپاسە جە چنڎین مەنتیقۍ و شارۍ ئێرانینە مەراسیموو پیرۆزکەردەی ئەنجامدریا.