جەماوەو ڕۋانی ۋیەرڎەینە، کۊڕېوە ئەدەبی بەمەبەسو  ڕەخنەو ۋەنایۊ پەردەلادای پۍ کتېب و "بۆتیقای جیاواز"ی کە جە نویستەی نۋیسەر و ئەوەکۊڵیەری 'عادڵ محەمەڎ پوری'ن، جە لایەن و ئەنجومەنو فەرهەنگی وئەدەبی ڕۊجیاریوە جە مەریوان لۋاڕاوە.

چا ۋېرەگا کۊڕەنە بە ئاماڎەبیەی چن نۋیسەر، هۊنیەر، ڕخنەگرۍ ئەدەبی، چالاکا بوارو ئەدەبی و تاریخی، سەرنج وزیا سەرو کتېبەکەو نۋیسەری و باس و خواسېوە ئەدەبی و بۊتیقایی سەبارەڎ پا کتېبەیە جە پانېڵېوەنە جە لایەن و دۋۍ هۊنیارۍ و ڕخنەگراوە بەنامەکا ' محەمەڎ موەفەقی ، حەمەی کەریمی' وزیا ۋەرو باسی.

محەمەڎ موەفەقی، جەسەرەتاو  قسەکاشنە هەرمانەو چالاکیەکۍ نۋیسەریش جە مەجالو زۋانی ڕەخنەی و ئەوەکۊڵیای ئەدەبی بەرز نرخنا، دماتەر سەرنجش وست سەرو کۊو مـژارەکا دلۍ کتېبەکەی و بە شېۋېوە گرڎی کتېبەکەش بەکتېبێوە عال بەنامۍ کەرڎ.

جە درېژەو پانېڵەکەینە حەمەی کەریمی، حۊڵەکۍ نۋیسەریش جە مەجالوو نۋیستەی مژارگەلی ئەدەبی و شیعرۍ و بەشەکا تیۊری و ڕەخنەی ئەدەبی و  زۋانینە بەرز نرخنا و کتېب و "بۆتیقای جیاواز"یش بە کتېبێوە فرە عال وەسف کەرڎ، داواش جە ۋەنەرا ئەدەبی کەرڎ کە بۋاناشۊ.

جە دما دمایی کۊڕەکېنە عادڵ محەمەڎ پور نۋیسەرو کتېبەکەی سەبارەڎ بە ستراتیجو نۋیستەی کتېبەکەی پەیڤېوە کوڵەش پېشکەش بە ئاماڎەبیا کۊڕەکۍ کەرڎ.

هـ.ش