پارێزنەرێ مافەکا مرۆڤی جە ئەستەنبوڵ و ئەنقەرەنە پەی زینانیێ نەوەشێ ئەرگین ئاکتاش و ئەمین گوربان ئەرەیاونێوەشا وەڵا کەردۆ.

کۆمیسیۆنو زینانیا لقو ئەستەنبوڵی جەمە و مافەکا مرۆڤی (ئیهەدە) جە هەفتەی ٦٩٣هەمینو چالاکییەکەیشانە وەردەمو بیناو جەمە و چالاکی “ئەرەنیشتە و F”یش ئەنجام دا. جە چالاکییەکەینە سەرنج وزیا سەر و دۆخو زینانیی نەوەشی ئەرگین ئاکتاش جە زینانو جۆرو Rی مەڕەش. هەرپاسە لافیتێ بە نووسینی “چارەسەر مافا، ڕاگیریش چنە مەکریۆ” و بێپچڕیای دروشموو “با زنیانیێ نەوەشێ ئازادێ کریانە” بەرزکریاوە.

ئەنقەرە

دەسوەڵێ وزتەی پەی زینانیا نەوەشی ئازادی، جە هەفتەو ٥٦٥و چالاکییەکەینە ئاماژە بە دۆخو زینانیا نەوەشی ئەمین گوربانی کریا. ئەرەیاوناکەی جە جادەو ساکاریا ونریاوە و دروشم “با زینانیێ نەوەشێ ئازادێ کریانە” و  “گۆشەگیری ئەشکەنجەن، با گۆشەگیری دمایش بێ” بەرزکریاوە.