مەسعود عەبدولخالق: فیدان ئامابۍ سوننەکا قەوەت کەرۊ بە هامکاریی تورکمانی و پەدەکەی
هاکان فیدان ئامابۍ پڕۊژه‌و سوننه‌کا قەوەت کەرۊ، عێراقنە به هامکاریی به‌ره‌ی توركمانی و پەدەکەی، وەلۍ ئا پڕۊژه سه‌ر گێرۊ گردما به پارتییچۊ ته‌فروتوونۍ بیمۍ
مەسعود عەبدولخالق نویسەر و ڕۊنامەنویس بارەو ئاماکەی هاکان فیدانیوە پەی هەولێری ماچۊ: ئامابۍ پڕۊژه‌و سوننه‌کا قەوەت کەرۊ، عێراقنە به هامکاریی به‌ره‌ی توركمانی و پەدەکەی، وەلۍ ئا پڕۊژه سه‌ر گێرۊ گردما به پارتییچۊ ته‌فروتوونۍ بیمۍ.
بارەو سەرڎایەکەو هاکان فیدانی وەزیروو جبەروو دەوڵەتی ئەرگیروو تورکیوە پەی عێراقی و هەرێموو کوردستانی و خێرامای پەدەکەی و سەراو حکومەتوو هەرێمی جە فیدانی، مەسعود عەبدولخالق نویسەر و ڕۊنامەنویس جە پەڕەو وێشنە، سەروو تۊڕەو کۊمەڵایەتیی فەیسبووکیوە نویستەێوەنە زانیاری وزۊ ڕووە.
نویسینەکەیشنە ماچۊ: پارتی گێڵۊوە كه‌ركووك و دۊسه‌كاو وێش (عه‌ره‌بی سوننه و به‌ره‌ی توركمانی) ڕاش وەنە گێرا، عەره‌به‌كۍ هەر ئانۍ كه ته‌عریبنە به‌رده‌وامێنۍ و ئەرەنیشتۍ هه‌ولێرێنۍ و مێمانۍ ئا حزبه‌ینێ! هه‌ر هیزی بۍ به‌ره‌ی توركمانیی دلۍ باره‌گاكاو حكومه‌تی و حزبینە هه‌ولێرنە كوۍ بیێوە چەنی هاكان فیدانی، وەروو ئانەیە كه‌ركووك به توركمانیی مەنۊوه! وه‌زیرێوەیچشا حكومه‌تنە هەن.
بارەو ئاماکەی هاکان فیدانیچۊ نویستەنش: هاكان فیدان ئامابۍ پرۊژه‌و سوننه‌ی قەوەت کەرۊ عێراقنە، به هامکاریی به‌ره‌ی توركمانی و پەدەکەی، وەلۍ گەر ئا پڕۊژه سه‌ر گێرۊ گرما به پارتییچۊ ته‌فروتوونۍ بیمۍ، ڕیفراندۊمیچنە ئه‌ندامێوە به‌ره‌ی توركمانیی ئه‌نداموو ئه‌نجوومه‌نوو باڵاو ڕێفراندۊمی بۍ، كه‌چی ئانە کە لدادگای فیدراڵیینە سكاڵاش لسه‌روو ڕیفراندۊمیوە تۊمارە کەرڎە و حكومه‌تی هه‌رێمیش ناچار كەرد سڕش کەرۊ، (سه‌رۊكوو به‌ره‌ی توركمانی) بۍ، پانەیچۊ نەمرڎا تا كاك مەسعوودش ناچار كەرد پارێزنه‌رێوە کیانۊ وە‌رده‌موو دادگای و ڕیفراندۊمه‌كه‌یچ ورشانۊوە، ئینجا به‌ره‌ی توركمانی مرڎێوە، به‌ڕاسی سه‌رەم فرەو هەرمانەکاشانە بەرمەشۊ.
