فەرماندەیی قەرارگەو نەپەگەی جەبارەو ٤٧ەمین ساڵڕۆو ئەرەمەرزیارەو پەکەکەی ئەرەیاوناش، "پێسەو ئا فیداییا رووەما جە ئازادی ڕابەر ئاپۆی و گەلەکەیمانە، ئێمە بە ئەدای باڵا و تێمپۆو سەرکەوتەیۆ ئەرکە تاریخیەکاما جابەجێ مکەرمێنە ".
فەرماندەو قەرارگەو ناوەندی و پارێزنای گەلی (نەپەگە) ٤٦ەمین ساڵۊو ئەرەمەرزیارەو پەکەکەیش جە ڕاو ئەرەیاونێوە موبارەک کەرد. ئەرەیاوناکەی پی جۆرەنە:
"٤٦ەمین ساڵڕۆو ئەرەمەرزیارەو پارتەکەیما پەکەکە سەرەتا جە ڕابەرو بزوتنەوەکەیماو، ئەرەمەرزیارەو پارتەکەیما، فیدایی یوەمو و گەورەترین زەحمەتکێش جە ڕابەر ئاپۆی، جە گەلە وڵاتپارێزنەرەکەیما، بنەیانەو گەشمەرڏا، دۆساو بەقیمەتو پارتەکەیما، وێڕاگرا دلێ زینانی، هەمڕیاما جە گردو مێڏانەکا ئەرەکۆشاینە و جە گردو لایەنگرا پەکەکەی موبارەک مکەرمێ.
پارتەکەما پەکەکە پارتێوە گەشمەرڏان کە پەی ئانەی مانێوە دروسە بە گەشمەرڏەو هەماڕایما حەقی کارەر بەخشمێنە، پەی خاوەنداری جە یادو ئاری پەی ئانەی ونی بەزایە نەلۆنە، سەرو بنەماسەروستەی ئامانجەکا ئەرەمەرزیا و نیمسەدەن پێ وچان هەنگامێ منیۆنە. سوپاو گەشمەرڏا کە سەرمەشقایەتی پەی پارتەکەیما پەکەکە کەرۆ، جەماوەی ٤٦ ساڵێنە بەهای گەورە، پێودانگی بەرز، گەورەو جەوهەریی مرۆڤی، مەعنەویەتێ باڵا، رۆحو فیدایی ئاپۆیی و ژیواێی بەنرخ و مانادارش خولقنا، کە پەی مرۆڤەکا سڵ جە مەردەی نەکەراوە. ئا بەها موبارەکێما جە کەسایەتی هێڵو گەشمەرڏاما بەرجسەبۆنە کە سەرچەمەو سەرەکی هێزو ئێمەنێ. جە جەنگو بێ وچانو ٤٦ ساڵەو پەکەکەینە هەر گەشمەرڏێ بیەن نامێ حەقیقەتو ڕاپیمای بەرەو سەرکەوتەی، گردو گەشمەرڏە ئازیزەکێما کە ئا راستیەشا بە ئارەقەو، گیان ونەو وێشا خولقنا، جە کەسایەتی گەشمەرڏەو گەورەو پارتەکەیما هەمڕا حەقی کارەی بە رێز، وەشەویسی ویرماوسۆوە.
جەنگاوەرا قارەمانۍ ئاپۆیۍ وەشۍ بیۍ
پارتەکەما پەکەکە کە بە دوور وینای قووڵی و هەوڵو فرەو رابەر ئاپۆی لوا وەڵێوە و گەورەبیی، جە ئەرەکۆشای ٤٦ ساڵەو وێشەنە پێسە ئانەینە بە چەنی بیرە هۆرکەنینە، بییەش جە نەبیەی، ژیوایس جە وشک بیەی، دەربازی جە قڕکەردەی، سەربەخۆیش جە کۆلۆنیالیزم و گەلێوە ئازاش خوڵقنا کە بەرەو ئازادی هەنگامی بنیۆنە. ئەرەکۆشای پەکەکەی کە هەر ساتێ وەش پێسە ئەفسانێوە ویەرد، دله شۆڕشینە شۆڕشش کەرد، پەی بییەو و ئازادی راسی گەلێوە وێ ڕاگێرش خوڵقنا کە بێ دوودڵی ئەرەکۆشۆنە. راسی ژەنێ ئازادە و جەنگاوەرو پەکەکەیش خوڵقنا کە بە رۆحو فیدایی ئاپۆیی مجەنگیۆ و ئانەش کەرد بە دیاری پەی گەلا چێردەسی و تەمامو مرۆڤایەتی. پارتیما پەکەکە مەشکێوە گەورە، کلتور، زوان، شێواز، بڕوا، مەعنەویەت و رێبازو ژیوای ئازادیش خوڵقنا و جە کوردەسان گەورەترین شۆڕشو کۆمەڵایەتی بنچینەییش ئاەد ئاراوە. ئا راستیێ کە جە کەسایەتی پەکەکەی ئامێ ئاراوە؛ جە کوردەسان، وەرکەوتو ناوەڕاسی و جەهانو راسی رەوابیەی و ناڕەوایی، خاس و خراپی، ئازادی و کۆیلایەتی، دیموکراسی و نەتەوەدۆڵەتی، زەریفی و ناشرین، راسی و خەڵەت، فیداکاری و وێ دەسۆدای، هەڵوێسو ئازادی و خیانەتی، سەربەزی و سەرشۆڕی، سۆسیالیزم و سەرمایەداریش وس وەرو چەما.
پەکەکە کە ئایدۆلۆژیاو ئاپۆیی بە بڕواو پتەوی، ئیرادەو، پشوودرێژی، هەوڵدای، رەنج و ئەرەکۆشای دەقە بە دەقە بەکرداری کەرد، بە سەربەرزیێ گەورۆ ٤٧ەمین ساڵەو ئەرەمەرزیارەو فەرمی وێش موبارەک کەرد. بێگومان ئا سەرکەوتەیە گردش بەرهەمو رەنجو بێ دمای ڕابەر ئاپۆی، گەل و هەمڕا گەشمەرڏەکامانە، بەرهەمو ئەرەکۆشای فیدایی رێباز، تێپمۆ و شێوازو ئاپۆییا. گەریلاکا ئازادیی کوردەسانی جە سەرنیشتو کوردەسانیۆ تا هەڕێمو پارێزناو مەدیا، جە کەشەکا تا گەورەشارەکێ کەوتێ دلێ قەرارگەکا جەبگو دوژمنی و هەڵوێسێ ئازیەتیشا نیشانەدا. گەریلاکا ئازادیی کوردەسانی بە ئەرەکۆشای بێ ئامانشا، ڕۆحو تێکنەشکان و ڕێبازو سەرکەوتەو پەکەکەیش نوێنەرایەتی کەرد، سەرمەشقە فیداییەکا تابوور نەمران هەمڕاو سارا تۆڵهەڵدان گۆیی، ڕووکەن زەلال، ڕۆژهات زیلان، ئەردال شاهین و دماجار هاوڕێ ئاسیا عەلی و ڕۆژگەر هێلین کە جە ئەنقەرە چالاکیشا دژو توساشێ ئەنجامدا، ئانەشا نیشاندا کە ڕۆحو فیدایی ئاپۆیی متاوۆنە چێش کەرۆنە، چالاکی فیدایی تاریخو هاوڕێ ئاسیا و ڕۆژگەرێ جەمڏرامانو مڏرامانو زینانەکا ئامەدیۆ تا زیلانەکا پێسەو تازەترین ئەڵقەو چالاکییە فیداییەکا تاریخو خەباتیما پێوەرەکا چالاکی فیدایی بەرەو وەڵێ بەرد و جە فرەو لایەنیۆ یاوناشا ئاستێ هەرە بەرز، هەنگامو گەریلای جە ساڵەو دماینە، مڏرامانو فیدایی و چالاکییەکا بە ڕەوتو بەرزی گردو پیلانەکا دوژمنیشا سەراوچێر کەرد، ڕژێمو فاشیسی ئارد وەر وڕای و ئێمەی زیاتەر جە سەرکەوتەی نزیکێ بیمێوە.
نەمرا ساڵەو ٤٦ـەمینو ئەرەکۆشایما
هەمڕێما ئالان ملازگرت، شێخموس مەلازگرت، بەروار دێرسیم، ئۆرهان جیهات بینگۆل، شیار عەفرین، تەکین گۆیی، سەرحەد ژێهات پاتنۆس، محەمەد جودی، د. سارا تۆڵهەڵدان، بێریتان نورحاق چیا، هەرەکۆل شیار، هاوڕێ چیا، شەرڤان ڤارتۆ، جانشێر شێراوا، ئەکین ڕۆدی، خەبات تورکمەن و پڵنگ گەرمیان کە جە ساڵەو ٤٦ـەمین ئەرەکۆشای پەکەکەینە بە ئازایەتی جەنگشا کەرد و گەشمەرڏێ بیێ، هەرپاسە فەرماندە فیداییە ئاپۆییەکاما پێسەو دێرسیم نورحاق، مەدیا عەگید، سەبری باگۆک و کارکەر تۆڵهەڵدان کە مۆرکو وێشا جە ئەرەکۆشایمانە دا، بیێ بە فەرماندەو سیمبولی کە نیشانەشا دا ڕۆحو پەکەکە مەمەڕیۆنەو بەمەزیۆ.
پاگیری سەرکەوتەیما جە گرد کاتێ تەری قەوەت تەرا
پێسەو هێزەکا پارێزناو گەلو کوردەسانی کە جە جەنگاوەرو فیدایی ئاپۆیی، ڕێبازو ژیوایی ئاپۆیی و جە ڕێڕەو سەرو هێڵەو گەشمەرڏا حیچ کاتێ پاشەکشێ مەکەرمێ، قەراردایما پەی سەروستەی خەباتو ئازادیی و بییەو گەلەکەیما جە هەر کاتێ تەری بەقەوەتەرا، پێسەو سەروازا فیدایی ئاپۆیی کە بە تەمامی ڕووەشا جە ئازادیی ڕابەر ئاپۆی و گەلەکەیمانە و ئامادێنێ چی ڕێنە بە هەر شێوێ قوربانی دانە، بە لوای دلێ ساڵەو ٤٧ـەمینی ئەرەمەرزیارەو ڕەسمی پەکەکەیما ئەرەیاونمێش کە بە کارایی و ڕێبازی سەرکەوتەی ئەرکە تاریخیەکاما جابەجێ مکەرمێنە، ساڵەی تازۍ پەکەکەیما جارێ تەر جە گردو گەلەکەیما و هەمڕێیاما موبارەک مکەرمێنە و جە ساڵێ تازێنە سەر وزتەی ئەرەکۆشای وازمێنە
