نەورۆزو ئێساڵی دێرسیمنە بەجۆشۆ مەبارەک کریا، مەراسیمەکە پلاتفۆرمو ڕەنج و دیموکراسی دێرسیمی کەرد. فرەو ئەنداماو پارت و لایەن و کەسێتیەکا هامشانو گەلی بەشدارێ بێنێ.

ئاهەنگەکەنە گوڵستان کیلیچ کۆچیگیتە ئەرەیاوناش تەمامو تارێخو دێرسیمی مدرامان و کۆشیاین، هەرپاسە دەسەڵاتو ئاکەپەی و مەهەپەیش پێسەو "زوحاکی مۆدێرن"ی پێناسە کەردێ. کۆچیگیت نەورۆزش وەنەو ڕابەرو گەلو کوردی عەبدوڵا ئۆجالانی مەبارەک کەرد و سڵامش پەی کیانا، تیشکەش وستە سەرو گرنگیی چارەسەرو پەرسەو کوردی و واتش: "هەردەم دژو ستەمکارا مدرامانما کەردەن. دژو هامپەیمانیی جیتەمی، هامپەیمانیی دێرسیمی هەن".

ئاهەنگەکە بە وانایۆ هۆنیێ و دایونەی چەپڵا و هەلهەلا بەردوام بی.

دماو کەردەیۆ ئاویرو نەورۆزی ئاهەنگەکە بەجۆشتەر بی، هەزاران کەسێ دەمو گۆرانیاو هونەرمەندەکاوە ورپڕایشا گەرم کەرد.