نەورۆزو کانی ڕەشی: تا ئازادیی ڕابەرو گەلو کوردی، کۆشیەیمێ
کانی ڕەشنە سەدان کەسێ بە جلوبەرگی نەتەوەییوە بەشداریی نەرۆزیشا کەرد، پەرلەمانتار ساڵیحە ئایدەنیزە واتش: "تا ئازادیی بەڕێز عەبدوڵا ئۆجالانی کۆشیەیمێ".
ئێساڵ ملوێنان کوردسانیێ بە داواو ئازادیی جەسەیی ڕابەروو گەلوو کوردی عەبدوڵا ئۆجالانی ئاهەنگوو نەورۆزی مەبارەک کەرا.
مەنتێقەو کانی ڕەشوو چەولیگینە دماو ١٢ ساڵا ئەوەڵ جارا نەورۆز مەبارەک بکریۆ، سەدان هاموەڵاتێ دەگا و گەڕەکەکاوە یاوێ مەیدانوو ئاهەنگەکەی.
دماو دەیەقێوە ڕێزگرتەی وەنەو گەشمەرداو کۆشیای ئازادی، ئاویروو نەورۆزی بە جۆشێوە گەورە و درووشموو "بژیوۆ سەرۆک ئاپۆ"ی کریاوە.
پەرلەمانتارو دەم پارتیی چەولیگی، عومەر فاروق هولاکو پەیاموو نەورۆزو ٢٠١٣ ڕابەروو گەلوو کوردی عەبدوڵا ئۆجالانیش واناوە.
دمایی پەرلەمانتارەو دەم پارتی مێردینی، ساڵیحە ئایدەنیزە واتش ئانێ مواچا ئیرادەو کوردیما ماڕان با تەماشەو مەیدانەکا بکەرا، ئاویروو نەورۆزی بەگوڕتەر مکەرمێ. واتش: "تا گەلوو کوردی ئازاد نەبۆ، گەلوو تورکی ئازاد نمەبۆ، پەوکای ئێمە پەی ئازادیی گردیما، پەی دیموکراسیی تورکیای مکۆشیەیمێ".
ساڵیحە واتش: "تاکە موخاتەبوو چارەسەروو پەرسەو کوردی بە ڕای دیموکراتیکە، بەڕێز عەبدوڵا ئۆجالانا. بەڕێز ئۆجالان پەی ئاشتی و دیموکراسی کۆشیۆ، ئارۆ گۆشەگیرا ".
ساڵیحە واتش، گۆشەگیریی ئیمراڵی تەماموو وەڵاتیرە وەڵا بییەنۆ و تا ماڕای ئی گۆشەگیرییە کۆشیا، پی گۆشەگیرییە گەرەکشانە جەنگی تندتەر بکەرا و کوردی بێستاتۆ بکەرا، واتش: "ئێمە مواچمێن، تا ئی گۆشەگیرییە ماڕمێ و عەبدوڵا ئۆجالان ئازاد مبۆ، درێژە بە کۆشیای مدەیمێ".
دمایی ئاهەنگەکە بە گۆرانیێ و ورپڕای بەردەوام بی.
