قەڵاو وانی کە ساڵانی ویەردە مێمانداری نەورۆزە شکۆدارەکاش کەردەبۍ، نەورۆزێوەتەر بە شێوەی شکۆدار پیرۆز کریۆ. مەردوم کە جە سەرسەعبۆ جە فرەو یاگا شارەکەیۆ بەرەو مێڎانەکە خرۆشیێنۍ، مێڎانوو نەورۆزیشا پەڕکەردەنۆ. جە مێڎانەکەنە سەڎان هەزار کەسۍ کوۍ بیێنێوە.

جە مێڎانەکۆ دروشمەکا "بژیۋۆ سەرۆک ئاپۆ"، "بژیۋۆ مدرامانوو زینڎانەکا" بەرز بۆوە. دماو دەیەقێوە بێدەنگی پۍ ڕێزگێرتەی جە یاڎوو گەشمەرڎا مەراسیموو نەورۆزی دەسشپنەکەرد و بە سەڎان هەزار بەشدارا مەراسیمەکەی دروشمەو "گەشمەرڎۍ مەمرا"شا واتۆ.

ئەبرو دەمیرتەپە بەنامۍ کۆمیتەو ئاماڎەکاریۆ قسێش کەردۍ و ئەرەیاۋناش، "گۆشەگیری قبوڵ مەکەرمۍ. گۆشەگیری جە دژوو ئەخلاقی و مرۆڤایەتیا. گەلەکەما گۆشەگیری دلێنەبەرۆ"

لاو ۋێشۆ هامسەرۆکوو لقوو وان و دەبەپەی حسێن ئۆکای واتش، " سڵام جە گەلوو کوردی کە جە دژوو ستەمکارا ئەرەکۊشۆ. سڵام چانیشا کە دژوو سیاسەتوو نکوڵی کۊشیا. چی خاکەنە ئێشی فرەما چەشت، ستەمی فرە کریا. سەرباروو ئانەیچ ئێمە جە مێڎانەکانە دژوو ئاڎیشا کۊشیەیمۍ".

پیرۆزباییەکۍ نەورۆزی بە پێشکەشکەردەی وتارۍ بەردەوامێنۍ.