هامسەرۆکەو گرڎیی دەم پارتی تولای هاتیمۆگوللاریە و هامسەرۆکوو گرڎیی دەبەپەی کەسکین بایندر جە نەورۆزوو وانینە قسێشا کەردۍ. جە قسەکاشانە داواو ئازاڎیی ڕابەروو گەلوو کوردی عەبدوڵا ئۆجالانیشا کەرد.
هامسەرۆکوو دەبەپەی کەسکین بایندر واتش: "گەلوو کوردی پۍ ئازاڎیی بەڕێز ئۆجالانی ئینا سەروو پەیاوە. گەلوو کوردی داواو ئازاڎیی ڕابەروو ۋێشا کەرا. جە گرڎوو جەهانینە جە دژوو گۆشەگیری و دوژمنایەتی گەلوو کوردی کۊشیەیمۍ. چێش بۆ با بۆ سەرکۊتەی پۍ ئێمەن."
هاتیمۆگوللاریە: ئێمە مەمەڕیەیمۍ
دماتەر هامسەرۆکەو گرڎیی دەم پارتی تولای هاتیمۆگوللاریە قسێش کەردۍ و واتش: "هەتا شمە چنیما بیدۍ، ئانۍ کە حۊڵمڎا جە ئەنقەرۆ فاشیزم وەڵاکەراوە، با عال بزانا کە ئێمە دلێنە مەشمۍ. با ئەردۆغان ئی مێڎانەیە بوینۆ، کەگەلوو کوردی چنی چاند، زۋان و کۊشیای ۋێش پارێزنۆ.
پەیاموو بەڕێز ئۆجالانی پەیاموو ئاشتیین، پێشنیاروو ژیۋای پۍ گرڎوو گەلا کەرۆ. داوا جە گرڎوو موخاتەبا کەرمۍ؛ پرسوو کوردی پرسوو ستاتۆیا و مشۊم چارەسەر کریۆ. پرسوو کوردی پرسوو هەر چوار پارچەو کوردسانیا، پرسوو گەلان و مشۊم چارەسەر کریۆ."
دماو قسەکا، پیرۆزکەردەکەی بە گۆرانیەکاو حەلیمە عومەرۍ بەردەوام بۍ.
