سەختە ڕا و جادەو هامۆشیێ ملە یان گەردنەو (تەتە)ی سەر بە هەرێمو هەورامانی کە ساڵانە بەهۆکارو  ڤەرڤێ و سەهۆڵبەندانی فرەی نزیک ٦ مانگۍ مەوزیۆرە، جە ئارۆ ٣ شەممەوە بەمەبەستو ئەوەکەردەیش دەستکریا بە پاککەردەی و ماڵایش جە ڤەرڤێ.

تەتە یاگێوە گرنگە و ستراتیژیەشە هەنە و مەگنۆن میانو هەورامانو دیمو وەرکەوتی و هەورامانو دیمو وەرنشینی و هاموەخت هەر یەرە پارێزگایەکێ سنە، کرماشان و هەڵەبجەی پێوەرە مەبسۆنەوە بەهەنتریەوە.
هاموەخت تەتە جە گەشتوگێڵەنە جایگای تایبەتش هەن و جە وەرزەکێ وەهاری و هامنیەنە ساڵانە دەیان هەزار ئەراگێڵێ (گەشتیارێ) جە هەورامان، کوردستان و ئێرانەوە سەردایش مەکەرانێ و جمسەرێ گرنگی ئابورین و سەڎان خانەوادێ هەورامانی چنەش سودمەندێ مەبانێ.