پارێزنه‌را به‌مه‌به‌سوو لوای پۍ ئیمراڵی داواكاریشا وست ڕووە
پارێزنه‌رەکۍ ڕابەروو گەلوو کورڎی، عەبدوڵا ئۆجالانی پۍ ئانەی بتاوا چەمشا به موه‌كیله‌كاشا گنۊ، کە نزیکەو 3 ساڵان حیچ زانیاریېوە جە بارەشاوە ۋەردەس نییا، داواكاریی تازەشا وست ڕووە.
حەریۊ جە ڕەزان ساریجا، ڕازیه ئۆزتوركە، فاروق ئۆزگور ئەرۆڵ و مەزڵوم دینچ، جە پارێزنه‌را نۋیسینگه‌ی یاسایی سه‌ڎەی، پۍ ئانەی بتاوا دیڎار چنی موه‌كیله‌كاشا ڕابه‌روو گه‌لوو كورڎی، عه‌بدوڵا ئۆجالان، عومه‌ر خه‌یری كۆنار، حامیلی یه‌ڵدرمی و وه‌یسی ئاكتاشی ئه‌نجام بڎا، کە بە تنی گۆشەگیر کریېنۍ، سه‌ردای حەریۊ جە داواكاری گرڎینەو كۆماری بورسای و ڕاوەبەری زینڎانی ئیمراڵی-شا کەرڎ.
جە ڕۊو ٢٥و ئادارو ٢٠٢١یوە تا ئیسە، حیچ زانیاریېوە جە بارەو ڕابه‌روو گه‌لوو كورڎی، عه‌بدوڵا ئۆجالانیۆ ۋەردەس نییا.
پارێزنه‌رەکۍ به‌مه‌به‌سوو ئەنجامدای دیڎاری چنی ڕابه‌روو گه‌لوو كورڎی، حه‌فتۍ دووۍ کەڕەتۍ داواكاری وزا ڕووە، به‌ڵام جواب و داواكارییه‌كاشا مەڎریۊوە.
هاموەخت جە ماوەو ١٢ ساڵا ۋیەرڎەینە، تەنیا ٥ کەڕەتۍ پارێزنەرەکۍ تاوانشا دیڎار چنی ڕابه‌روو گه‌لوو كورڎی ئەنجام بڎا، دماین دیڎاریچ جە ٧و ئاب و ٢٠١٩ ئەنجام دریان و ٤ ساڵۍ سەروو ئا دما دیڎارەینە ۋیەرڎەن.
