پارێزنهرەکۍ به مهبهسوو لوایشا پەی ئیمرالی داواكاریی تازەشا پێشكهش كەرد
پارێزنهراو ڕابهروو گهلوو كوردی، عهبدوڵا ئۊجالان، تا بتاوا چەمشا به موهكیلهكهیشا گنۊ، داواكاریێوە تازەشا پێشكهش كەرد.
ماوه‌و دووۍ ساڵا و چوار مانگان، حیچ زانیاری و هه‌واڵێوە باره‌و ڕابهروو گهلوو كوردی، عهبدوڵا ئۊجالان و زینڎانیای تەروو ئیمرالیوە نییا.
حەر یۊ جە ڕێزان ساریجا، ڕازییه ئۊزتورك، مه‌زڵوم دینچ و فایه‌ق ئۊزگور ئه‌رۊل، پارێزنهراو نویسگه‌و یاسایی سه‌ده‌ی، وەروو ئانەی بتاوا موه‌كیله گۊشه‌گیركریایەکاشا، عهبدوڵا ئۊجالان، عومه‌ر خه‌یری كۊنار، حامیلی یه‌ڵدرم و وه‌یسی ئاكتاش بوینا، سه‌ردای حه‌ریۊ جە داواكاریی گردینوو كۊماروو بورسای و ڕاوه‌به‌رایه‌تیی زینڎانوو ئیمرالیشا كەرد.
نویسگه‌ی یاسایی سه‌ده‌ی و بنەیانەو زینڎانییاو ئیمرالی، جە ڕۊو ٢٥وو ئاداروو ٢٠٢١ه‌وه نه‌تاوانشا هیچ زانیاریێوە باره‌و ڕابهروو گه‌لی كوردی، عهبدوڵا ئۊجالانیوە بزانا.
س.ز
