پارێزنه‌ر ڕه‌سوڵ ته‌مور، سه‌رنجەش پەی لوایڕاوەو یوەم ئەرەنیشتەی دادگاییكەرڎەی ١٥ ڕۊنامه‌نویسا جە سەرنیشتوو كوردستانینە کێشتە و واتش: "نهک ته‌نیا پەی ڕۊنامه‌نویساو كوردی، به‌ڵكوم پەی جه‌موو ڕۊنامه‌نویسان، بۊ بە بابه‌تێوە گرنگی یه‌كلاكه‌ره‌وه".
ساڵەی ویەرڎۍ جە چوارچوەو وەنەپەرسایۊ جیاجیاینە، ٣٥ ڕۊنامه‌نویسۍ و میدیاكارۍ كورڎۍ جە ڕاو ده‌وڵه‌توو توركی‌وه، گیریێنۍ. جە مانگەو حوزه‌یرانوو ٢٠٢٢، ١٦ ڕۊنامه‌نویسۍ كورڎۍ ئینۍ زیندانداننە، حه‌فته‌ی وەڵین سه‌فیه ئاڵاگاشە، ڕاوه‌به‌رەو به‌شوو هه‌واڵوو ژننیوزی جە ئەرەنیشتەی یوە‌موو دادگاینە ئازادە كریا. ئانە ١٥ ڕۊنامه‌نویسێچە، كه زینداننە مەنێنۍ قەرارا ڕۊو ١١ته‌مووزی، یوەم ئەرەنیشتەی دادگایشا جە دادگاو ئامه‌دینە بلۊ ڕاوە.
گرڎ لاێوە هجووم کریۊ سه‌روو ئەرەیاونای
چا بارۊ ڕه‌سوڵ ته‌مور، پارێزنەروو ڕۊنامه‌نویسا پەی ئاژانسوو فوراتی (ANF)ی قسێش كەرڎۍ و واتش: بۊنەو پەرسەی گه‌رمە و وەروەڵۍ ورچنیەیۊ، ڕۊژنامه‌نویسۍ به‌قورسی كریێنۍ ئامانج. یۊ جە سەبەبە سه‌ره‌كییه‌كاو هجوومكەرڎەی سه‌روو ئەرەیاونای كوردی ئانەن، كه بواره‌كاو یاگەگێرتەیۊ و ئانی بتاوا بابەتی سەرەکیی ڕۊی بە جیاواز به‌رهه‌م بارا، نازیێنۍ. هه‌وڵ مدۊ ئەرەیاونای نیشتمانی به‌هەسی یه‌كده‌س کەرۊ. وەلۍ میدیای كوردی جه دژوو یه‌كده‌سكەرڎەی ئەرەیاونای، دایمە وێگێرییش کەرڎەن. پا وێگێرییە، ده‌سه‌ڵات به‌تایبه‌تی ساڵەی وەڵینە وەروو ئانەی بتاوۊ به‌ئاسانی جووڵیۊوە و سه‌باره‌ت به دۊخه‌كەی چه‌واشه‌كاری کەرۊ، ئەشیا ڕاگه‌یاندنی كوردییش سه‌ركوت کەرڎۍ.
ئا پاڕێزنه‌ره ئاماژه‌ش پەی ئانەیچە كەرد، وەختۍ سه‌رنجە مدەیمۍ دلۍ ئا ٣٥ ڕۊنامه‌نویسه‌ینە کە گیریێنۍ، كارمه‌نداو ده‌زگاكایچشا چەنەنۍ، هاموەخت ئا ڕۊنامه‌نویسێچشە چەنەنۍ، كه به‌رنامه پەی ته‌له‌فزوێنه‌كا ئاماده کەرا. ده‌سوه‌رڎای جە گرڎوو بواره‌كاو ئەرەیاوناینە هه‌ن.
یه‌كلاییكه‌ره‌وه بۊ
پارێزنەر ڕه‌سوڵ ته‌مور باره‌و یوەم ئەرەنیشتەی ١١ ته‌مووزیوە، كه قەرارا ١٥ ڕۊنامه‌نویسی دادگایی کریا واتش: ١١ ته‌مووزی نهک ته‌نیا پەی ڕۊنامه‌نویساو كوردی، كه جە كوردساننە هەرمانەو ڕژنامه‌نویسی کەرا، به‌ڵكوم پەی گرڎوو ئانیشا توركیانە ڕۊنامه‌وانی کەرا یه‌كلاكه‌ره‌وه بۊ، واتیچش: بابه‌توو گێرتەی ڕۊنامه‌نویسی ئۊپۊزسیۊنی، مه‌رڎان یانارڎاغ، جە ئه‌نجاموو ئاساییكەرڎەیۊ سیاسه‌تی میدیایی و فشاری سه‌روو ڕۊنامه‌نویساو توركی بییەن.
پارێزنەر ته‌مور واتیچش، ڕۊنامه‌نویساو كوردی، بۊنەو هه‌واڵه‌كاشاوە و ئا زوانه‌یە به‌كارش مارا و بۊنەو بژارده‌كاو سه‌روو نویسه‌ریوە، به‌رده‌وام گیریا و زیندانی کریا. ده‌كرێن. وەختۍ دلێنەو هه‌واڵه‌كان باسوو گۊشه‌گیری کەرۊ، ئیتر فرەو تۊمه‌تاشا ڕووبه‌ڕوو کەراوە. وەختێوە ئه‌گه‌ر وەراوە‌روو ڕاسییی گۊشه‌گیریوە هه‌ڵوێستی جیددی نیشانە دریۍ، ئیتر هه‌واڵی چانە نەبۍ بە بابەتوو دادگاییكەرڎەن. پەوکا ئا پرسۍ نهک ته‌نیا پەی ڕۊنامه‌نویساو كوردی، پەی هیناو توركیایچ گرنگها. پەوکای فرە گرنگا به‌وردی مامه‌ڵه چەنی دۊسیۍ ئا ڕۊنامه‌نویساو ١١ی ته‌مووزی کەرمۍ و پاڵپەشتی ڕۊنامه‌نویساو كوردی کەرمۍ.
س.ز
