دەسەی ڕاوەبەری پاژکی بۊنەو ساڵوەگېڵوو ١٥ و ئابیۊ ئەرەیاۋنېوەش ۋەڵاکەرڎۊ و ۋاتش،''جە کۊشیای ئازاڎیمانە کە بە هەڵمەتەو گەریلایۊ پاش نیا ٤٠ ەمین ساڵوەگېڵشۊ ، یاڎو میراسو دەیان هەزار گەشمەرڎاما ڕېخەش کورڎسانەنە کوانەرە".
دەسەی ڕاوەبەری پاژکی سەرو ماڵپەڕەکەیشۊ ئەرەیاۋنېوەش بۊنەو ساڵوەگېلوو هەڵمەتەو ١٥ و ئابیۊ ۋەڵا کەرڎۊ.ئەرەیاۋناکەش پی شکڵەنە:
جە کەسایەتی فەرمانڎەی ئەفسانەیی هەڵمەتەو تاریخی ١٥ و ئاب و هامڕا عەگیدینە گرڎوو گەشمەرڎا ئاخېزەکەیما بەڕېزو پنەزانەیۊ یاڎ کەرمېوە. ١٥ و ئابی مرڎایۊن ۋەران ۋەر بەنکوڵی کەرڎەی، مدرامانا جە دژو ستەمی و حەرپاسە ئیراڎەو بیەیا دژ بە جینۊسایدی. ئەوەڵ گوللۍ کەبە سەرمەشقی فەرمانڎەی گۊرەیما عەگیدی دژ بە کۊیلایەتی تەقا، کۊشیای ئازاڎیی کورڎسانیش خوڵقنا، ژەنیش یاۋنا بە ئاخېزی جە بنەڕەتۊ دەوڵەت نەتەوە کۊلۊنیالیستیەکۍ وسیستمە باڵا دەسەکېش لەرنېوە.
هەڵمەتەو تاریخی گەریلای جە ١٥ و ئابو ١٩٨٤ینە ٣٩ ساڵېش ۋیەرنا و بە مدرامانی گۊرۊ پاش نیان ٤٠ەمین ساڵوەگېڵشۊ. جەماوەو ٣٩ ەمین ساڵشەنە عالتەر درک بە گرنگیە تاریخیەکەیش کریۊ و پەنەوازی ئا هەڵمەتۍ زیاتەر ڕۊشنەبۊوە. جە ٣٩ەمین ساڵەنە ئا گورزۍ کە گەریلاکۍ ئازاڎیی جە کەشەکا کورڎسانینە جە چەتاکا ئاکەپە-مەهەپەی کۊلۊنیالیستیشا داو چالاکیەکۍ پېشوازی جە ١٥ و ئابی بە قەرارو پاگیری سەرو سەروستەی ساڵەو٤٠ ەمینی وەردەواما. سڵام چا مدرامانە گۊرەو گەریلاکا هەپەگەی و یەژاستاری کەرمۍ. کە بە گیانو ژیۋایۊ ١٥ و ئابیۊ ڕاشا جە دوژمنی گېرتەن. گەریلاکۍ هەپەگەی و یەژاستاری بە تەجروبەو ٣٩ ساڵەی گەریلایی، جمیەری گەریلایشا تازە کەرڎۊ. دژ بە گرڎ جۊرە تەکنەلۊجیایۍ جەنگی بە شېۋۍ سەرەمڕە ۋەرگیری مکەرا.هیواو ئازاڎیی پۍ مرۊڤایەتی.
بەکۊشیای ئازاڎیما کە بەهەڵمەتەو گەریلایوە پا منیۊ ٤٠ەمین ساڵوەگېڵشۊ، یاڎوو میراسوو گەشمەرڎاما ڕەگش جە کورڎسانەنە کوانەرە. ئانەی هوشیاری ئازاڎییش بە ژەنا و کورڎی ۋەرکەوتوو میامینی بەخشان، ڕۊشنکەرڎەیش پۍ کەرڎەن شانە و چېربارو ئاخېزو کۊمەڵایەتیش دان، خەتەو ١٥ و ئابینە. گیانو مدرامانو ١٥ و ئابی جە کورڎسانەنە هەلوېسېوە ژیایۍ تازەی ئازاڎا. ١٥ و ئابی هەڵۋېسوو ئازاڎیی ژەناو، گەنجۍ و گەلی ۋېڕاگریا.
پېسە چنی هەڵمەتەو ١٥ و ئابی دەورۍ تاریخیش گېلنا، مدرامانو ئارۊو گەریلایچ جە ڕوو یەکلای کەرڎەیۊ چارەنۋیسوو گەلاوە هەمان دەورش هەن. گەریلای گیان باز، گەلی گیانبازیچش خوڵقنان، مدرامان جە سەنگەرەکا گەریلایۊ فاڕیاوە پۍ دلۍ گلېرگەی گەل بی بە کۊڵەکېوە ئەساسیەو ئاخېزی . راسی گەلی کە بەسەرمەشقی گەریلای گژیۊ، کورڎسانش کەرڎ بە خانە ڕاسو ۋەرکەوتوو میامینی و جەهانی. ئا ژەنۍ و گەلۍ جە دژوو سیستمو سەرمایەداری، فاشیزمی، نەتەوەپەرسی، ڕەگەزپەرسی و کۊڵۊنیالیزمی ۋېڕاگری کەرا، کۊش کەرڎېوەو بە یۊش یاۋنۍ. دەرەی ئەساسی شارسانی دیموکراتیکی جارېوەتەر سەرو شانۊو تاریخی وروژیاوە. کۊشیایۍ بە سەرمەشقی ژەنا و گەنجا پۍ ئازاڎیی و دیموکراسی سەڎېوەن لۋان ڕاوە زیاتەر بەقوت بیەن. جە دژوو دەسەڵاڎ داری دەوڵەت نەتەوەی و سەرمایەداری، شانسو بەختەو سەرکۊتەی گەلا جە گرڎ وەختۍ زیاتەر بیەن. ئېمە ئینایمۍ چا سەردەمەنە کە ڕابەر ئاپۊ بەواتەی 'ژیۋایۊ تەمامیان، نۊبەو ڕزگاریا' پېناسەش کەرڎەن. هجومەکۍ چن قورسۍ با، بە قەرارو کۊشیای قەناعەتو ئازاڎیی مدرامان کریۊ. سەرو ئەساسو جەنگی شۊڕشگېڵی گەل بەوېڕېکوستەی بیەن چالاکی کریۊ هېزە قڕکەرە فاشیستیەکۍ شکست دریا. حەرپۊکەی ئەرکی ئەساسی ئېمەن کە هەڵمەتەو سۊڕشگېڵیما پەی ئازاڎیی جەستەیی ڕابەر ئاپۊی بیاۋنمۍ بە سەرکۊتەی.
ئېمە جەژنەو ژیۋایۊ ١٥ و ئابی جە گەلەکەیما و گرڎوو هامڕایاما مبارەک کەرمۍ.
هـ .ش
