'پەدەکە بە دەسوو ۋێش قەبرە پەی ۋێش هۊرمکەنۆ'
سیاسەتمەدارۍ و رۆنامەوانا جەبارەو خیانەتوو بنەیانەو بارزانیۆ ناڕەزایەتیشا بەربڕی و واتشا: "پەدەکە بە دەسوو ۋێش قەبرە پەی ۋێش هۊرمکەنۆ. ۋەروئانەی ئەردۆغان پەدەکەی پېسە نۆکەری موینۆ، نەک پېسە هامکاری".
سیاسەتمەدارۍ و رۆنامەوانا سەبارەت بە خیانەتەکاو بنەیانەو بارزانی و هامکارییەکاشا چنی دەوڵەتو تورکی ئەرەگیری قسېشا پەی ئاژانسوو هەواڵو فورات نیوزی کەردۍ و ناڕەزایی تنشا ۋەرا ۋەر بە ئەرەگیری نیشانەدا.
رۆنامەوانی میسری ئیلهام ئەل-ملێجی ئەورەیاۋناش، کە بنەیانەو بارزانی پەی مەسڵەحەتی تایبەتی ۋێشا، شکۆ و کەرامەتوو گەلەکەیشا ورەشا و واتش، "پەی ئانەی پەشتگیری جە رژێموو تورکیای بکەرا، مافەکاو کوردی بە نەبیە منیارە و ئازاڎیی و شکۆو گەلوو کوردی وزانە چېر پاو ورەشاش".
توێژەری سیاسی ناوەڼی کوردی پەی ئەوەکۊڵیای سیاسی تاریق حەمۆش ئەرەیاۋناش، دەوڵەتو تورکی مەرامشا جە ڕاو پاکتاو کەردەی پەکەکەیۆ گرڎوو پانیشتوو کورڎەسانی ئەرەگیر بکەرۆ و پەدەکەیچش کەردەن بە ئامرازو کردەوە چەپەڵەکا ۋێش. حەمۆ باسش چانەیچ کەرد، "پەدەکە بە دەسوو ۋێش قەبرە پەی ۋێش هۊرمکەنۆ. ۋەروو ئانەی ئەردۆغان پەدەکەی پېسە نۆکەری موینۆ، نەک پېسە هامکاری. بنەیانەو بارزانی تەنیا بیەن بە ئامرازێوە کە جە لایەنو دەوڵەتو تورکیوە بەکار بریۆ، ئا بنەیانە پی جۆرە بە دەسا ۋێشا قەبرەو ۋێشا هۊرمکەنا. چونکی پلانەو ئەردۆغانی و نەتەوەپەرسە تورکەکا ئانێنە کە گرڎوو هێزەکا کوردی جە وەڵاتەنە، حەرپاسە پەدەکەیچ دلېنەبەرا".
