پەدەکە هەوڵۍ مڎۊ دەورەو زاپی بڎۊ
هاموەخت چەنی بەرڎەوامبییەی هجوومە ئەرەگیرکارییەکاو دەوڵەتوو تورکی پەی سەروو هەرێمەکاو پارێزنای مێدیای، پەدەکە جە ئامێدییوە هێزێوە گەورەش بەرەو مەیدانەکاو گەریلای ڕوانە کەرد. دیمەنوو ئا جموجووڵەیە تۊمار کریان.
هێزەکاو پەدەکە ٢ ئابی هێزێوە گەورەو وێشا ئەوەڵۊ کیانا مەنتیقەو ئامێدیی پانیشتوو کوردستانی و چایچۊ ڕوانەو مەیدانوو گەریلایاش کەرد.
دیمەنەکاوە موینیۊ، کە هێزەکاو پەدەکەی کەشەکاوە بە حەفارە و شۊفڵۊ رای تازۍ وەشە کەرا و چا یاگێنە، کە بەنداوو زاپیش چنەن بەرەو مەیدانەکاو گەریلای ملا.
بە پاو زانیارییەکا پەدەکە بەتایبەتی هەوڵۍ مڎۊ جە دۊڵەو ڕەشاوای، گەرا چێلکا و مێرگۍ بنۍ وزۊ و بنکۍ تازۍ وەش کەرۊ.
ئانەیچ ئەرەیاونیان، کە جموجووڵوو هێزەکاو پەدەکەی بەرەو مەیدانەکاو گەریلای بۊ تەمامکەرڎەی و بەئەنجام یاونای ئا دەورەداینە، کە سوپاو تورکی ئەرەگیری گەرەکشا زاپنە کەرۊش.
پەشتیوانیی فرەو پەدەکەی، کە چی ساڵە وەڵینانە مڎۊش بە هجوومە ئەرەگیرییەکاو دەوڵەتوو تورکی، جە ساڵەکاو ویەرڎەینە بییەن مایۍ ناڕەزایەتیی فرەو گەلوو کوردی.
س.ز
