ناوەندوو ئەرەیاونای و چاپەمەنیی ھەپەگەی جە ئەرەیاوناێوەنە، شناسنامەو گەریلاێوەش وەڵا کەرڎۊ، کە مانگەو تەمووزوو ئێساڵی مەنتێقەو نسێبینینە گەشمەرڎۍ بییە.

جە ئەرەیاوناکەینە ئامان:

"هامڕێما دەستان بۊتانە، کە ڕۊڵۍ قارەمانەو جزیرەوبۊتانینە، جەنگاوەرۍ گیانبازەو کۊشیای ئازادیی گەلەکەیما و جەنگەوانۍ قارەمانەو یەژاستارینە، ڕۊو ٢٥ تەمووزوو ٢٠٢٣ جەنگنوو دوژمنینە گەشمەرڎۍ بییە. وەختۍ نسێبیننە هەرمانەکێش پۊڕنۍ، بە تەنیا دژوو سەدان دوژمنا کە تەوقەشا دێبۍ، گژیا و تا دوژمن نەتاوۊ گێرۊش، بە گیانبازییوە بەرەو گەشمەرڎەبییەی ھەنگامەش نیا. ھامڕێما دەستانە بە نوێنەرایەتیکەرڎەی شکۊو ژەنێوە ئازادۍ و هەڵوێستی جەنگاوەری ئاپۊیی و ڕۊحوو مدرامانوو بێریتانۍ کە یەژاستارشا خولقنا گەشمەرڎۍ بییە.

  کۊشیا، هەڵوێست و بەشداریکەرڎەیش جە ناخۊ، قارەمانی و لوای گیانبازنەو ھامڕێما دەستانۍ، پێسە نامەکێش دایمە ڕانیشاندەرە و سەرچەمەو هێزۍ و مۊڕاڵیما بۊ. تا ئا وەختە دلۍ گەلەکەیمانە ژەنی چانۍ ئازۍ، یارۍ، کۊشەرۍ، ڕەسەنۍ و ساعیب ڕۊحێوە ئازادی با، هومێدوو ژیواێوە ئازادی دایمە زیندەی بۊ و کۊشیای ڕەسەنوو ئادی میاوۊ سەرکەوتەی.

سەرەوەشیما ئاڕاستەو گەلی وەڵاتپارێزنوو جزیرەو بۊتانی و گەلوو کوردستانی، بەتایبەتی بنەیانەی بەنرخوو ھامڕێما دەستانۍ کەرمۍ.

ئینە شناسنامەو هامڕا دەستانێن:

شناسنامێ: دەستان بۊتان

نامۍ و دمانامێ: قەدەر ئاجار

یاگۍ پەیدابییەی: شڕنەخ

نامۍ ئەدۍ و تاتەی: لەیلا - محەمەد

وەخت و شۊنەو گەشمەرڎەبییەی: ٢٥ تەمووزوو ٢٠٢٣ / نسێبین

ژ.ن