ھەپەگە ئشناسنامەو گەریلېوەش ئاشکرا کەرڎ، کە جە گارزان گەشمەرڎۍ بیېنە و ئەرەیاۋناش: "هامڕاما ئاردەمە سەرو خەتەو گیانبازی جەنگش کەرڎ و بیە بە نموونېوە بێھامتای جەنگاوەری ئاپۆیی. بە کۊشیای و ھەڵۋێسیش، نوێنەرایەتی ئشناسنامە و ژەنا ئازاڎیش کەرڎ".
ناوەنڎو یاۋنەری و چاپەمەنی ھەپەگەی جە ئەرەیاۋنېوەنە ئشناسنامەو گەریلېوەش ئاشکرا کەرڎ، کە جە گارزان گەشمەرڎۍ بیېنە.
جە ئەرەیاۋناکەنە ئامان:
"جەنگاوەرەی پسپۆڕەو خەتەو ئازاڎیی ژەنا و ئایدۆلۆجیای ئاپۆیی، فەرمانڎۍ بەنرخەما ئاردەم ئاراراتە، کە تا دما ھەناسەش ۋېڕاگریش کەرڎ، جە ١و ئابو ٢٠٢٣، جە ئاکامو بۊمبوارانۍ قورسو سوپاو تورکی ئەرەگیری گەشمەرڎۍ بیە. هامڕاما ئاردەمە، جە ماوەو ٧ ساڵا ۋیەرڎەینە، بە تایبەتی مانگەی ۋیەرڎۍ، جە دژوو گرڎ جۆرە تەکنیکێوە سوپاو تورکی ئەرەگیری سەرو خەتەو گیانبازی جەنگش کەرڎ و بیە بە نموونېوە بێھامتای جەنگاوەری ئاپۆیی. بە کۊشیای و ھەڵۋێسیش، نوێنەرایەتی ئشناسنامەو ژەنا ئازاڎییش بە شێوازێوە شایستە کەرڎ. هامڕاما ئاردەمە جارێوەتەر سەلمناش، ژەنۍ کە بە جەنگاوەری پاژکی و جەنگەوانەو یەژاستاری ئازاڎە بیېنە، دلۍ حیچ ھەلومەرجێوەنە مەتاۋیۊ جە تەرەفو مەغزی پیا سالارییوە چۆکش پنە بڎریۊرە. جە ڕندەخان تا ئاژین گارزان و ژیندا ئۆزگوران، بیە بە دما ڕێبوارەو نەریتو مدرامانی ڕەسەنو ئازاڎیی و دلۍ تاریخو مدرامانیمانە یاگۍ ۋېش کەرڎۊ.
سەرەوەشی ۋېما ئاراسەو گەلوو وڵاڎپارێزو کورڎسانی، بەتایبەتی خانەواڎەو بەنرخو فەرمانڎە قارەمانەکېما ئاردەم ئاراراتۍ کەرمۍ. وەعد مڎەیمۍ کە جە کۊشیایمانە خۊتانکەرڎەی جە یاڎو هامڕا ئاردەمۍ کەرمۍ.
زانیاری جەبارەو ئشناسنامەو هامڕێما ئاردەم ئاراراتۍ پی جۊرەنە:
ناسنامۍ: ئاردەم ئارارات-ە
نامۍ و دمانامۍ: سوڵتان ئۆروچ-ە
یاگۍ جە ئەڎابیەی: ئامەد
ئەڎا و تاتە: خەیریە-ئیسماعیل
وەخت و یاگۍ گەشمەرڎەبیەی: ١و ئابو ٢٠٢٣ / گارزان
هـ . ش
