ناوەندوو ئەرەیاونای و چاپەمەنیی هەپەگەی ئەرەیاوناێوەنە شناسنامەو گەریلێوە وەڵا کەرڎۊ، کە مانگەو ئایاروو ئێساڵی ھەرێمەکاو پارێزنای مێدیاینە گەشمەرڎۍ بییە.

ئەرەیاوناکەینە ئامان؛

"ھامڕێما ڕۊژدا ماهیرە، مانگەو ئایاروو ساڵەو 2023، جە ئەنجاموو هجووموو دوژمنی پەی سەروو ھەرێمەکاو  پارێزنای مێدیاینە گەشمەرڎۍ بییە.

کۊشیای پەی ئازادیی کوردستانی، کە گرد  ڕوۍ بە قارەمانێتیێوە گەورەوە بەرڎەواما و سایۍ ڕەنج و مانیای بێھامتاو ئا قارەمانانە، پەی گردوو گەلاو وەرکەتوو دلێڕاسەی بەتایبەت پەی گەلوو کوردی بۊ بە هومێدوو ئازادی. ئی کۊشیا شکۊمەندانەو ژیوایە بەدڵنیاییوە قەرزاروو ھامڕا قارەمانامانە، کە گرد ڕوۍ قارەمانانە و ئازایانە گژیا و چا ڕێنە گەشمەرڎۍ با. سایۍ گیانبازی و حەوڵە بێھامتایەکاو گەشمەردامانە، جمیەرەکەما یاوان ئاستێوە وەڵێکەوتە.

هامڕێما ڕۊژدا بییە بە جەنگاوەرێوە سەرمەشقەو یەژاستاری، کە بە هەڵوێستی دڵسۊزانە و قەراردارانە گەشتەرکەرڎەی و وەڵێوەبەرڎەی کۊشیایمانە ڕەنج و مانیاێوە فرەش کێشت. حەر یاگێوەنە کۊشیۍ خەتەو ژەنۍ ئازادۍ وەشکەرۍ و دایمە وەرگێری چا خەتۍ کەرۍ. ھامڕا ڕۊژدا جە گرد وەختێونە هەوڵۍ دۍ کۊشیایما گەشتەر کەرۊ و ئەندێشەکاو ڕابەرایەتیما بیاونۊ بە گردوو ژەنا، ئا هەرمانە سەرمەشقانۍ وێشە سەرکەوتانە یاونا یاگۍ.

سەرەوەشیی وێما ئاڕاستەو بنەیانەی بەڕێزیش، کە جەنگاوەرێوە بەنرخی پێسە ھامڕا ڕۊژدا-یشا بە کۊشیای ئازادی ئێمە زیادە کەرڎە، ھەرپاسە گردوو گەلی وەڵاتپارێزنوو کوردستانی کەرمۍ.  

شناسنامەو ھامڕا ڕۊژدا ماهیرۍ پێسنەن:  

 

شناسنامێ: ڕۊژدا ماهیر

نامۍ و دمانامێ: هێڤی ڕەشید

یاگۍ پەیدابییەی: عەفرین

نامۍ ئەدۍ و تاتەی: ئەلماس - ڕەشید

وەخت و شۊنەو گەشمەرڎەبییەی: ئایاروو ٢٠٢٣ / ھەرێمەکاو پارێزنای مێدیای

         

        

س.ز