گەریلاکا هەپەگەی و یەژا ستاری بە مەڵامەتو ٤٦ەمین ساڵڕۆو ئەرەمەرزیارەو پەکەکەیۆ پەی ئاژانسیما قسێشا کەردێ و موبارەک بای وێشا ئاڕاسەو گرڎ لێوە کەرڎ.

پەکەکە ئشناسنامەو گەلین'

 ڤیان عەفرینە گەریلۍ یەژاستاری بە موبارەک بایی ساڵڕۆو ئەرەمەرزیارەو پەکەکەی جە ڕابە ئاپۆی، گەشمەرڏا ئازادی و گەلا دەسش بە قسەکاش کەرد و سەرنجش وست سەرو گرنگی پەکەکەی و ئینەش وات: "وەڵێ ئەرەمەرزیارەو پەکەکەینە گەلوو کوردی بەینو مەردەی و ژیواینە بێ. بە ئەرەمەرزیارەو پەکەکەی گەل سەرجەنۆ  ژیواوە و وێش ئەشناسا. بیی بە خاوەنو بییەی و کلتوورو وێش. ئی حەقیقەتە تەنیا پەی گەلوو کوردی مەدرەوشیۆوە بەڵکم جە کەسایەتی گەلوو کوردینە پەی گردو گەلا پڕانۆ."

'پەکەکە پارتوو گەشمەرڎان'

 عەگید ڕۆهەڵاتی گەریلاو هەپەگەی ئاماژەش بە هێڵۊو گەشمەرڎا کەرد و ئینەش وات: "پەکەکە پارتو گەشمەرڎان. چا کاتەنە هەڤاڵی سەرمەشقما هەڤاڵ حەقی کارەر گەشمەرڎە بی، ڕابەر ئاپۆ قەرارو ئەرەمەرزنای پەکەکەیش دا. هەر پۊکەی پەکەکە پارتوو گەشمەرڎان و پارتو حەقکەردەیۆین. ئاشکران پەی گرڎ کەسی ماوەو ٥٠ ساڵان پەکەکە بە ۋنەو گەشمەرڎاوە درێژە بە کۆششو ۋێش مڎۆ. هەرپاسە بەهاو هەرە بە قیمەتو پەکەکەی بیەی گەشمەرڎان. ئارۆیچەنە سەرو ڕاو گەشمەرڎاوە درێژە بەسەرکۆتەکاش مڎۆ. جە مەتینا، زاپ و خواکوڕکەنە دلۍ مەڕەکا جەنگینە گەریلا ئینا مڎرامانێوە سەختەنە.  بە ڕۆحو هەڤاڵ حەقی، کەمالی و مەزڵومەکاوە جە دژو ئەرەگیرا جەنگو بیەی و ئازادی ڕاوەبەر مکەرۆ. بە قەرارێنمۍ جە ساڵەی تازێنە جەنگکەردەیما بیاونمۍ بە ئاستێوە گۆرەتەر."

جە کەسایەتیمانە ئانەی جەنگ مکەرۆ گەلا'

ڕۆژگەر سەرحەد گەریلاو هەپەگەی سەرنجش وست سەرو کاتو ئەرەمەرزیارەو پەکەکەی کە چنی جە ساڵۊو ١٩٧٨یۆ ئەرەکۆشایێ بێهامتا بەرۆڕاوە و پی جۆرە درێژەش بە قساکاشدا: "پەکەکە جە کەسایەتی هەمڕایا سەرمەشقیما حەقی، کەمالی و مەزڵومینە بییەن بە پارتێوە جە پۆڵای و جە ئیسەیچەنە جەنگاوەرا پێسەو سەرخۆبوون، ڕزگار، سارا و ڕووکەنۍ. ڕۆژهات و ئەرداڵەکا جەنگاوەرا ئاپۆیی گورزەی قورسە جە دووژمنی مڎانە. گەشمەرڏە سەرخۆ کاتێ واتش ئانەی جە کەسایەتی ئێمەنە جەنگ مکەرۆ گەلو کوردین، ئاماژەش پا حەقیقەتەیەدا کە ئەرەگیرەکۍ گەرەکشانە جە کەسایەتی گەریلاینە قوەتو گەلو کوردی ماڕانە. قەناعەتما هەن کە گەلەکەما چی پەیاما گەریلای یاوابۆنە و پا جۆرە ئەرەکۆشایش کەرد. چی ئاژە سەختەنە پەی گەلەکەیما و ئازادی جەسەیی ڕابەریما گژیەیمۍ. گرنگ نیا چ سەختیێ ئینا ئارانە، قوربانی مڎەیمێنە و بە دڵنیاییۆ ئەرەکۆشایما میاونمێ بە سەرکەوتەی."

'حیچ هێزێوە تواناو ئانەیشە نیەنە ئیراڎەما بماڕۆ'

 چیا ژیان کۆتۆلە گەریلۍ یەژا ستاری باسش چانەیەکەرد ئینایمێ دلۍ جەنگێوە فرە سەختینە و دەرەنجامو ئەرەکۆشای هەر سەرکەوتەین و ئینەش وات: "هجومە قیزەونەکێ بەردەوامێنێ، سروشتما سۆچنا و چەکی کیمیاویش جە دژ بەکارمارا. بەڵام پێسەو تەڤگەری شۆڕشگێڵنی و جەنگاوەری ئاپۆیی جە وەرا وەرو ئا هجومانە حەجگیز مۆراڵمان نمەوەزۆرە. ساڵڕۆو پەکەکەی پەی ئێمە ڕوێ گرنگا. پۆکەی بە مۆراڵ و وەشیێ فرۆ ئی ڕووەیە موبارەک مکەرمێنە. حیچ هێزێوە نمەتاوۆ وەردەمو ورە و ئیرادەیمانە وێش گێرۆنە. پەکەکە قوەو سەربەرزکەردەیۆ ئێمەن و بەردەواما. هەمڕێما ئاسیا و ڕۆژگەر جە دژو ناوەندو توساشی ئێرشا جە دڵو دژمنی وەردا و جارێوەتەر قوەتو سەرکەوتەی پەکەکەیشا بە دژمنی نیشانەداوە."

'گرڎ کاتۍ جە ئەرەکۆشاینە بیمێ'

 ئامەد فارقینی گەریلاو هەپەگەی بەوەشییۆ باسش جە جەژنەو ژیوایۆ ساڵڕۆو پەکەکەی کەرد و واتش: "پەکەکە تازەبیەیۆیمانە. وەڵێ ئەرەمەرزیارەو پەکەکەی گەلەکەما جە لێوارو مەرگی و دلێشییەینە بێ، بەڵام پەکەکە ئا گەلەشە جە چەمەڕای مەردەی وێشەنە پەی ژیونایۆ و کەردش بە گەلێوە خاوەن ئیرادە. ڕابەر ئاپۆ بە فکر و فەلسەفەو وێشۆ ئی گەلەشە پەروەردەکەرد و ورچەرخنا ئاستێوە جەهانی. بە دڵنیایۆ ۋنەو گەشمەرڏاما جە ویرمەکەرمێ و شکۆو ئازادیمانێ. هێڵۊو مەزڵومەکا، کەمالەکا، چوارەکێ کە ئێرشا جە جەسە وێشا وەردا گردو دەسەکەوتەکاما سەرەنجامو ڕەنجو گەشمەرڏامانە. پۆکەی گرد وەخت ڕێچکە گیرو گەشمەرڏاما بیمێ و پەی ئازادیی گیانما بەخشمۍ."