ئەڤریم نودا و تێکۊشین ڕوستەم گەریلۍ یەکینەکاو ژەناو ئازاڎی ستاری باسشا چانەیە کەرد، ئامانجشا بەزینڎەییئاستەیۊ ڕۊحوو مدرامان و وێگێراو ١٤ تەمووزین و تا جمیەروو ئازاڎی، سەرکەوتەی و ئازاڎی مسۊگەر کەرۊ؛ ئی ڕۊحە درێژەش بۊ.
ئەڤریم نودا و تێکۊشین ڕوستەم گەریلایاو یەکینەکاو ژەناو ئازاڎی ستاری YJA STAR سەبارەت بە وێگێریی ١٤ تەمووزی پەی ئاژانسەکەیما دوۍ. هەر دووە گەریلۍ YJA STAR باسشا جە ڕۊحوو ١٤ تەمووزی، بەرڎەوامیی ڕێبازوو مدرامانی تا ڕۊزگاروو ئارۊیما کەرد و ئاخیروو قسەکاشانە باسشا جە قەراروو گەریلایاو ئازاڎی جە ڕێبازوو مدرامانی و کۊشیاینە کەرد؛ کە تا مسۊگەرکەرڎەی ئازاڎیی ڕۊحوو مدرامانی وێشانە درێژە مدا پەنە.
"ئی هامڕۍ بە ئیرادێوە بێهامتاوە دژوو ئەرەگیرا ئەفسانەشا تۊمار کەرد"
گەریلاو YJA STAR ئەڤریم نودا جە ئەوەڵوو قسەکانشە جە کەسایەتیی گەشمەرڎا کەماڵ پیر، محەمەد خەیری دورموش، عاکیف یڵماز و عەلی چیچەک سەرجەموو گەشمەرڎاو ڕاو ئازاڎییش یادۍ کەرڎێوە و باسش جە گرنگیی ڕۊو ١٤ تەمووزی کەرد: "بەگردین تاریخوو پەکەکەینە داستانۍ فرە تارێخیۍ تۊمارۍ کریێنۍ. ئی کۊشیایە تا ڕۊو ئارۊی بە قوربانی و ڕەنجێوە فرە گەورەئامان. ئی ڕاسییە جە کەسایەتیی ڕابەر ئاپۊی و هامڕایاو ێیانی ئەوەڵینە بەرجەسە بۊ. هەڵبەتە ئێمەیچ قەرزارۍ ڕابەرایەتی و ئی گەشمەرڎانمۍ. جە قۊناغوو زینڎانوو ئامەدیوە زەخت و زۊرڎاریێوە فرە سەروو گەلی، ڕێکوستەی و زینڎانەکا هەن. دەوڵەتوو تورکی گرد نۊعە چەپەڵیێوە بەرۊ ڕاوە و ئی هامڕێما دژوو ئی سیاسەتا وەروو ئانەی ڕۊحوو پەکەکەی نیشانە بدا، دەسشا بە چالاکی کەرد. دەوڵەتوو ئەرەگیروو تورکیای ئاواتەواز بۍ جە بواروو دەروونی و جە بواروو جەستەییچۊ هامڕایاما دلێنە بەرۊ. هەڵبەتە تا ڕۊزگاروو ئارۊیچما ئی سیاسەتۍ بەرڎەوامێنۍ. ئیهامڕێما بە ئیرادێوە بێهامتاوە دژوو ئەرەگیرا ئەفسانەشا تۊمار کەرد. جە بواروو ئەشکەنجەیۊ گرد نۊعە تاقیکەرڎەیۊێشا سەروو ئی هامڕایاوە کەرد. ئی گردوو چێوا وێشاوە نەبێنۍ هامڕێما پی چالاکییەیشا تەرسێوە فرێشا دڵوو ئەرەگیرانە وەش کەرڎە. ئی هامڕێما هەرگیز ویرێشا جە وێدەسۊدای نەکەرڎۊ و سەرجەنۊ ڕۊحوو وێگێری و سەرکەوتەیشا بەرجەسە کەرد."
" ئی هامڕێما بە ئیرادەی بێ‌سنوورشا سەرکەوتەیشا مسۊگەر کەرد "
ئەڤریم نودا درێژەو قسەکاشنە باس جە ڕۊح و ئیرادەو چالاکواناو ١٤ تەمووزی کەرۊ و پێسە پێناسەش کەرۊ:"هامڕا عەلی چیچەک پێسە هامڕێوە گەنجی جە کەسایەتیی هامڕا کەماڵ پیرینە پەکەکەی مشناسۊ. هامڕا عەلی چیچەک جە کەسایەتیی هامڕا کەماڵ پیرینە ڕۊحوو مدرامانوو پەکەکەی مشناسۊ و ماچۊ ئەگەر فەرمانداریی من دەسش بە چالاکیی مانگێرتەیجە وارڎەی کەرڎەبۊ بەدڵنیاییوە چێوۍ مزانۊ و پەی ئینەیچە ئادیچ بەشداروو ئی چالاکییەی بۊ. کۊشیای ئی هامڕایا بێسنوورا و ئامێتەبییەێوە بێسنوور چەنی ڕابەر ئاپۊی و گەلەکەیما هەن. وەختۍ هامڕا محەمەد خەیری دورموش ماچۊ:'' کە مەرڎا سەروو قەبرەکێمۊ بنویسدۍ قەرزاروو گەلەکەیش.'' وینمۍ کە ئی هامڕۍ ڕۊحوو وێشا پێشکەش کەرد، وەراوەروو فاشیزمیوە سەرەشا نەکۊمنارە، گەرەکشابۍ پەی گەلەکەیشا کۊشیاێوە بێهامتا کەرا چێگەوە؛ هامڕا خەیری دورموش قەت وێش تێر نەوینۍ و وێش بە قەرزاروو وڵاتەکەیش نیارە. ئی هامڕۍ پەی ئێمە بیۍ بە تاریخوو وێگێری و بە ئیرادەی بێ‌سنوورشا سەرکەوتەیشا مسۊگەر کەرد. ئی هامڕێما پی چالاکییەیشا جارێوە تەر ڕۊحوو وێگیریی پەکەکەیشا کە تەسلیمبییەی قبووڵ مەکەرۊ، نیشانەو دنیۍ دا. جە کەسایەتیی هامڕا کەماڵ پیر، محەمەد خەیری دورموش، عاکیف یڵماز و عەلی چیچەک-ینە دیما، کە ئی ڕۊحە گردوو دنیێنە وەڵا بییەنۊ."
"ئامانجوو کۊشیایما دایمە ژیونایۊ ڕۊحوو ئی هامڕایانە"
ئەڤریم نودا دمادمایی قسەکاشنە واتش میراتوو ئی ڕۊحە وێگێرییە جە ڕۊو ئارۊیمانە کەرۊ و بە جەختکەرڎەیۊ سەروو وێگێریی هامڕایاما خەبات و زانا قەراروو گەریلایایشا پەی سەرکەوتەی وست ڕووە و ماچۊ: "ڕۊحوو ١٤ تەمووزی تا ڕۊو ئارۊیما جە کەسایەتیی هامڕایامانە جە هەرێمەکاو پارێزنای مەدیاینە، سەرنیشتنە و بەگردی و هەرچوار بەشوو کورڎانینە ژیویۊوە. ئی ڕۊحە دایمە زینڎە بییەن و زینڎەیچ مەنۊوە. لە قۊناغوو دماتەریچنە جە کەسایەتیی گەشمەرڎە خەباتی و زاناینە ئی ڕاسییە بەدی کریۊ. ڕۊحوو پەکەکەی کە ویگیری کەرۊ، کۊشیای کەرۊ و جە سەرکەوتەینە وێش کلید کەرۊوە؛ هەرگیز تێک نەشییەن و تێکیچ مەشۊ. ئێمە ئی ڕاسییا جە ڕابەرتی، جە هامڕا کەماڵی و هامڕا گەشمەرڎاوە فێرۍ بیێنمۍ. ئێمە پێسە شاگرڎاو ڕابەر ئاپۊی و گەلوو کوردی قەرزارۍ ئادیشانمۍ و ئامانجوو کۊشیایما هەمیشە ژیونایۊ ڕۊحوو ئێدیشان. "
ئێمە ئندە ژیوایما وەش مسیۊ، کە ئامادێنمۍ گیانما پەیش بەخشمێ
گەریلاو YJA STAR تێکۊشین ڕوستەمە ئەوەڵوو قسەکاشنە جە کەسایەتیی گەشمەرڎاو مدرامانوو ١٤ تەمووزینە گردوو گەشمەرڎاو ڕاو ئازاڎییش یادۍ کەرڎێوە و بەبیرهێناوەیەوە و پی ڕوەیە واتش:" جە دماو کودەتاو ١٢ ئەیلوولیوە دەوڵەتوو تورکیای گەرەکش بۍ گردوو جمیەرە شۊڕشگێڵنییەکا دلێنە بەرۊ. وەلی وێگێریی زینڎانەکانە پیلانەکێش پووچۍ کەرڎێوە. نە تەنیا بە چالاکییەکەیشا بە مرڎای و تەسلیمنەبییەیشا گردوو ئی پیلاناشا مایەپووچۍ کەرڎێوە. هەڵبەتە دەوڵەت چندە گەرەکش بۍ نازۊ ئی وێگێرییە بۊ، وەلێم جە کەسایەتیی کەماڵ پیران، مەزڵوم دۊغانان، عەلی چیچەکانە، گردوو ئی پیلانا پووچەڵۍ کریێوە. پێسە هامڕێما واتشا: "'ئێمە ئندە ژیوایما وەش مسیۊ، کە ئامادێنمۍ گیانما بەخشمۍ پەیش.'' هەرپاسە هامڕا عەلی چیچەک سەرەڕاو عومروو گەنجییش وێگێرتەکەیش بی بە جوابیوە گەورە.پەی ئینسانیەتی بی بە نموونێوە بێهامتا. ئی هامڕێما جە کەسایەتیی وێشانە نیشانەشا دا نە تەمەن، نە فاشیزمێوە کە سەروو گەلوو کوردیوە بلۊ ڕاوە مەتاوا وێگێری مردنا."
"هەتا جمیەروو ئازاڎی، سەرکەوتەی و ئازاڎی مسۊگەر کەرۊ؛ ئی ڕۊحە دمایش نمێ"
تێکۊشین ڕوستەمە ئاخروو قسەکاشنە بە باسکەرڎەی جە ڕۊحوو مدرامانوو ١٤ تەمووزینە جە ڕۊو ئارۊیمانە جەختش سەروو قەراروو گەریلایاو ئازاڎی جە کۊشیاینە و مدراماننە کەرڎۊ و واتش: "پەکەکە پیمانەو ئینسانیەتی و کوردبییەیش بەرجەسە کەرد، ١٤ تەمووزی ئی پیمانەشە وێشنە پێناسە کەرد و سەلەمناش. تا جمیەروو ئازاڎی، سەرکەوتەی و ئازاڎی مسۊگەر کەرۊ؛ ئی ڕۊحە درێژەش بۊ و ئینە پیمانەو ئێمەن تا ئاخیر. جە ڕۊزگاروو ئارۊیچمانە وێگێری کریۊ؛ پەنەوازا هەرکەس ئینەیە بەخاسی بزانۊ کە بنەماو ئی وێگێرییا ١٤ تەمووزین. جە زینڎانەکانە جە کەسایەتیی سارایانە، کەماڵانە، مەزڵومانە، عەلییانە و ...هتد ئەم پیمانۍ کە کریا، تا ڕۊزگاروو ئارۊیما درێژەشا هەن و تا ئاخیریچ درێژەشا بۊ. ئی ویگێرییە جە ڕۊزگاروو ئارۊیمانە بە جەنگوو تونێلا، جەنگی زەمینی و بە تیمە گێڵیەرەکاما بە جیاوازتەر کریۊ. نموونەی هەرەوەرچەموو ئینەیە جە سەرنیشتوو کوردسانینە جە کەسایەتیی هامڕا خەباتی و هامڕا زاناینە بە ویگێریێوە ٦ ڕۊیی بی. سەڕەڕاو گرد هجوومێوە تەکنیکی و سەروازی هامڕێما تا دما دەیەقە وێشا گێرت کەرد و تا فیشەکی ئاخیر جەنگشا کەرد و بە پلەی بەرزوو شەهادەتی یاوۍ. جە جەنگوو تونێلایچنە جە کەسایەتیی هامڕایا: باگەر، ئاڤزەم، نوری، ماردین، چەکداری و گردوو هامڕایانە ڕۊحوو ١٤ تەمووزی جارێوە تەر تر ژیویاوە. چند ساڵێچ بلۊ هەتا ئازاڎی مسۊگەر نەکەرمۍ بە ڕۊحوو هامڕا سارۍ، هامڕا کەماڵی، هامڕا نووری و هامڕا ئاڤزەمی ئی چالاکی و مدرامانی درێژ کەرمێوە."
س.ز
