کۆمیتەو ڕاوەبەری پەکەکەی بۊنەو ٤٥ ەمین ساڵیاڎوو ئەرەمەرزناو پەکەکەیۆ، ئەرەیاۋنېوەش ۋەڵاکەرڎۆ، داوا کەرۆ ٤٦ ەمین ساڵەو پەکەکەی، کریۊنە ساڵەو ئازاڎیی جەستەیی ڕابەروو گەلوو کوردی عەبدوڵا ئۆجالانی و چارەسەری پرسوو کوردی.

ئەرەیاۋناکەو کۆمیتەو ڕاوەبەری پەکەکەی، پی جۆرەنە:

ئێمە ئینایمۍ ٤٥ەمین ساڵیادوو ئەرەمەرزنای پەکەکەو سەرمەشقوو ئازادیمانە. پێسە تەڤگەری و گەلی و ئینسانیەتی دیموکراتیکی سەروو بناغەو  کەمپەینوو ئازادیی میاننەتەوەیی، بەشێوێوە قەوەتتەر و پاگێرتانەتەر ر دەس بە ٤٦ەمین ساڵەو کۊشیای کەرمۍ.باوڕما چانەن ، جە ٤٦ەمین ساڵیادوو پارتەکەینە جە چوارچوەو مسۊگەرکەرڎەی ئازادیی جەستەیی ڕابەر ئاپۊینە، دەسکەوتۍ گوەرۍ دەس وزمۍ.

ساڵەو ٤٥ ەمینی بیە بە ساڵەو کۊشیای و دەسکۊتە گۊرەکا

سەروو ئا بناغەیوە، ٢٧وو تشرینوو دووەمی  ڕۊو ئەرەمەزنای و جەژنەو پارتەکەی، جە ڕابەر ئاپۊی و گرڎو هامرایا و گەلی وەڵاتپارێزنیما و دۊسە شۊڕشگێڵن و دیموکراتەکامان مەبارەک کەرمۍ. جە هامڕا حەقی قەراریوە تا گەشمەرڎاو ساڵەو ٤٥ ەمینی، کە هامشانوو لەیلۍ و ئاخینۍ و ڕۊژهاتی و ئەرڎاڵی کە بیۍ بە سیمبول، بە ڕێز و وەشەسیایی و سوپاسۊ گرڎووو گەشمەرڎە قارەمانەکاما یاد کەرمێوە. جە ساڵەو ٤٦ ەمینوو پەکەکەینە، بە شێوێوە قەوەتتەر سەروو خەتەو  ڕابەرێتی و گەشمەرڎاوە جەنگ کەرمۍ و ئاندەی تەر سەرۍ گنمۍ.

پێسە مزانیۊ ڕابەر ئاپۊ و پەکەکە دلۍ مدرامانی چالاکانەینە سەرەشا ورڎان و فرسەتوو  ئا جۊرە مدرامانەیشا ورنەگێرتەن. بەپێچەوانەوە؛ جە سەرڎەم و کەشوهەواێوەنە سەرەشا ورڎا، کە گرڎوو ئەرەپڕایە کلاسیکییەکا شکسشا ئارڎەبۍ، داینامیکییەکۍ سەروو ئی بناغەیۊ دلێنە شیێبێنی، گەلوو کورڎی سەروو بناغەو قڕکەرڎەی چاندی دلۍ قەراخوو دلێنەشیەینە بۍ. جە دۊخێوە چامنەنە پێسە ڕزگاریی نەتەوەیی هامچەرخی، پێسە تەڤگەری دیموکراسی و ئازادی سەرەشا ورڎا و وەڵۍ کەوتۍ. ئەرەمەرزنای و وەڵێکەوتەی جە سایۍ حەوڵۍ هەوڵی ئارڎەینەرانۍ ڕابەر عەبدوڵڵا ئۊجالان، ئازایەتی و فیداکاریی گەورەو گەلوو کورڎی بە سەرمەشقایەتیی ژەنا و گەنجا ئاما دی.  پەوکای گرڎ وەختێوەش بە کۊشیاێوە گەورە بەرۍ سەر، گرڎ ساڵێوە بە مدرامان و جەنگێوە وافرتەر بە بەراورڎ بە ساڵۍ وەڵینۍ بەرۍ سەر، جە وەڵاکەرڎەیۊ چند کەلیمێوە تا میاوۊ بە خولقنای ژیواێوە ئازادی، گرڎ چێوێوەش سەروو بناغەو بەخشای گەشمەرڎەی و قوربانیدای دەس وست. ٤٥ ەمین ساڵیادوو ئەرەمەرزنای ڕسمی، پێسە بی بە ساڵەو  ساڵی کۊشیای و دەسکەوتی

ڕابەرایەتی ئاپۆیی بیەن بە میان نەتەوەیی

ئیساتی گرڎ لیوە ئی ڕاسییە مزانا و قبووڵش کەرا، کە گەلوو کورڎی بە کۊشیای گەورەو ڕابەر ئاپۊی و پەکەکە کاریگەریی قڕکەرڎەی چاندیش ماڕا، گرڎ چێوۍ بە نامۍ بییەی و ئازادییوە جە سایۍ کۊشیای ڕابەر ئاپۊی و پەکەکەیۊ ئاما دی. بە  کۊشیای نیم سەدەی،  ئا کورڎایەتییە کۊیلە، کە ئینا قەراخوو دلێنەشییەینە بۍ، کورڎایەتیێوە ئازادخولقیا، کە پەی ئازادیی گرڎ نۊعە باجێوەش وەرەچەم گێرتەن. کورڎستان ئیتر قەڵاو دماوەلوای نەبۍ، کورڎستان بی بە قەڵاو کۊشیای ئازادیی پەی گرڎوو ئینسانە بندەسەکا.  گلێرگەی کورڎی ئاشناو ئایدۊلۊژیاو ئازادیی ئاپۊیی بی، وێش ڕێک وست و مانادارتەرین جەنگوو ئازادییش تارێخەنە دەسش پەنە کەرڎ. ڕابەرێتی ئاپۊیی سەروو بناغەو کۊشیاێوە پاسە گەرڎوونیی بی، کۊشیای ئازادیی کورڎی فاڕیا پەی ڕۊشنایێوە پەی ڕۊشنکەرڎەیۊ ڕاو ئینسانی بندەسی.

 سەڎەو ٢١یش فاڕا پۍ سەڎەو ئازاڎیی ژەنۍ

کۊشیای ساڵەو ٤٥ەمینوو پەکەکەی گرڎوو ئا ڕووەدایا و وەڵێئامایاشا یاونۍ بەرزتەرین ئاست. مدرامانی تارێخیی گەریلای، کە بە سەرمەشقایەتیی زاپی و ئاڤاشینی و مەتینای کریۊ، کۊشیای قارەمانانەی گەلەکەیما جە  چوار پارچەو  کورڎستانینە و بەروو  وەڵاتیوە، کۊشیای دۊساما گرڎوو مەیدانەکانە، گورزێوە گرانش جە فاشیزموو ئاکەپە-مەهەپەی شانان و نزیکش کەرڎەنۊ و ئینا قەراخوو  وڕاینە. دۊتەوە مدرامانوو جەنگوو گەلی شۊڕشگێڵنینە، کە دژوو سیستموو قڕکەرڎەی و ئەشکەنجە و گۊشەگیری ئیمراڵیینە، پەی ئازادی جەستەیی ڕابەر ئاپۊی دەسش پەنە کەرڎ، یاوا ئا هێزە کە مۊرەو وێش سەروو سیاسەتوو هەرێمی و میاننەتەوەییوە بنیۊرە. تەڤگەروو ئازادیی ژەناو کورڎستانی، کە سەروو خەتەو ژەنی، ژیوای، ئازادی دەسش پەنە کرڎ، بە کۊشیای ئایدیۊلۊژی و پراکتیکیی وێش کاریگەریش سەروو ژەناو  سەراپاو جیهانیوە بۍ، سەدەو ویس و یەکەمیش کەرڎ سەدەی هەقەینوو ئازادیی ژەنا. تەڤگەروو گەنجاو کورڎ دژ بە مۊدێرنیتەی سەرمایەداری، بی بە سەرمەشقوو تەڤگەرێوە گەنجانەی میاننەتەوەیی، کە هاگاداریی ئەڵتەرناتیڤوو مۊدێرنیتەی دیموکراسی کەرۊ، هەرپاسە ئیرادێوەش ئارڎ کایەوە، تا دماڕۊو وێش بە دەسوو وێش خولقنۊ.

بانگەواز پۍ بەشڎاربیەی جە کەمپینوو ئازاڎیی میان نەتەوەیینە

سڵام چی مدرامانەو  گەریلای و گەلی و ژەنا و گەنجا کەرمۍ، کە ساڵەو ٤٥وو پەکەکەینە، زیندانەکاوە تا کەش، چوار پارچەو کورڎستانیوە تا چوارلاو سەروو ڕاو مدرامانی تارێخیی ئیمراڵیوە لوێنۍ ڕاوە. هومێدوو سەرکەوتەی موازمۍ و جارێوە تەر بە ڕێزۊ یادوو گەشمەرڎە قارەمانەکاما کەرمێوە. باوڕما چانەن ئی مدرامانوو  ئازادییە سەروو خەتەو فیداکارییوە کریۊ، جە ساڵەو ٤٦ەمینینە ئاندەی تەر قەوەتتەر بۊ و سەر گنۊ، سەروو ئا بناغەیوە هومێدوو سەرکەوتەیش پەی وازمۍ.

سەروو بناغەو کەمپەینوو "ئازادیی پەی عەبدوڵڵا ئۊجالانی، چارەسەر پەی پەرسەو کورڎی"  کە 10و تشرینوو یوەمینە ئەرەیاونیا، دەس بە ساڵەو ٤٦ەمینوو پارتەکەیما کەرمۍ. کەمپەینوو ئازادیی میاننەتەوەیی لاو دۊساماوە دەسش پەنە کرڎ، گەلەکەما و ئینسانیەتیچ پەشتیوانیشا وەنە کەرڎ.  ئیساتۍ گرڎ مەیدانێوەنە و گرڎ ڕوۍ پەی ئازادیی جەسەیی ڕابەر ئاپۊی و چارەسەرکەرڎەی پەرسەو کورڎی چالاکی کریۊ. گەلەکەما و دۊسێما چی چالاکییانە خێرامای ساڵەی تازۍ پارتەکەی کەرا. ژەنی و گەنجۍ سەرمەشقۍ ئی کەمپەین و چالاکییا کەرا، کە سەر وو ئاستی میاننەتەوەیی ملۊ ڕاوە. بە گرڎوو ڕەنگ و ڕەگەز و نەتەوە و بەشەکاو جڤاکیوە، ئینسانە دیموکرات و ئازادیپارێزنەکۍ بەشداریی کەمپینەکەی کەرا. جە ئاستی میاننەتەوەیینە کۊشیاێوە تازەی دیموکراسی و ئازادییشا دەس پەنە کەرڎەن. ئی کۊشیایە گەورە دەوروو ئازادیی جەستەیی ڕابەر ئاپۊینە و سەروو بناغەو قبووڵکەرڎەی پارادایمی دیموکراتیکی و ئیکۊلۊژیکی و ئازادیی ژەناوە ملۊ ڕاوە. هاموەخت، ئانەیە نیشانە مدۊ، کە "تەڤگەرێوە دیموکراسی میاننەتەوەیی" دەسش پەنە کەرڎەن.

دیارا ساڵەو ٤٦ ەمینوو پەکەکەی سەروو بناغەو ئی کەمپینە و ئازاڎیی و چالاکییا دەرباز بۊ. حەر جە گەریلایۊ تا ژەنا، جە گەنجاوە تا مدرامانوو گەلی، گرڎوو کۊشیاکا چی کەمپینە میان نەتەوەییەنە یۊگېرا. جمیەرەکەما، گەلەکەما، دۆسەکېما، دژوو دیکتاتۆری فاشیست و قڕکەری تەیب ئەردۆگانی و هامپەیمانی گەلی، سەروو بناغەو ئی کەمپینەیە کۊشیانە و سەرگنا. چنی کۊشیای ساڵەو ٤٥ ەمینی، بنەڕەتەکۍ سیستموو فاشیستی-قڕکەری لەرزۆکۍ کریۍ و هامسەنگی تێکدریا. بە کۊشیای ساڵەو ٤٦ ەمینی، فاشیزموو ئاکەپە – مەهەپەی هۊرشېویۊوە و ئی پرۆسە تەمامیۆ. سەروو ئی بنەڕەتیە ئازاڎیی جەستەیی ڕابەر ئاپۆی و چارەسەری پرسوو کوردی مسۆگەر کریۆ. چا چوارچێوەنە داوا جە هامڕایاما و گەلی وڵاتپارێزیما و دۆسا دیموکراتیکیما کەرمۍ، عال چا کەمپینوو ئازاڎییە میان نەتەوەییە بیاوانە کە جە ١٠ و تشرینوو یوۋەمینە دەسش پنەکەرڎەن، یۊگېرتۍ و بەقوەتۍ با، بە شێوېوە فرەلایەنانە ئی کۊشیایە سەروزا.

ڕاما واڵانە و ۋەرووچەماما ڕۊشنا

ئامانجمان پۍ ساڵەو ٤٦ ەمینی، پاگیری و ئیراڎەو سەرکۊتەین سەروو ئی بنەڕەتیە. سەروو بناغەو کەمپینوو ئازاڎیی میان نەتەوەیی، ئازاڎیی جەستەیی ڕابەر ئاپۆی مسۆگەر کەرمۍ، پرسوو کوردی چارەسەر کەرمۍ، بەجۆرێوە، کە حیچ هێز و حیچ هجومېوە ئەرەگیر، حیچ زوڵم و فێڵبازیېوە نەتاوۆ ڕا چینەی گېرۆ. گەلوو کوردسانی مەبۆ حەجگیز ڕا بڎا پېسە خەڵکوو غەززەی بانۍ بە قوربانی جەنگی و مەسڵەحەتە هەرێمی و میان نەتەوەییەکا. پەنەوازەن ۋەران ۋەر بە لیبراڵیزموو مۆدێرنیتەی سەرمایەداری کە جە ڕاو ئایین‌پەرسی و نەتەوەپەرسی و ڕەگەزپەرسی و زانستوو پۆزەتیڤیوە ئی جۆرە جەنگا خوڵقنۆ، جە گرڎ مېڎانېنە کۊشیای بەقوەت و کاریگەر ئەنجام بڎریۆ. گەلا و چېردەسا، هوشیار کریاوە و ڕێکوزیا و کۊشیای هامبەش و هەرمانە کریۆ، سەروو خەتەو نەتەوەی دیموکراتیکی و کۆنفیدراڵیزمی دیموکراتیکی کە پەشتی بەسۆ بە ۋېڕاوەبەری دیموکراتیکی. سەرو ئی بناغەیە، خەتەو هامپەیمانی ستراتیجی جە ڕاو کۊشیای دیموکراسی و ئازاڎیی گەلا و چېردەساوە گیریۊنەوەر و ئیسفاڎە جە گرڎ جۆرە پەیوەنڎیېوە تاکتیکی هۊرگیریۆ.

ئاشکران جە ساڵەو ٤٦ ەمینیچەنە ڕاما کراوېنە، ۋەرووچەماما ڕۊشنا. دیارە چکۊنە چېش کەرمۍ و چنی کەرمېش. چنی ساڵەو ٤٦ ەمینینە، عالتەر و قووڵتەر چی ڕاسیا بیاومېنە، پارادایموو ئازاڎییی ئاپۆیی بەشێوېوە بەقوەتتەر قبوڵ کەرمۍ، بەقوەتتەر بەشڎاری کەمپینوو ئازاڎیی میان نەتەوەیی کەرمۍ و جە گرڎ مېڎانېنە بە ڕێبازی شارەزایانە کۊشیای کەرمۍ و کەمپینەکەی سەروزمۍ. با ساڵەو ٤٦ ەمینوو پەکەکەی کەرمۍ بە ساڵەو ئازاڎیی جەستەیی ڕابەر ئاپۆی و چارەسەری پرسوو کوردی!

سەروو ئی بناغەیە؛ جارێوەتەر جە سۊماو دڵیۊ، ٢٧و تشرینوو دووەمی، جەژنەو پارتەکەیما، جە ڕابەر ئاپۆی و گرڎوو هامڕایاما و گەلەکەیما و دۆسەکاما پیرۆز کەرمۍ. داوا جەگرڎ کەسۍ کەرمۍ، بە چالاکی فرەلایەن و جۆشوو خرۊشۍ گۊرۆ، بە کەمپینی ئازاڎیی میان نەتەوەیی، ڕۊو ئەرەمەرزناو پەکەکەی پیرۆز کەرا.

حەرپاسە بۊنەو ٢٥ و تشرینوو دووەمی، ڕۊو جەهانیی ۋەرەنگاربیەیۊ تنووتیژی ۋەران ۋەربە ژەنا، گرڎ جۆر و ئاستێوە پیاسالاری شەرمەزار کەرمۍ. قەناعەتما پاسەن، ۋەرەنگاربیەیۊ تنووتیژی ۋەران ۋەر بە ژەنا بەقوەتتەر بۊ و ئخېزوو ئازاڎیی ژەنا ئانڎەی تەر بەقوەتتەر بۊ. سەروو ئی بنەڕەتیە ماچمۍ، پەنەوازەن پیایایچ هامشانوو ژەنا بەشڎارۍ چالاکییەکا با، سەروو بناغەو ئاخېزوو ئازاڎیی ژەنۍ، سڵام جە گرڎوو چالاکییەکا کەرمۍ و هیواو سەرکۊتەی وازمۍ!